ꞌRooma 5:2 - ꞌBuuk cĩ Thõõth cĩ Nyekuci

² nẽ hĩnĩngĩtĩ leminit cĩnaac, ikia aaꞌnyeet Krĩstõ ngagĩĩt eliinit cĩ Nyekuci ꞌcĩ hõllõngaa occa hammũda, ngaatĩ haattiyyi naag ꞌyioko ho. Nẽ haccamattoothĩk ngaatĩ hatĩ hõthõlĩ bulẽẽnĩt cĩ Nyekuci.

ꞌRooma 5:2 ပူးပေါင်းရင်းမြစ်များ

Maatteeo 25:21

“Ẽdẽcĩ makayyioohiti cĩnnĩ aĩ, ‘Ĩlaallẽ gẽrrẽẽt, ĩĩnĩ nii dticciannioohit ꞌcĩ abũnnaa ꞌcĩ athihi thõõth! Ĩdĩmanuu jurrung ngaatĩ adticaniini ꞌrabbẽẽt ꞌcĩg abadtẽc haaga hĩĩtõ mẽẽlĩg, nẽẽthĩ ꞌyioko, haaꞌnyii hatĩ naa nganiit makaaꞌthĩt ꞌcĩ aggamĩ hẽlẽggĩ ꞌcĩg mẽẽlĩg. Ijjia hiita hotholit hĩ nganĩĩt taliinit caannĩ.

Yõaannẽ 10:7

Ma ho, uduhaak Yeesu eet tarĩ ĩĩnnĩk, “Haduhaakuung dĩdĩ, hĩĩnĩ naa hattũũg cobbi cĩ aꞌthaannu.

Yõaannẽ 10:9

Hĩĩnĩ naa hattũũg cobbi. Ẽẽtĩ ꞌcĩ adukna hĩ nganĩĩta, eelliaa hatĩnĩ. Adukna hatĩ nẽẽ hattũũg cobbi nẽ uduhun ũũk battaala, hĩ aꞌthẽẽtĩ ꞌcĩ õkõ ẽgĩ mudduuny.

Yõaannẽ 14:6

Ẽdẽcĩ Yeesu ĩnõõnnõ anneek, “Hĩĩnĩ naa ꞌgõõl hĩ thõõth ꞌcĩ ĩĩn dĩdĩ hĩ rũgẽt. Aitiõõ ẽẽtĩ ꞌcĩ occa õkõ hĩ Baaba, hatĩ haitiõõ naa tõõ!

Yõaannẽ 5:24

Haduhaakuung dĩdĩ, ẽẽtĩ ꞌcĩ athĩhĩ thõõth caannĩ nẽ ẽlẽm eet baa ĩꞌthõõannaa nganĩĩta, ammũda hatĩ ẽẽtĩ tĩho rũgẽt ꞌcĩ aalla ooo nẽ hõllõngaa hatĩ uuki, hĩnĩngĩtĩ abaakia nẽẽ daahĩtha ikia rũgẽta.

Dtiicanĩ cĩg ꞌThooyyiahu 14:27

Ma baa õdõlanit Paaulo hĩ Baarnaba Antiok, iita uluttia nẽẽg lothippit cĩ lemmioohu vẽlẽk ngaatĩ hõdẽẽthõng nẽ uduktaak ĩhõõggõ thooꞌthiok vẽlẽk ꞌcĩg baag ẽẽlĩ Nyekuci ĩhõõggõ hĩdĩmanit, hĩ ꞌgõõl ꞌcĩ aaꞌnyĩkĩ eet ꞌcĩg hõllõngaa ĩĩn ꞌJudeei, haꞌnyahit lemiinit.

ꞌRooma 11:20

Ĩĩn nẽẽꞌthẽk thõõth niccia thõõth dĩdĩ. Nẽẽthĩ, baa eꞌngeddoothĩk nẽẽg tuu, hĩnĩngĩtĩ baa aitiõõ nẽẽg hõllõngaa ẽlẽmĩ Nyekuc nẽ aattiyyu niig ngaatĩ aattiyyu ho, hĩnĩngĩtĩ aꞌnyaku lemiinit hĩ ĩnõõnnõ. Nẽẽthĩ ma hirriannu thõng, itingolli Nyekuc.

ꞌRooma 12:12

Aanytĩk muhẽẽnĩt cunuung ꞌcĩ abũnnaa haaꞌnyuung ngagiit accamattoothĩk. Etemeethit pĩĩrnanĩt korrioohĩĩ ꞌcĩg abathĩ nẽ ma habĩllu laiinit.

ꞌRooma 14:4

Nganiit nganĩ ꞌcĩ occa etteedihi dticciannioohit cĩ eet umwa thõõth ko? Makayyioohit cĩnnĩ dioo ꞌcĩ aduha, hatĩ adĩman nẽẽ thõõth ꞌcĩ aũlanĩ nẽ Makayyioohit hatĩ dioo ꞌcĩ aaꞌnyĩk ĩnõõnnõ hĩdĩman thõõth ꞌcĩ aũlanĩ.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

ꞌRooma 3:23

hĩnĩngĩtĩ ẽꞌthẽcattõõ eeta vẽlẽk nẽ udhukta nẽẽg vẽlẽk, iittiõõ ẽẽtĩ ꞌcĩ ammũda bulẽẽnĩt cĩ Nyekuci tõõ,

