ꞌRooma 6:13 - ꞌBuuk cĩ Thõõth cĩ Nyekuci

¹³ Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 6:13 ပူးပေါင်းရင်းမြစ်များ

ꞌLuuka 15:24

Baa loholeec ꞌcĩ aggamaawa lõõcĩ cieeni nẽ ꞌyioko aau hĩ ẽẽtĩ ꞌcĩ arũgna daahĩtha. Baa iꞌnginõõthĩ nẽ ꞌyioko, ummuddia.’ Nĩngĩtĩ iꞌthianaanĩ nẽẽg adahĩ karrama.

ꞌLuuka 15:32

Nẽẽthĩ, hatalit nẽ haccamattoothĩk gẽrrẽẽt, hĩnĩngĩtĩ baa aau ꞌgotonu hĩ ẽẽtĩ ꞌcĩ adaak ẽlẽk nẽ ꞌyioko ũrũga daahĩtha. Baa iꞌnginõõthĩ nẽ ꞌyioko ummuddia.’ ”

Yõaannẽ 5:24

Haduhaakuung dĩdĩ, ẽẽtĩ ꞌcĩ athĩhĩ thõõth caannĩ nẽ ẽlẽm eet baa ĩꞌthõõannaa nganĩĩta, ammũda hatĩ ẽẽtĩ tĩho rũgẽt ꞌcĩ aalla ooo nẽ hõllõngaa hatĩ uuki, hĩnĩngĩtĩ abaakia nẽẽ daahĩtha ikia rũgẽta.

ꞌRooma 1:29

Iita ẽꞌthẽcattõõ nẽẽg ꞌgoolliohĩĩ cĩg mẽẽlĩg nẽ ĩĩtõ eet ꞌcĩg abathĩ, ĩĩn lobolobbwaak nẽ idticatteek ꞌgõõnõgĩ thooꞌthiok ꞌcĩg abathĩ. Ehethiini hẽlẽggĩ cĩg eetuk, aruk eeta, ẽppẽhanõõ hĩ ꞌgõõnõgĩ, ĩggõõl eet nẽ ummuhit ngaatĩ adĩmanĩ thooꞌthiok ꞌcĩg abathĩ. Aangal ngaatĩ õꞌngõmtĩ ꞌgõõnõgĩ,

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 6:11

ꞌGõõla hõdẽẽthõng, ma nga haaꞌnyiku eleeti cugguung haggamuung ꞌthẽccanĩ. Nẽẽthĩ hinnia, aaꞌnyuung Yeesu Krĩstõ ngagiit rũgẽt nẽ aauttu ꞌgõõlaa ꞌcĩ accamana Nyekuci.

ꞌRooma 6:16

Hõllõngaa agayyu niig ngaatĩ iiginnu appahacaaꞌnya cĩg hẽlẽggĩ ꞌcĩg athiknu niiga? Occa iiginnu niig appahacaaꞌnya cĩg ꞌthẽccaanak nẽ adaaktu, hode occa iiginnu appahacaaꞌnya ꞌcĩg athiknu Nyekuc, ꞌcĩ hatĩ aaꞌnyuung ngagiit ũbũttaath rũgẽtaa cunuung.

ꞌRooma 6:19

Hothoothi naa hoti, hĩnĩngĩtĩ hõllõngaa attirannu niiga. Hĩ baa gõõng aalla aaꞌnyiku eleeti cugguung hĩĩtõ appahacaaꞌnya cĩg thooꞌthiok ꞌcĩg ĩĩn ꞌriiring hĩ ꞌcĩg abathĩ, nẽẽthĩ ꞌyioko, aanytĩk ĩhõõggõ hĩĩtõ appahacaaꞌnya cĩg thõõth ꞌcĩ abũnnaa ꞌcĩ okooyyuung thõõthaa ꞌcĩ ẽllẽẽmĩthĩ.

