ꞌRooma 4:17 - ꞌBuuk cĩ Thõõth cĩ Nyekuci

¹⁷ Hĩcĩ eheeddi ꞌBuuhaa cĩ Nyekuci aĩ nẽẽ, “Haaꞌnyii naa nganiit ĩĩnu maaꞌnyĩ loonyin ꞌcĩg mẽẽlĩg.” Ĩĩn nẽẽ baangeet cĩnaac muumaa cĩ Nyekuci, baa ẽlẽmĩ nẽẽ aĩ, aaꞌnyĩk rũgẽt daakiak nẽ ẽtẽhẽnya hẽlẽggĩ ꞌcĩg ĩĩn ngeju.

ꞌRooma 4:17 ပူးပေါင်းရင်းမြစ်များ

ꞌThianaattõ 17:16

Haggatani hatĩ naa ĩnõõnnõ hittira loholeec ꞌcĩ maacĩ nẽ haggatana ĩnõõnnõ hikia hĩĩ aattĩ eet ꞌcĩg mẽẽlĩg loota nĩnga. Au hatĩ habuẽẽta cĩg eetuk lõhõlẽẽnĩĩ ĩcĩgĩnnĩg ko.”

ꞌThianaattõ 17:20

Nẽ hĩ ꞌyioko hĩthĩha naa thõõth cunni ho, haggatani hatĩ naa Ĩthĩmaĩl buúk nẽ haaꞌnyĩha lõhõlĩ ꞌcĩg mẽẽlĩg. Arrita hatĩ lohollia cĩgĩnnĩg ko, lõhõlĩ ꞌcĩg mẽẽlĩg ꞌrĩng buúk. Aku hatĩ Ĩthĩmaĩlĩ ĩĩn maaꞌnyĩ lõhõlĩ õmmõtõ hĩ ꞌramma, ꞌcĩg hatĩ au ĩĩn habuẽẽta. Haaꞌnyihi hatĩ naa lõhõlĩ cĩgĩnnĩg hĩĩtõ eet cĩg looc ꞌcĩ abuli.

ꞌThianaattõ 28:3

Nẽ aggatan tarĩ ĩĩnnĩk, “Aꞌnyĩĩk haggatanii Nyekuci ꞌTirriannioohiti ꞌcĩ ĩllõõan vẽlẽk nẽ aaꞌnyi ꞌtira lõhõlĩ ꞌcĩg mẽẽlĩg ĩꞌthõng ĩĩ maaꞌnyĩ eet ꞌcĩg mẽẽlĩg looccaa nĩĩcĩ.

Maatteeo 3:9

Ma hammuku hainnu, ‘Haꞌnyaka nẽẽ naag baangeet cĩnaang Abũrahaamõ.’ Haduhaakuunga! Aga Nyekuci ngaatĩ ũũkcĩ biyyiẽẽn iccig hĩĩtõ lõhõlĩ cĩg Abũrahamĩ.

Yõaannẽ 5:21

Hĩcĩ arũgtha Maaꞌnyia daakiak nẽ aaꞌnyĩk ĩhõõggõ rũgẽt, ꞌgõõlaa cĩ buúk, aaꞌnyĩk hatĩ Ngeerĩnĩ rũgẽt eet ꞌcĩ accamana nẽẽnĩ.

Yõaannẽ 5:25

“Haduhaakuung dĩdĩ, õbõhĩ kõrra nẽ ꞌyioko ikia ẽlẽk, ꞌcĩ hatĩ athĩknĩ eeta ꞌcĩg adaahito molook cĩ Ngeertĩ Nyekuci. Nẽ eeta ꞌcĩg hatĩ athĩhĩ molook tĩho, arũgĩ hatĩnĩ.

Yõaannẽ 6:63

Lori ꞌcĩ aaꞌnyĩk eet rũgẽt, ĩĩn ẽlẽ iding haaga. Nẽ thooꞌthioha ꞌcĩg haduhaakuung naa ho, ĩĩn lori nẽ ĩĩn rũgẽt.

Dtiicanĩ cĩg ꞌThooyyiahu 15:18

Baa huduha naa thõõth icci baangaani ẽlẽk.’

ꞌRooma 3:29

Ĩĩn Nyekuci Nyekuc cĩ ꞌJudeei diooni? Hõllõngaa ĩĩn nẽẽ Nyekuc cĩ eet ꞌcĩg hõllõngaa ĩĩn ꞌJudeei buúk? Eei, ĩĩn nẽẽ Nyekuc cĩ eet ꞌcĩg hõllõngaa ĩĩn ꞌJudeei buúk!

