ꞌRooma 4:21 - ꞌBuuk cĩ Thõõth cĩ Nyekuci

²¹ Baa aga Abũrahamĩ ngaatĩ aꞌnyahĩ Nyekuci makaaꞌthĩt dĩdĩ, ꞌcĩ occa adĩmanĩ thõõth baa aduha nẽẽnĩ.

ꞌRooma 4:21 ပူးပေါင်းရင်းမြစ်များ

ꞌThianaattõ 18:14

Aaĩ occa ꞌthẽk ꞌgiimwaa ꞌcĩ aꞌnyaman Makayyioohit? Hĩcĩ haduha naa ho, ma hõbõda naa irkit cĩ gõlla kõr ꞌcĩ aaĩ hĩ cieeni, hũmmũdeeha hatĩ Thaara ũtũhũa loholeec ꞌcĩ maacĩ.”

Maatteeo 19:26

Nĩngĩtĩ akannĩ Yeesu ĩhõõggõ hẽbẽrĩ nẽ ĩĩnnĩk, “Aattĩg thooꞌthioha ũgẽẽgĩ ꞌcĩg aꞌnyaman eet ngaatĩ adticanĩ, nẽẽthĩ, aitiõõ ꞌgii ꞌcĩ aꞌnyaman Nyekuc tõõ.”

ꞌLuuka 1:1

Mẽẽlĩg eeta ꞌcĩg ĩttĩmanit gẽrrẽẽt ngaatĩ ẽhẽẽdĩ thooꞌthiok baag adĩman Nyekuci hõrggẽẽnaa cĩnaac.

ꞌLuuka 1:37

Hĩnĩngĩtĩ aitiõõ ꞌgii ꞌcĩ aꞌnyaman Nyekuc tõõ.”

ꞌLuuka 1:45

Aggatanni nganiit Makayyioohiti, hĩnĩngĩtĩ elemi nii thõõth ꞌcĩ hatĩ adticanneeki nẽẽ nganiit ko!”

ꞌRooma 14:4

Nganiit nganĩ ꞌcĩ occa etteedihi dticciannioohit cĩ eet umwa thõõth ko? Makayyioohit cĩnnĩ dioo ꞌcĩ aduha, hatĩ adĩman nẽẽ thõõth ꞌcĩ aũlanĩ nẽ Makayyioohit hatĩ dioo ꞌcĩ aaꞌnyĩk ĩnõõnnõ hĩdĩman thõõth ꞌcĩ aũlanĩ.

ꞌRooma 14:5

Ammuk eet umwaa aĩ, ẽllẽẽmĩth waathĩnĩ umwaa ĩllõõan waathĩn umwa nẽ ummuk umwaa ĩĩ, aduhõõ waathinniooha vẽlẽk thõng. Aanytĩk eet hõdẽĩ hõdẽĩ haꞌnyahit muhẽẽnĩt hĩcĩ adiim nẽẽgĩ.

ꞌRooma 8:38

Aitiõõ ꞌgii ꞌcĩ occa eꞌngerreet ngagĩĩt mĩnnaanaa cĩ Nyekuci tõõ, hĩnĩngĩtĩ haga naag dĩdĩ haĩ, hõllõngaa daahĩth hode rũgẽt, hõllõngaa aajĩlẽẽt hode loriẽẽt ꞌcĩg abathĩ, hõllõngaa kõr nicci hode horumwa, hode ꞌtirrian umwa,

2 Korinthia 9:8

Nẽ aaꞌnyuung hatĩ Nyekuci ngagiit vẽlẽk bũnnaiittaa cĩnnĩ, ꞌgii ꞌcĩ adiimmu niiga. Nẽẽthĩ hatĩ gõõng aꞌnyaktu hẽlẽggĩ vẽlẽk ꞌcĩg adiimmu niiga, hinyigiꞌthiaa ꞌcĩg mẽẽlĩg ꞌcĩg occa othollu hĩ ꞌgoonogu.

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

Ebereei 11:13

Baa adaahito eeta cieeg vẽlẽk nẽ nga ẽlẽmĩ thõõth baa aduhaak Nyekuci ĩhõõggõ. Baa nga hummuddia nẽẽg thõõth baa aduhaak Nyekuci ĩhõõggõ, nẽẽthĩ, baa accamanoothĩk nẽẽg ngaatĩ acĩnõõꞌthĩ thooꞌthiok tĩko ꞌrẽẽna nẽ elemita. Baa ẽlẽmĩ nẽẽg ngaatĩ ĩĩnnĩ tahan nẽ ĩĩtõ tũhayyiook loota nĩnga.

Ebereei 11:19

Baa ammuk Abũrahamĩ aĩ, má adaak Iꞌthaako, arũgtha hatĩ Nyekuci ĩnõõnnõ tarĩ. Nẽ dĩdĩ, õbõdaahĩ Nyekuci Abũrahaamõ ngeerĩnĩ haau hĩcĩ arũgthaa daahĩtha.