ꞌRooma 7:23

Nẽẽthĩ hinnia, hadtuuha nyattal umwa ẽllaa caannĩ ꞌcĩ aaburroo hĩ nyattal cĩ õõ caannĩ, ꞌcĩ aaꞌnya nganĩĩt hĩĩ appahaca cĩ nyattal cĩ ꞌthẽccan cĩ ẽlẽ caannĩ.

ꞌRooma 7:5

Hĩnĩngĩtĩ baa nga aggammeet ngagĩĩt thõõth ꞌcĩ habũranẽẽkĩ ꞌthẽccan, baa aaꞌnyeet nyattalĩ hũbũratteek ꞌthẽccan eleetinii cĩggaac ĩcĩg aĩnanaanneet hadaahit.

1 Korinthia 6:15

Aitiõõ niig hõllõngaa agayyu ngaatĩ ĩĩnnĩ eleeti cugguung dhoorit cĩ ẽlẽ cĩ Krĩstõ? Ĩcca occa hattiha naa ẽlẽ cĩ Krĩstõ nẽ hũrũmeeha hĩ cĩ ꞌwaaꞌngiaktõ? Aitiõõ ũdũt!

1 Korinthia 6:20

baa uuttiannu niig thõng. Nẽẽthĩ hoti ho, itingolli Nyekuc eleetinii cugguung.

1 Korinthia 6:9

Hõllõngaa nooyyia agayyu niig aĩ, hõllõngaa hatĩ arigith eeta ꞌcĩg ĩĩn ꞌthẽccanniook habuccieet cĩ Nyekuci? Ma higgoollu eleeti! Aitiõõ hatĩ eeta ꞌcĩg adĩman thooꞌthiok ꞌcĩg ĩĩn ꞌriiring, hode eeta ꞌcĩg ala nyekuꞌnya ꞌcĩg hõllõngaa ĩĩn dĩdĩ, hode eeta ꞌcĩg attik ngaaĩ ꞌcĩg ꞌrĩĩng, hode ꞌwuaangiak ꞌcĩg maacĩg hode eet ꞌcĩg attik ꞌgõõnõgĩ ꞌcĩg maacĩg,

2 Korinthia 10:4

hode hõllõngaa hadticanna naag jore dĩlaꞌnyaannĩĩ cĩg looc nicci. Nẽẽthĩ, hadticaniinna ꞌtirrian cĩ Nyekuci ꞌcĩ hĩllõõanĩ mĩrõk cĩgĩnnĩg. Hĩꞌthaanna naag muhẽẽnĩt ꞌcĩ abũrrĩ eeta Nyekuc.

2 Korinthia 5:14

Aggammeet ngagĩĩt mĩnnanĩ cĩ Krĩstõ. Haga naag haĩ baa adaahĩ Krĩstõ, hĩnĩngĩtĩ eet vẽlẽk, ẽtẽrꞌtha thõõth ciee aĩ, õthõl eeta vẽlẽk daahĩth cĩnnĩ.

2 Korinthia 5:15

Nẽ baa adaahĩ Krĩstõ, hĩnĩngĩtĩ eet vẽlẽk, hátĩ hiittiõõ eeta ꞌcĩg arũgĩ hõllõngaa arũgĩ, hĩnĩngĩtĩ eleeti cĩggĩĩng diooni. Abũnnaa arũgĩ nẽẽg, hátĩ haccamattoothĩk hĩ Krĩstõ baa adaahĩ nẽ ũrũga tarĩ, hĩnĩngĩtĩ ĩhõõggõ.

2 Korinthia 8:5

Iita itikta nẽẽg ꞌbaaninit ꞌcĩ maka hĩllõõan baa hammuhuneeka naaga. Atiman nõõ nẽẽg ngaatĩ aaꞌnyĩkĩ eleeti cĩggĩĩng hĩ Makayyioohit Yeesu, hĩ ngagĩĩt buúk, haau hĩ baa adiim Nyekuci ĩhõõggõ hidticanit.