ꞌRooma 5:5

Nẽ hõllõngaa adĩmanneet muhẽẽnĩtĩ ꞌcĩ abũnnaa ho ngagĩĩt ꞌbuth, hĩnĩngĩtĩ aarĩk Nyekuci mĩnnan cĩnnĩ ꞌthinneetinitõõ cĩggaac Loriiaa ꞌcĩ Ẽllẽẽmĩthĩ, ĩĩ baa aaꞌnyeet nẽẽ ngagĩĩta.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 8:24

Hĩnĩngĩtĩ muhẽẽttaa ꞌcĩ abũnnaa ho, hiita heellia naaga. Nẽẽthĩ, ma edeeꞌnyia muhẽẽnĩtĩ ꞌcĩ abũnnaa ho, iittiõõ hõllõngaa ĩĩn muhẽẽnĩt ꞌcĩ abũnnaa dĩdĩ. Nganĩ ꞌcĩ aꞌnyak muhẽẽnĩt ꞌcĩ abũnnaa ꞌgiiaa ꞌcĩ aꞌnyak nẽẽ ẽlẽk?

1 Korinthia 15:1

Nẽẽthĩ ꞌyioko, ꞌgotoonoga hĩ ngoonoga, hadiimi hammuhaakuung nyeemuut ꞌcĩ abũnnaa baa hirrioonĩkuung naa ngagiit nẽ nga elemmu hĩĩ noho.

2 Korinthia 3:18

Nẽ naag nuyyiooha cĩg Krĩstõ, ꞌcĩg hõllõngaa ammũtĩ muumti, hedeenyothi naag bulẽẽnĩt cĩ Makayyiookto nẽ ũtũhũeet Lorii cĩ Ẽllẽẽmĩth hiriiri, haaut hĩ Makayyioohiti cĩ abuli.

2 Korinthia 4:17

Nẽ pĩĩrnanĩtĩ ciee haꞌnyak naag abadtẽc ko, ĩĩn ꞌcĩ akũmaneekeet ngagĩĩt, hátĩ hummuddia bulẽẽnĩt ꞌcĩ maka ꞌcĩ aalla ooo.

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

Eevvetho 3:12

Nẽẽthĩ ꞌyioko, ikia ũkũtaneet Krĩstõ ngagĩĩt, hĩnĩngĩtĩ athĩhĩ nẽẽ Nyekuc nẽ occa iittiõõ hõllõngaa hiꞌngolli naag ngaatĩ hõõĩ hĩ Nyekuc cũrũmũũm muumaa cĩnnĩ.

Eevvetho 6:13

Nẽẽthĩ hoti ho, itihimit ceremwa cĩg joraak ꞌcĩg aaꞌnyuung Nyekuci ngagiit, hátĩ eteyyiõõĩ eleeti cugguung. Ma hatĩ ikia kõrra cĩ bathiitto, agayyu hatĩ ngaatĩ eteiinnu eleeti cugguung. Ma hatĩ edeccia jõrẽẽĩ, ammũdeek hatĩ nga okommu.

2 Tẽꞌthaloonika 2:16

Aꞌnyĩĩk Makayyioohit cĩnaac Yeesu Krĩstõ hĩ Nyekuc Baangeet cĩnaac ꞌcĩ ammĩnanneet ngagĩĩt bũnnaiitta cĩnnĩ nẽ aaꞌnyeet kũttan ꞌcĩ aalla ooo hĩ muhẽẽnĩt ꞌcĩ abũnnaa,

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 6:18

Nẽẽthĩ, aaꞌnyeet Nyekuci thõõth ꞌcĩ aduha nẽẽ hĩ lõbũtĩ cĩnnĩ. Aalla thooꞌthioha ꞌcĩg ĩĩn ꞌramma ho ꞌgõõla hõdẽẽthõng hĩnĩngĩtĩ hõllõngaa occa ĩĩn thõõth ꞌcĩ aduha Nyekuci õlõng. Nẽẽthĩ, naag baag hõõ hũũk hutugunyeet Nyekuci ho, õkõmĩ ꞌthinneeti hĩnĩngĩtĩ hẽrẽ muhẽẽnĩt ꞌcĩ abũnnaa ꞌcĩ nga aayyiaa ĩĩcĩ oou.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

Terethiinit 21:11

Baa attũhũl bulẽẽnĩtĩ cĩ Nyekuci ꞌtaaũn. Baa alanyĩt ꞌtaaũnĩ haau hĩ bẽẽ ꞌcĩ ẽllẽẽmĩth ꞌcĩ haĩ ꞌJatheper nẽ attaal haau hĩ gĩlaathĩ.

Terethiinit 21:23

Nẽ aara ꞌtaaũnĩ vẽlẽk thõng. Aitiõõ eeta hõllõngaa atab kõr hode nyĩlõk, hĩnĩngĩtĩ aara bulẽẽnĩtĩ cĩ Nyekuci ꞌtaaũn vẽlẽk nẽ Mĩꞌnyõõn ꞌcĩ ĩĩn lanyit.

Terethiinit 21:3

Nẽ hĩthĩha molook ꞌcĩ ẽggẽrꞌnya dtaabawaa cĩ Nyekuci aĩ, “Nẽ ꞌyioko ĩꞌthõng ũdũt, ikia õlõ cĩ Nyekuci ũrũmtĩ hĩ eet cĩgĩnnĩg. Ĩĩn hatĩ eeta, eet cĩgĩnnĩg nẽ ĩĩ Nyekuci, Nyekuc cĩnĩĩng. Nẽ dĩdĩ aarĩk hatĩ Nyekuci õlõ cĩnnĩ hõrggẽẽnaa cĩ eet cĩgĩnnĩg.

Terethiinit 3:21

“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ.