ꞌRooma 5:20 - ꞌBuuk cĩ Thõõth cĩ Nyekuci

²⁰ Baa aku nyattalĩ, hátĩ hedeeꞌnyia ꞌtirriani cĩ ꞌthẽccaanõ. Nẽẽthĩ, ngaatĩ attiranĩ ꞌthẽccanĩ, ikia ittiran tarbalꞌthẽẽt cĩ Nyekuci hĩllõõan.

ꞌRooma 5:20 ပူးပေါင်းရင်းမြစ်များ

Maatteeo 20:9

“Iita dticcianniooha aag au dtiica ꞌthaa ꞌtur ꞌjiaat nẽ aggamit ꞌdinaar hõdẽẽthõng cĩ dtiic cĩ kõr hõdẽẽthõng.

Maatteeo 9:13

Õõt da nõõ umuddia thõõth baa aduha ꞌBuuhi cĩ Nyekuci aĩ, ‘Haccamanaa naa tamaati, hõllõngaa haccamanaa ꞌgaarrieenit,’ hadiimmuung naa ngagiit atamaatĩk ꞌgoonogu. Baa hõllõngaa hakuu naa hikia hũtũvva eet ꞌcĩg abũnnaa. Hakuu naa havva ꞌthẽccanniook.”

ꞌLuuka 7:47

Haduhaakii naa nganiita, atamaattiothoothĩk ꞌthẽccanẽẽta cĩgĩnnĩg ꞌcĩg mẽẽlĩg ko, hĩnĩngĩtĩ mĩnnan cĩnnĩ ꞌcĩ maka. Ẽẽtĩ ꞌcĩ ũũnnothoothĩk ꞌthẽccanẽẽta ꞌcĩg hidicig haaga, ẽtẽrꞌtha nẽẽ buúk mĩnnan ꞌcĩ hidici.”

Yõaannẽ 10:10

“Dtiic cĩ igorriaaktõ dioo ꞌcĩ aku ĩgõrꞌthĩ aꞌtha nẽ ucuhana nẽ ĩꞌthaan thõng. Nẽẽthĩ, dtiic caannĩ ꞌcĩ hakuu haaꞌnyĩkĩĩ aꞌtha rũgẽt vẽlẽk ꞌcĩ aalla ooo.

Yõaannẽ 15:22

Má baa hiittiõõ naa hõllõngaa hakuu haduhaahi ĩhõõggõ, occa ꞌyioko baa hõllõngaa aga nẽẽg ꞌthẽccanẽẽt cĩggĩĩng. Nẽẽthĩ ꞌyioko, iittiõõ ꞌgõõl ꞌcĩ nga alĩĩtanĩ nẽẽg ꞌthẽccanẽẽt tõõ.

ꞌRooma 4:15

Hĩnĩngĩtĩ alĩĩlĩ Nyekuci hatĩ ẽꞌthẽcanni nyattalĩ cĩnnẽẽnĩ. Nẽ ngaatĩ aitiõõ nyattalĩ tõõ, aitiõõ ꞌgii ꞌcĩ occa ẽꞌthẽcan eeta tõõ.

ꞌRooma 6:1

Hõthõõth occa ꞌyioko haĩ ne? Haraac ꞌyioko hẽꞌthẽcattõ noho, hátĩ hĩttõõrĩ bũnnai?

ꞌRooma 6:14

Iitiõõ ꞌthẽccanĩ hõllõngaa aggammuung ngagiit tarĩ, hĩnĩngĩtĩ hõllõngaa aggammuung ngagiit nyattalĩ, nẽẽthĩ, aauttu niig lõꞌngõõc bũnnaiittaa cĩ Nyekuci.