Eevvetho 2:5

aaꞌnyeet ngagĩĩt hũrũgĩt hõdẽĩ hĩ Krĩstõ. Tananga baa hadaahito naag hĩnĩngĩtĩ ꞌthẽccanẽẽta, iita eelliau niig bũnnaiittaa cĩnnĩ.

Eevvetho 5:14

hĩnĩngĩtĩ lanyit ꞌcĩ aaꞌnyĩk ꞌgii vẽlẽk hedeeꞌnyia. Ĩnõõ ꞌcĩ aĩnnĩ ꞌBuuhi cĩ Nyekuci, “Anneek uꞌnyaakiahit tĩnga, rũga daahĩtha, hátĩ haaꞌnyi Krĩstõ lanyit.”

Pilippi 1:20

Hammuhuneehi naa haini, hõllõngaa hatĩ haꞌngaoni ũdũt, nẽẽthĩ, aalla hatĩ õkõmĩ nganĩĩt ꞌthĩnĩt, hĩnĩngĩtĩ Krĩstõ, haau hĩ gõõng hõdõõkõthĩ. Nẽ haga naa haini, aꞌnyahaak hatĩ rũgẽtĩ caannĩ Krĩstõ bulẽẽnĩt, tananga harugi hode hadaahi.

Kolooꞌthe 2:13

Baa adaaktu niig, hĩnĩngĩtĩ baa iiginnu ꞌthẽccanniook nẽ baa hõllõngaa iiginnu eet cĩg Nyekuci. Nẽẽthĩ, baa aaꞌnyĩk Nyekuci Krĩstõ haaꞌnyuung ngagiit ũrũgta tarĩ, ngaatĩ ũũnnĩkĩ ꞌthẽccanẽẽt cĩggaac vẽlẽk.

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

2 Tẽꞌthaloonika 2:12

Uuk hatĩ Nyekuci ĩhõõggõ vẽlẽk, hĩnĩngĩtĩ ẽlẽmĩ nẽẽg thõõth ꞌcĩ hõllõngaa ĩĩn dĩdĩ nẽ accamatta ꞌthẽccan.

2 Timotteeo 2:15

Dticcianõ gẽrrẽẽt, hátĩ ĩĩ dticciannioohit ꞌcĩ ẽlẽmĩ Nyekuci, ꞌcĩ ĩĩnĩ dticciannioohit cĩnnĩ ꞌcĩ hõllõngaa aꞌngaaõn ngaatĩ aꞌthũũnnĩ thõõth cĩnnĩ jurrung, nẽ illimaneehu eet thõõth cĩnnĩ ꞌcĩ ĩĩn dĩdĩ.

ꞌJeemith 4:1

Ne ꞌcĩ ĩkõõtha jore hĩ ꞌgẽrẽnyõõn hõrggẽẽnaa cunuung ko? Hõllõngaa nooyyia au nẽẽg hẽlẽggẽẽnnĩĩ ꞌcĩg abũraneeku niig ĩcĩg aruhõõ ꞌthinneetinii cugguung?

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Pẽẽtũrũ 4:2

Ẽtẽrꞌtha thõõth ciee aĩ ũtũngteehu niig hẽlẽggĩ ꞌcĩg ĩĩdĩ ꞌthinneeti cugguung nẽ idiimtu ithiktu thõõth cĩ Nyekuci rũgẽtaa cunuung vẽlẽk.

1 Yõaannẽ 1:9

Nẽ má haduhaak ꞌthẽccanẽẽt cĩggaac Nyekuc, haga ngaatĩ haarĩkĩ ꞌthinneeti cĩggaac hĩ ĩnõõnnõ haĩnnĩ, aũlan nẽẽ ngaatĩ ammaannĩkeet ngagĩĩt ꞌthẽccanẽẽt cĩggaac nẽ ũtũũnyeet thooꞌthiohĩĩ ꞌcĩg abathĩ vẽlẽk.