ꞌRooma 5:9 - ꞌBuuk cĩ Thõõth cĩ Nyekuci

⁹ Nẽẽthĩ ꞌyioko, hĩ baa elemeet Nyekuci ngagĩĩt, hĩnĩngĩtĩ biyyi cĩg Krĩstõ, ĩĩn occa hatĩ elliaanĩtĩ ꞌcĩ ẽẽlanneet Nyekuci lĩĩlĩẽẽttaa cĩnnĩ, hĩnĩngĩtĩ Krĩstõ hutuno!

ꞌRooma 5:9 ပူးပေါင်းရင်းမြစ်များ

Yõaannẽ 5:24

Haduhaakuung dĩdĩ, ẽẽtĩ ꞌcĩ athĩhĩ thõõth caannĩ nẽ ẽlẽm eet baa ĩꞌthõõannaa nganĩĩta, ammũda hatĩ ẽẽtĩ tĩho rũgẽt ꞌcĩ aalla ooo nẽ hõllõngaa hatĩ uuki, hĩnĩngĩtĩ abaakia nẽẽ daahĩtha ikia rũgẽta.

ꞌRooma 1:18

Ẽtẽrꞌtha Nyekuci liilii cĩnnĩ hẽẽtahujjieen, ꞌcĩ aꞌnyaheek nẽẽ eet vẽlẽk ꞌcĩg ĩĩn ꞌthẽccanniook, ꞌcĩg ammũt thõõth ꞌcĩ ĩĩn dĩdĩ ꞌthẽccanẽẽtĩĩ cĩggĩĩng,

ꞌRooma 5:1

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ,

ꞌRooma 5:10

Tananga baa hĩĩtõ naag mĩrõk cĩg Nyekuci, ikia aganĩꞌtheet nẽẽ ngagĩĩta, hĩnĩngĩtĩ baa adaahĩ Ngeerĩnĩ, hĩnĩngĩtĩ ngagĩĩta. Nẽẽthĩ, nga aayyiaa ꞌgiimwaa ꞌcĩ ĩllõõan ꞌgõnnaꞌthẽẽt cĩnaac. Nẽẽthĩ ꞌyioko, hĩcĩ hagayyiõõ naag hĩ Nyekuc ko, heelliaa hatĩ naag rũgẽtaa cĩ Ngeerĩnĩ.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 8:30

Nĩngĩtĩ ẽlẽmmĩ Nyekuci eet baag ẽbẽra nẽẽ baa ĩĩcĩ oou ẽlẽk nẽ otholit bulẽẽnĩt cĩnnĩ hĩ ĩhõõggõ.

Eevvetho 2:13

Nẽẽthĩ ꞌyioko, urumtu niig eleeti cugguung hõdẽĩ hĩ Yeesu Krĩstõ. Baa gõõng iiginnu niig ꞌrẽẽttĩg hĩ Nyekuc, nẽẽthĩ ꞌyioko, iita oboktoou niig hĩ ĩnõõnnõ, hĩnĩngĩtĩ biyyi cĩg Krĩstõ.

Eevvetho 2:3

Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.

1 Tẽꞌthaloonika 1:10

Nẽ athithan tarĩ eeta ꞌgõõl ꞌcĩ ereeyyu niig Ngeertĩ Nyekuci, ꞌcĩ hatĩ aku hẽẽtahujjieen, baa arũgtha Nyekuci daahĩtha, ĩnõõnnõ Yeesu ꞌcĩ hatĩ aku ẽẽlanneet ngagĩĩt lĩĩlĩẽẽttaa cĩ Nyekuci, kõr ꞌcĩ hatĩ aku ẽttẽẽdĩ nẽẽ thooꞌthiok cĩg eetuk, hatĩ kõr ꞌcĩ decciaanĩt cĩ lootu.

Ebereei 9:14

Ummuhit dako nõõ ꞌgõõl ꞌcĩ ũũnyĩ biyyieeta cĩg Krĩstõ muhẽẽnĩt cĩ ꞌthinneeti cĩggaac, hĩnĩngĩtĩ ꞌthẽccanẽẽt ꞌcĩg hadĩman naag, hátĩ halaac Nyekuc ꞌcĩ arũgĩ ũdũt. ꞌTirrianaa cĩ Lori ꞌcĩ aalla ũdũt, ikia ẽlẽmana Yeesu ẽlẽ cĩnnĩ hĩ ꞌgaarrieenit ꞌcĩ ẽllẽẽmĩth, hĩnĩngĩtĩ ꞌthẽccanẽẽt cĩggaac.

Ebereei 9:22

Nẽ dĩdĩ nyattaalaa cĩ Mũũꞌtha, ũũnyĩ hẽlẽggĩ vẽlẽk biyyiẽẽtĩ. Ma nga hibboorria biyyieeta, aitiõõ hõllõngaa ũũnnothoothĩk ꞌthẽccanẽẽta.

1 Yõaannẽ 1:7

Má haattĩg naag lanyita hĩcĩ aaĩ Nyekuci, hõthõl naag rũgẽt hĩ ꞌgoonogeet thõng. Nẽ ũtũũnyĩtõ biyyieeta cĩg Yeesu ꞌthẽccanẽẽt cĩggaac vẽlẽk.