ꞌRooma 4:18

Tananga baa aitiõõ hõllõngaa aꞌnyak Abũrahaamõ muhẽẽnĩt ꞌcĩ abũnnaa, baa aalla ẽlẽmĩ nẽẽ aĩ, aku hatĩ ĩĩn nẽẽ maaꞌnyĩ loonyin ꞌcĩg mẽẽlĩg. Hĩnĩngĩtĩ baa uduhaak Nyekuci ĩnõõnnõ ĩĩnnĩk, “Lõhõlĩ hatĩ cugunnig ko nicciag.”

ꞌRooma 4:2

Má baa ẽlẽmĩ Nyekuci Abũrahaamõ, hĩnĩngĩtĩ ꞌgii ꞌcĩ baa adĩman nẽẽnĩ, occa thĩ mĩĩ baa aꞌnyak nẽẽ ꞌgiimwa ꞌcĩ irrianĩ. Nẽẽthĩ, occa hõllõngaa ꞌgõõl cĩ Nyekuci niccia.

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

ꞌRooma 9:11

Nẽẽthĩ, baa nga hittirria lohollia ꞌcĩg ĩĩn heengti ho, hode hĩdĩmanit ꞌgiimwa ꞌcĩ abũnnaa hode ꞌcĩ abathĩ, ikia ũmmũda Rẽbẽka nyeemuut umwa hĩ Nyekuc, ꞌcĩ aĩ, ẽbẽra Nyekuci eet hĩnĩngĩtĩ tabiinit cĩnnĩ.

ꞌRooma 9:26

Nẽ, “Baa adukiaak ĩhõõggõ kõr umwa aĩ, ‘Hõllõngaa iiginnu niig eet cĩgannĩg,’ nẽẽthĩ ngaatĩho noho, haĩ hatĩ ĩhõõggõ, ‘Lõhõlĩ cĩg Nyekuc ꞌcĩ arũgĩ.’ ”

1 Korinthia 1:28

Adticaniini Nyekuci eet ꞌcĩg arannĩ eeta cĩg looc nicci aĩ, hõllõngaa aaddi hode aĩ ĩĩn eet ũgĩ haaga, hĩꞌthaanĩ thooꞌthiok ꞌcĩg ammuk eeta ꞌcĩg looc nicci aĩ aaddi.

1 Korinthia 15:45

Baa aduha ꞌBuuhi cĩ Nyekuci aĩ, “Baa ĩĩn Aadamĩ eet ꞌcĩ oou nẽ ĩĩ eet ꞌcĩ arũgĩ. Nẽẽthĩ, Yeesu ꞌcĩ ĩĩn Aadam ꞌcĩ adtuurna ho, ĩĩn lori ꞌcĩ aaꞌnyeet rũgẽt.”

1 Timotteeo 6:13

Haduhaakii muumaa cĩ Nyekuci ĩcĩ aaꞌnyĩk hẽlẽggĩ vẽlẽk hũrũgĩt, hĩ muumaa cĩ Yeesu Krĩstõ ꞌcĩ baa aduhaak Ponthio Pĩlaatõ lemiinit cĩnnĩ lothippita,

Ebereei 11:12

Baa õbõhĩ adaak maac cĩnnĩ Abũrahaamõ, nẽẽthĩ, baa ikia ĩĩ nẽẽ maaꞌnyĩ eet ꞌcĩg mẽẽlĩg ꞌrĩng. Nẽẽthĩ hoti ho, iita ittirria lohollia ꞌcĩg mẽẽlĩg gẽrrẽẽt ꞌcĩg aduhõõ hĩ mũnyũny cĩg hẽẽtkujjieen hode ꞌcĩg aduhõõ hĩ hathaac cĩ dẽmẽt cĩ bũlũcõ.

Ebereei 11:3

Hĩnĩngĩtĩ lemiinit, haga naag haĩ, baa ẽhẽnytaa lõõcĩ thõõthaa ꞌcĩ aduha Nyekuci. Nẽ tarĩ haga naag haĩ, baa ẽhẽnytaa ꞌgii ꞌcĩ hacĩn naag ꞌyioko ho, ꞌgiiaa ꞌcĩ hõllõngaa edeeꞌnyia.

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

1 Pẽẽtũrũ 2:10

Baa nga ĩĩtõ niig eet cĩg Nyekuci baa ĩĩcĩ oou, nẽẽthĩ ꞌyioko, iittu eet cĩgĩnnĩg. Baa nga hatamaatihuung eet umwaa ngagiita, nẽẽthĩ ꞌyioko, ikia atamaatihuung Nyekuci ngagiita.

2 Pẽẽtũrũ 3:8

Nẽẽthĩ, ꞌgotoonoga hĩ ngoonoga, ma hataarroꞌthu thõõth icci. Hĩ Makayyioohit, aduhõõ kõrra hõdẽẽthõng hĩ irkiꞌnyia aalib hõdẽĩ thõng nẽ irkiꞌnyia aalib hõdẽĩ, aduhõõ hĩ kõr hõdẽẽthõng thõng.