ꞌRooma 4:2 - ꞌBuuk cĩ Thõõth cĩ Nyekuci

² Má baa ẽlẽmĩ Nyekuci Abũrahaamõ, hĩnĩngĩtĩ ꞌgii ꞌcĩ baa adĩman nẽẽnĩ, occa thĩ mĩĩ baa aꞌnyak nẽẽ ꞌgiimwa ꞌcĩ irrianĩ. Nẽẽthĩ, occa hõllõngaa ꞌgõõl cĩ Nyekuci niccia.

ꞌRooma 4:2 ပူးပေါင်းရင်းမြစ်များ

ꞌThianaattõ 12:18

Ma nĩngaata, okoleek habuui Abũraamõ ꞌthooc hikia halaangatõõ cĩnnĩ nẽ ijin ĩnõõnnõ ĩĩnnĩk, “Ẽlẽ, adĩmannaa hutuno? Hõllõngaa baa occa aduhaakaa lõꞌngõõc anneekaa ĩĩn ngaa cunni inni?

ꞌThianaattõ 12:20

Nĩngĩtĩ aaꞌnyĩkĩ habuui athegereeꞌnya hittioonito Abũraamõ hĩ ngaa cĩnnĩ, hĩ hẽlẽggĩ cĩgĩnnĩg vẽlẽk hoboddiõõthĩ looccaa ꞌcĩ baa auuni.

ꞌRooma 15:17

Nẽẽthĩ hoti ho, haccamanoothihi naa hĩnĩngĩtĩ Yeesu Krĩstõ dtiicaa caannĩ hĩ Nyekuc.

1 Korinthia 1:29

Adĩman Nyekuci thooꞌthiok iccig vẽlẽk, hátĩ hiittiõõ ẽẽtĩ ꞌcĩ athĩngõõnyan muumaa cĩnnĩ tõõ.

1 Korinthia 1:31

Nẽẽthĩ hoti ho, hĩcĩ eheeddi ꞌBuuhaa cĩ Nyekuci aĩ, “Má adiim ẽẽtĩ umwaa irrianĩ, aꞌnyĩĩk hirrianĩ Makayyioohit.”

1 Korinthia 4:7

Ne ꞌcĩ ẽllẽẽmĩth hĩ ngagiit gẽrrẽẽt ko? Ne ꞌcĩ aꞌnyaku niig ꞌcĩ baa nga haaꞌnyĩhoothĩhuung ko? Nẽ má baa aaꞌnyĩhoothĩhuung ngagiit ꞌgii tĩho nẽ occa athĩngõõnyannu niig hutuno?

1 Korinthia 9:16

ꞌCĩĩnẽnĩt hĩ nganĩĩt hatĩ hõllõngaa hirriooni nyeemuut ꞌcĩ abũnnaa, hõllõngaa occa hathĩngõõnyani, hĩnĩngĩtĩ hattĩnganoothihi hirrioono. Pĩĩrnanĩt hĩ nganĩĩt hatĩ hõllõngaa hirriooni nyeemuut ꞌcĩ abũnnaa!

2 Korinthia 11:12

Nẽ haalla hatĩ naa hadticani thooꞌthiok gõõng hadticani hõdõõkõthĩ, hátĩ hĩbĩlĩ eet ꞌcĩg adiim ammũda ꞌgõõl ꞌcĩ ĩthakꞌthẽẽkĩ dtiic cĩnĩĩng irrianĩ ho, hĩ dtiic cĩnaang.

2 Korinthia 11:30

Nẽ má hirriana naana, abũnnaa hirrianĩ hẽlẽggĩ ꞌcĩg ẽtẽrꞌtha aĩ, aitiõõ nganĩĩt ꞌtirriani tõõ.

2 Korinthia 5:12

Hõllõngaa hattĩmanna naag ngaatĩ hirrianna eleeti cĩggaang. Hadiimmuung naag ngagiit irrianit, hĩnĩngĩtĩ ngagĩĩta, hatĩ arũmeennu hĩ eet ꞌcĩg hõllõngaa aduha thooꞌthiok ꞌcĩg ĩĩn dĩdĩ nẽ ĩthĩngõõnyanit, hĩnĩngĩtĩ thooꞌthiok ꞌcĩg ammuhuneek eeta ĩhõõggõ.

ꞌGalaaꞌthia 3:22

Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.

Eevvetho 2:9

Hõllõngaa ĩĩn elliaanĩtĩ dũman cĩ dtiicanĩ ꞌcĩg baag hadĩman naaga, nẽ occa aitiõõ ẽẽtĩ ꞌcĩ irrian, hĩnĩngĩtĩ elliaanĩt tõõ.

Pilippi 3:9

nẽ hĩĩna eet cĩnnĩ. Hõllõngaa occa ẽlẽmma Nyekuci nganĩĩt ngaatĩ habũnnayyĩĩ ꞌgõõlaa ꞌcĩ hanũĩ nyattal, hĩnĩngĩtĩ ꞌgõõl ꞌcĩ elemmeet Nyekuci ngagĩĩt hũbũttaath, aaĩ lemiitta.