ꞌRooma 5:7 - ꞌBuuk cĩ Thõõth cĩ Nyekuci

⁷ Nẽẽthĩ hoti ho, õkõmĩ gẽrrẽẽt ngaatĩ occa adaaknĩ eet umwaa, hĩnĩngĩtĩ eet ꞌcĩ Nyekuci, nẽẽthĩ nẽẽꞌthẽk, occa adaahĩ eet umwaa dĩdĩ, hĩnĩngĩtĩ eet ꞌcĩ abũnnaa.

ꞌRooma 5:7 ပူးပေါင်းရင်းမြစ်များ

Maatteeo 13:15

Hĩnĩngĩtĩ õkõmĩ ĩhõõggõ vẽlẽk ooti, iita idiitti ĩĩna cĩggĩĩng pĩd, nẽ ĩĩtõ rubettĩg hẽbẽrĩ cĩggĩĩng. ꞌYioko baa hiittiõõ hõllõngaa aattĩg nẽẽg hoti, occa ꞌyioko acĩnĩ hẽbẽrẽẽnnĩĩ cĩggĩĩng, nẽ ĩthĩktõ ĩĩnĩĩ cĩggĩĩng. Ma baa hagaacõ ꞌthinneetinitõõ cĩggĩĩng nẽ iita hĩ nganĩĩta, occa thĩ baa hẽẽla ĩhõõggõ.’

Yõaannẽ 15:13

Aitiõõ mĩnnanĩ ꞌcĩ ĩllõõan thõõth ꞌcĩ occa adaaknĩ ẽẽtĩ, hĩnĩngĩtĩ ꞌgõõnõgĩ tõõ.

Dtiicanĩ cĩg ꞌThooyyiahu 11:24

Baa ĩĩn Baarnaba eet ꞌcĩ callĩ ꞌthĩnĩt, ꞌcĩ aaĩ Lorii ꞌcĩ Ẽllẽẽmĩth hĩ lemiinit hĩ ĩnõõnnõ, nĩngĩtĩ au ẽlẽmmĩ eeta ꞌcĩg mẽẽlĩg ꞌrĩng Makayyioohit.

ꞌRooma 16:4

Baa adhuk nẽẽg rũgẽt cĩnĩĩng, hĩnĩngĩtĩ nganĩĩta. Nẽẽthĩ, hõllõngaa hĩnĩngĩtĩ nganĩĩt dioo, adhuk hĩnĩngĩtĩ lothippiꞌnya cĩg lemmiook cĩg eet ꞌcĩg hõllõngaa ĩĩn ꞌJudeei ꞌcĩg anneek ĩhõõggõ ĩlaallẽ.

ꞌRooma 5:6

Baa nga aitiõõ ẽẽtĩ ꞌcĩ eelleet ngagĩĩt tõõ, ikia ẽẽlaeet Krĩstõ ngagĩĩt hĩdĩĩkoothong nẽ adaak, hĩnĩngĩtĩ ngagĩĩt ꞌthẽccanniook.

ꞌRooma 5:8

Nẽẽthĩ eteretheeheet Nyekuci ngagĩĩt mĩnnan cĩnnĩ ꞌgõõlaa ĩĩcĩ, baa nga hĩĩgĩn naag ꞌthẽccanniook, ikia adaak Krĩstõ, hĩnĩngĩtĩ ngagĩĩta.

1 Yõaannẽ 3:16

ꞌGõõl ꞌcĩ hagaĩ naag mĩnnan cieeni. Baa ẽlẽmana Yeesu Krĩstõ ẽlẽ cĩnnĩ, hĩnĩngĩtĩ ngagĩĩta. Nẽ adiim occa hẽlẽmana naag buúk eleeti cĩggaac, hĩnĩngĩtĩ ꞌgotoonogeet hĩ ngoonogeet.