ꞌRooma 5:11 - ꞌBuuk cĩ Thõõth cĩ Nyekuci

¹¹ Nẽẽthĩ, hõllõngaa hoti diooni, haccamanoothĩk naag buúk hĩ Nyekuc, hĩnĩngĩtĩ Makayyioohit cĩnaac Yeesu Krĩstõ, ꞌcĩ ꞌyioko aganĩꞌtheet ngagĩĩt ko.

ꞌRooma 5:11 ပူးပေါင်းရင်းမြစ်များ

ꞌLuuka 1:46

Ma nĩngaata, ẽbẽnõ Maria ĩĩ, “Abuluth nganĩĩt ꞌthĩnĩt Makayyioohit,

Yõaannẽ 1:12

Baa nẽẽꞌthẽk aattĩg eeta ũgẽẽgĩ ꞌcĩg ẽlẽmĩ ĩnõõnnõ nẽ ĩthĩhĩt thõõth cĩnnĩ, nĩngĩtĩ aaꞌnyĩkĩ nẽẽ ĩhõõggõ hiita hĩĩtõ lõhõlĩ cĩg Nyekuci.

ꞌRooma 11:15

Baa ũtũbũrĩt eeta cĩg Ĩꞌthĩraẽlĩ Nyekuc, iita elemit eeta ꞌcĩg hõllõngaa ĩĩn ꞌJudeei ĩnõõnnõ. Nẽẽthĩ hoti ho, ma hatĩ ma ikia ẽlẽm Nyekuci eet cĩg Ĩꞌthĩraẽlĩ, aaĩ hatĩ hĩcĩ arũgtha nẽẽ daakiak.

ꞌRooma 2:17

Nii ꞌcĩ aini hĩĩnĩ ꞌJudeeinit nẽ aarihuu ꞌthĩnĩt cunni nyattaalaa cĩ Nyekuci nẽ tarĩ ĩthĩngõõnyanuu hĩnĩngĩtĩ Nyekuc.

ꞌRooma 5:1

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ,

ꞌRooma 5:10

Tananga baa hĩĩtõ naag mĩrõk cĩg Nyekuci, ikia aganĩꞌtheet nẽẽ ngagĩĩta, hĩnĩngĩtĩ baa adaahĩ Ngeerĩnĩ, hĩnĩngĩtĩ ngagĩĩta. Nẽẽthĩ, nga aayyiaa ꞌgiimwaa ꞌcĩ ĩllõõan ꞌgõnnaꞌthẽẽt cĩnaac. Nẽẽthĩ ꞌyioko, hĩcĩ hagayyiõõ naag hĩ Nyekuc ko, heelliaa hatĩ naag rũgẽtaa cĩ Ngeerĩnĩ.

ꞌRooma 5:3

Hõllõngaa noho dioo, haccamanoothĩk naag buúk, hĩnĩngĩtĩ ꞌcannan cĩnaac, hĩnĩngĩtĩ haga naag eelleet ꞌcannani ngagĩĩt haallattia hidticattoothĩk Nyekuc,

ꞌRooma 8:23

Aaꞌnyeet Lorii ngagĩĩt hagaac dĩdĩ authet ꞌcĩ hatĩ hõõ haattiyyi naag horumwa. Nẽẽthĩ ꞌyioko, haguran naag ꞌthinneetinitõõ muguruur, nga hẽrẽ Nyekuc heteretheeheet aĩ, hiita hĩĩtõ naag lõhõlĩ cĩgĩnnĩg. Aĩ thõõth ciee nẽẽ, ooggiaa hatĩ eleeti cĩggaac buúk haauto lõꞌngõõc.

ꞌRooma 9:10

Nẽ hõllõngaa thõõth tĩho ciee diooni, nẽẽthĩ, ma baa ũꞌthũwan baangẽẽtĩ cĩnaac Iꞌthaako Rẽbẽka, ikia ũtũhũa Rẽbẽka lõhõlĩ ꞌcĩg ĩĩn heengti.

1 Korinthia 10:16

Ma hahũdĩ naag hooppoa ꞌcĩ hannẽẽkĩ Nyekuc ĩlaallẽ, hõllõngaa ĩĩn niccia ꞌgõõl ꞌcĩ hõthõlĩ biyyi cĩg Krĩstõ? Nẽ ma hẽꞌngẽr naag ũbũnĩ ꞌcĩ haduk thõng, hõllõngaa ĩĩn niccia ꞌgõõl ꞌcĩ hõthõlĩ naag ẽlẽ cĩ Krĩstõ?

2 Korinthia 8:19

Hõllõngaa nohotaa diooni, baa ẽbẽra lothippiꞌnya cĩg lemmioohu ĩnõõnnõ, hátĩ hookorria hĩ ngagĩĩta, hĩcĩ haꞌnyaka naag ꞌbaaninit icci ꞌcĩ hatĩ aaꞌnyĩk Makayyioohit dĩhĩthẽẽnĩt nẽ ẽtẽrẽtha ĩĩ, habũraneeka naag ngaatĩ heelluunga.

ꞌGalaaꞌthia 4:9

Nẽẽthĩ, hĩcĩ ꞌyioko agayyu niig Nyekuc ko, hode ĩꞌnya da hĩĩ naa, ikia agauung Nyekuci ngagiita, inni idiimit oboddiooth ĩĩtõ appahacaaꞌnya tarĩ cĩg loriẽẽt ꞌcĩg hõllõngaa attiran, ꞌcĩg abathĩ dtẽc cĩg looc nicci ho?

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

Pilippi 3:1

ꞌGotoonoga hĩ ngoonoga, thõõthaa ꞌcĩ adtuurna vẽlẽk, accamattoothĩk, hĩnĩngĩtĩ iittu niig eet cĩg Makayyiooktak. Hõllõngaa hahari naa ngaatĩ hẽhẽẽdakuung ngagiit thõõth baa ĩĩcĩ oou tarĩ nẽ dĩdĩ, hẽhẽẽdakuung hĩnĩngĩtĩ bũnnai cunuung.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Pilippi 4:4

Accamattoothĩk hõdõõkõthĩ, hĩnĩngĩtĩ Makayyioohit! Hõbõdẽẽkĩ tarĩ haini, accamattoothĩk.

Kolooꞌthe 2:6

Nẽẽthĩ ꞌyioko, hĩcĩ elemtu niig Yeesu Krĩstõ hĩĩ Makayyioohit cunuung ko, aallattia ũnnẽẽc ĩnõõnnõ diooni.

1 Pẽẽtũrũ 1:8

Ammĩnannu niig Yeesu tananga nga ĩcĩnĩt ĩnõõnnõ. Tananga hõllõngaa acinnu ĩnõõnnõ ꞌyioko, elemmu niig ĩnõõnnõ nẽ accamattoothihu taliittaa ꞌcĩ aꞌnyak bulẽẽnĩt ꞌcĩ hõllõngaa athithanni.