ꞌRooma 5:14 - ꞌBuuk cĩ Thõõth cĩ Nyekuci

¹⁴ Nẽẽthĩ hinnianĩ, ikia ũllũngan daahĩthĩ looc iꞌthianaanĩ hĩ Aadam ĩꞌthõng hõdõlan Mũũꞌtha, tananga hĩ eet ꞌcĩg baag nga hẽꞌthẽcanit tilooinit cĩ Nyekuci, hĩ baa ẽꞌthẽcan Aadamĩ baa ĩthakꞌthoothĩk ꞌgõõlaa umwaanĩ, Yeesu ꞌcĩ occa hatĩ aku.

ꞌRooma 5:14 ပူးပေါင်းရင်းမြစ်များ

ꞌThianaattõ 19:25

Nĩngĩtĩ atũũthĩ ꞌgwaa nicciee ꞌtaaũnniook hĩ eet hĩ hẽẽn hĩ arteenit vẽlẽk hĩ hẽlẽggĩ vẽlẽk unaahaa tĩho hĩĩ lõõcĩ ꞌthĩĩ.

ꞌThianaattõ 4:8

Ma nĩngaata, uduhaak Kaiino ꞌgõtõnĩ ĩĩnnĩk, “Hõõt da hotooyyi mana.” Ĩko nẽẽ allab Kaiino ꞌgõtõnĩ thõng. Ma baa õõ õvvõõĩ nẽẽg mana ho, ũtũhũoothĩk Kaiino ꞌgõtõnĩ, nĩngĩtĩ aruhi ĩnõõnnõ hadaak.

ꞌThianaattõ 7:22

Nĩngĩtĩ adaaknĩ hẽlẽggĩ vẽlẽk baag abbeek Nyekuci ꞌlaũk habath dtẽc.

Luugithõõ 1:22

Ma ho, ikia uduhaak habuui cĩ Ijjibi eet cĩgĩnnĩg thõõth icci ĩĩnnĩk, “Má arrittiaa loholeec ꞌcĩ maacĩ ꞌcĩ ĩĩn Ebereeinit, udhukteek hidiaatõõ cĩ Naaĩlĩ nẽ aanytĩhu ꞌcĩg ngayyig dioo hũrũgĩt.”

Luugithõõ 1:6

Ma baa adaahito Yothebo hĩ ꞌgõtõõnõgĩ hĩ eet ꞌcĩg obbitig cĩg irkiꞌnyia nicciag vẽlẽk,

Yõõna 4:11

Nẽẽthĩ, baa mẽẽlĩg eeta cĩg ꞌtaaũn cĩ Nineve vẽlẽk ĩllõõan aalibꞌnya ꞌmiia hõdẽĩ hĩ hẽẽn ꞌramma (120,000), ꞌcĩg hõllõngaa aga thõõth ꞌcĩ abathĩ hĩ ꞌcĩ abũnnaa nẽ baa mẽẽlĩg hẽlẽggĩ buúk. Aitiõõ nii hõllõngaa ammuhi aini, occa hammaannihi naa ꞌtaaũn cobbi ho?”

ꞌRooma 5:12

Ma baa ẽꞌthẽcanõõ Aadamĩ, ikia ĩꞌthanothoothĩk ꞌthẽccanĩ eet vẽlẽk nẽ ikia daahĩthĩ, hĩnĩngĩtĩ ꞌthẽccan nẽ ꞌgõõlaa ĩĩcĩ, ikia ũllũngan daahĩthĩ eet vẽlẽk, hĩnĩngĩtĩ baa iita ẽꞌthẽcattõõ eeta vẽlẽk.

ꞌRooma 5:17

Aggam daahĩthĩ looc hĩ habuui, hĩnĩngĩtĩ ꞌthẽccan cĩ Aadamĩ. Nẽẽthĩ, aitiõõ thõõth ciee hõllõngaa ĩthakꞌthoothĩk thõõth ꞌcĩ adĩman Yeesu Krĩstõ. Baa tarbal Nyekuci hĩ ngagĩĩt gẽrrẽẽt nẽ elemeet ngagĩĩt, hĩnĩngĩtĩ Yeesu. Nẽẽthĩ hoti ho, harũgĩ hatĩ naag nẽ haggamit looc hĩ habuẽẽta.

ꞌRooma 5:21

Baa aggam ꞌthẽccanĩ eet, hĩnĩngĩtĩ daahĩth. Nẽẽthĩ ꞌyioko, aggam tarbalꞌthẽẽt cĩ Nyekuci eet nẽ elemeet Nyekuci ngagĩĩt, hĩnĩngĩtĩ Yeesu Krĩstõ Makayyioohit cĩnaac. Aĩ thõõth ciee, haꞌnyak hatĩ naag rũgẽt ꞌcĩ aalla ooo.

ꞌRooma 8:20

Nẽẽthĩ hinnia, nga hatalmaanyattĩ hẽlẽggĩ vẽlẽk baag ẽhẽnyta Nyekuci, hõllõngaa hĩnĩngĩtĩ adiim nẽẽg haauto noho. Baa ẽhẽnyta Nyekuci ĩhõõggõ hoti, muhẽẽttaa

ꞌRooma 8:22

Haga naag haĩ, baa aguran hẽlẽggĩ vẽlẽk baag ẽhẽnyta Nyekuci huciitha, haauto hĩ ngaa ꞌcĩ attur ꞌgoonnia, hĩĩ kõr kĩ niccieeni.

1 Korinthia 15:22

Baa aĩnanaakeet Aadamĩ ngagĩĩt vẽlẽk daahĩth nẽ aꞌnyahaakeet hatĩ Krĩstõ ngagĩĩt vẽlẽk rũgẽt.

1 Korinthia 15:45

Baa aduha ꞌBuuhi cĩ Nyekuci aĩ, “Baa ĩĩn Aadamĩ eet ꞌcĩ oou nẽ ĩĩ eet ꞌcĩ arũgĩ. Nẽẽthĩ, Yeesu ꞌcĩ ĩĩn Aadam ꞌcĩ adtuurna ho, ĩĩn lori ꞌcĩ aaꞌnyeet rũgẽt.”

Ebereei 9:27

Hĩgõõng adaahĩ ẽẽtĩ tabattĩ hõdẽẽthõng nẽ ẽttẽẽd Nyekuci thõõth cĩnnĩ,