ꞌRooma 4:25 - ꞌBuuk cĩ Thõõth cĩ Nyekuci

²⁵ Baa aaꞌnyĩk Nyekuci Yeesu hadaak, hĩnĩngĩtĩ ꞌthẽccanẽẽt cĩggaac nẽ ũrũgũtha ĩnõõnnõ daahĩtha, hátĩ helemeet Nyekuci ngagĩĩta.

ꞌRooma 4:25 ပူးပေါင်းရင်းမြစ်များ

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

ꞌRooma 3:25

Baa aaꞌnyĩk Nyekuci Yeesu hikia hĩĩ ꞌgaarrieenit ꞌcĩ ũũnnõthõõthĩkĩ ꞌthẽccanẽẽta, hĩnĩngĩtĩ lemiinit biyyiẽẽtĩĩ cĩgĩnnĩg. Baa adĩman nẽẽ hoti, hẽtẽrẽtha bũnnai cĩnnĩ, hĩnĩngĩtĩ temeethi cĩnnĩ ꞌcĩ hõllõngaa uuki eet baag ĩĩcĩ oou, hĩnĩngĩtĩ ꞌthẽccanẽẽt cĩggĩĩng.

ꞌRooma 5:18

Õõ hatĩ etteedothoothĩk eet vẽlẽk thooꞌthioha, hĩnĩngĩtĩ ꞌthẽccan cĩ Aadamĩ. Nẽẽthĩ, hĩnĩngĩtĩ ꞌgii ꞌcĩ abũnnaa ꞌcĩ adĩman Krĩstõ, elemeet Nyekuci ngagĩĩt nẽ aaꞌnyeet ꞌbaaninit cĩ rũgẽtõ.

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

1 Korinthia 15:17

Nẽ má baa nga hũrũga Krĩstõ, ĩĩn ꞌthĩ mĩĩ lemiiniti cunuung ko buúk ꞌgiimwa haaga nẽ nga aallannu niig buúk ꞌthẽccanẽẽtĩĩ cugguung noho.

2 Korinthia 5:15

Nẽ baa adaahĩ Krĩstõ, hĩnĩngĩtĩ eet vẽlẽk, hátĩ hiittiõõ eeta ꞌcĩg arũgĩ hõllõngaa arũgĩ, hĩnĩngĩtĩ eleeti cĩggĩĩng diooni. Abũnnaa arũgĩ nẽẽg, hátĩ haccamattoothĩk hĩ Krĩstõ baa adaahĩ nẽ ũrũga tarĩ, hĩnĩngĩtĩ ĩhõõggõ.

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

ꞌGalaaꞌthia 1:4

Hĩnĩngĩtĩ athĩhĩ Yeesu Krĩstõ Nyekuc Baangeet cĩnaac, ĩnõõ ꞌcĩ aku aaꞌnyĩkĩ nẽẽ ẽlẽ cĩnnĩ hĩĩ ꞌgaarrieenit cĩ ꞌthẽccanẽẽt cĩggaac ko, hatĩ hẽẽlaeet ngagĩĩt looccaa cĩ ꞌthẽccaneetu.

ꞌGalaaꞌthia 2:20

Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.

ꞌGalaaꞌthia 3:13

Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 8:3

Nẽẽthĩ, ma eberriaa paadĩrĩ umwaa cobbi haaꞌnyĩk Nyekuc ꞌbaaninit hĩ ꞌgaarriẽẽn, occa aaꞌnyĩk paadĩrĩ cĩnaac cobbi buúk Nyekuc ꞌgaarrieenit cĩnnĩ.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

1 Yõaannẽ 2:2

Ĩĩn Krĩstõ ꞌgaarrieenit ꞌcĩ attik ꞌthẽccanẽẽt cĩggaac battaala. Nẽẽthĩ, hõllõngaa attik ꞌthẽccanẽẽt cĩggaac diooni, attik ꞌthẽccanẽẽt cĩg eet cĩg lootu vẽlẽk.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.

Terethiinit 7:14

Nẽ hẽdẽca hĩĩnnĩha, “Aga niina.” Nĩngĩtĩ aduhaaka anneeka nẽẽ, “Eet baag ẽmmẽẽthĩ ꞌcannan baa obbi gẽrrẽẽt niccieegi. Ĩtĩllahit nẽẽg ceremwa cĩggĩĩng biyyiẽẽtĩĩ cĩg Mĩꞌnyõõnak.