ꞌRooma 5:13 - ꞌBuuk cĩ Thõõth cĩ Nyekuci

¹³ Baa nga haaꞌnyĩhoothĩk eet nyattalĩ, baa aau ꞌthẽccanĩ loota nĩnga ẽlẽk. Nẽẽthĩ, hõllõngaa occa agiili ꞌthẽccanĩ, hatĩ aitiõõ nyattalĩ tõõ.

ꞌRooma 5:13 ပူးပေါင်းရင်းမြစ်များ

ꞌThianaattõ 13:13

Baa ĩĩn eeta cĩg ꞌtaaũn cĩ ꞌThõõdõmĩ ho ꞌthẽccanniook gẽrrẽẽt muumaa cĩ Makayyiookto.

ꞌThianaattõ 18:20

Ma ho, õthõõth tarĩ Makayyioohiti ĩĩ “Abũrahaamõ, hĩthĩha naa ngaatĩ adĩmanĩ eeta cĩg ꞌThõõdõmĩ hĩ cĩg ꞌGõmõõra thooꞌthiok ꞌcĩg ĩĩn ꞌriiring gẽrrẽẽt ũdũt.

ꞌThianaattõ 19:32

Ijjia hõõt hallabteek nyakangaan mẽrtĩ hũdũũt nẽ hõõt hatagguutho hĩ ĩnõõnnõ, hátĩ hittiraheet lõhõlĩ.”

ꞌThianaattõ 19:36

Nĩngĩtĩ au aꞌnyahiini lohollia cieeg Lõõtĩ ho ꞌgõõlaa ꞌcĩ ooginni hĩ maaꞌnyĩ ho.

ꞌThianaattõ 19:4

Ma baa nga hõõt eeta ũꞌnyaahĩ, iita irriamatteek nyakangaaꞌnya hĩ buul vẽlẽk cĩg ꞌThõõdõmĩ õlõ cĩ Lõõtĩ

ꞌThianaattõ 38:10

Ma baa adtuuha Makayyioohiti ngaatĩ attumaniini Õnaanĩ ngagõtõnõõnĩ haaga ho, ikia ĩlĩĩlĩ Makayyioohiti gẽrrẽẽt, nĩngĩtĩ aruhi Õnaan buúk.

ꞌThianaattõ 38:7

Nẽẽthĩ, baa aharreek Makayyioohiti Nyekuci Ẽẽr, ngeertĩ ꞌJuuda ꞌcĩ oou, hĩnĩngĩtĩ baa ĩĩn nẽẽ eet ꞌcĩ adĩman hẽlẽggĩ ꞌcĩg abathĩ dtẽc, nĩngĩtĩ aruhi Makayyioohiti ĩnõõnnõ.

ꞌThianaattõ 6:11

Ma waathinnioohĩĩ ĩtĩko, baa adĩman eeta thooꞌthiok ꞌcĩg ĩĩn ꞌriiring diooni hẽbẽrẽẽnnĩĩ cĩg Nyekuci nẽ urukto tahatak lõkõrẽẽt vẽlẽk.

ꞌThianaattõ 8:21

Ma baa õdõlan muyuuhĩ cĩ mẽdĩĩth cĩ idiꞌngwaanu Nyekuc ko, ikia atal Nyekuci, nĩngĩtĩ abũtanĩ aĩnnĩ, “Iittiõõ hatĩ naa hõllõngaa hacciini looc tarĩ, hĩnĩngĩtĩ ꞌthẽccanẽẽt cĩg eetuk. Tananga ammuk nẽẽg thooꞌthiok ꞌcĩg abathĩ ngaanĩngĩtĩ hĩdĩꞌthẽẽtõ, iittiõõ ꞌthẽk hatĩ naa hõllõngaa hacũda eet hĩ hẽlẽggĩ ꞌcĩg arũgĩ tarĩ.”

ꞌRooma 3:20

Nẽẽthĩ hoti ho, aitiõõ hatĩ ẽẽtĩ ꞌcĩ adukiaa aĩ abũnnaa muumaa cĩ Nyekuci tõõ, hatĩ anũ nẽẽ nyattal. Nẽẽthĩ, hĩnĩngĩtĩ nyattal, hiita hagaacõ naag ꞌthẽccan.

ꞌRooma 4:15

Hĩnĩngĩtĩ alĩĩlĩ Nyekuci hatĩ ẽꞌthẽcanni nyattalĩ cĩnnẽẽnĩ. Nẽ ngaatĩ aitiõõ nyattalĩ tõõ, aitiõõ ꞌgii ꞌcĩ occa ẽꞌthẽcan eeta tõõ.

1 Korinthia 15:56

Aꞌnyaha ꞌthẽccanĩ daahĩth nẽ aaꞌnyĩk nyattalĩ ꞌthẽccan ꞌtirrian.

1 Yõaannẽ 3:14

Má hammĩnan naag ꞌgotoonogeet hĩ ngoonogeet, ẽtẽrꞌtha thõõth ciee aĩ, hũtũngteek naag daahĩth hiita rũgẽta. Nẽẽthĩ, ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ, nga aalla nẽẽ daahĩtha.

1 Yõaannẽ 3:4

Ẽẽtĩ ꞌcĩ adĩman ꞌthẽccan, ẽꞌthẽcan nyattal cĩ Nyekuci, hĩnĩngĩtĩ aduhõõ ꞌthẽccanĩ hĩ ngaatĩ habũrrĩ nyattal cĩ Nyekuci thõng.