ꞌRooma 4:15 - ꞌBuuk cĩ Thõõth cĩ Nyekuci

¹⁵ Hĩnĩngĩtĩ alĩĩlĩ Nyekuci hatĩ ẽꞌthẽcanni nyattalĩ cĩnnẽẽnĩ. Nẽ ngaatĩ aitiõõ nyattalĩ tõõ, aitiõõ ꞌgii ꞌcĩ occa ẽꞌthẽcan eeta tõõ.

ꞌRooma 4:15 ပူးပေါင်းရင်းမြစ်များ

Yõaannẽ 15:22

Má baa hiittiõõ naa hõllõngaa hakuu haduhaahi ĩhõõggõ, occa ꞌyioko baa hõllõngaa aga nẽẽg ꞌthẽccanẽẽt cĩggĩĩng. Nẽẽthĩ ꞌyioko, iittiõõ ꞌgõõl ꞌcĩ nga alĩĩtanĩ nẽẽg ꞌthẽccanẽẽt tõõ.

Yõaannẽ 3:36

Ammũda hatĩ eeta vẽlẽk ꞌcĩg ẽlẽmĩ Ngeertĩ Nyekuci rũgẽt ꞌcĩ aalla ooo nẽ ẽẽtĩ ꞌcĩ abũrĩ thõõth cĩ Ngeertĩ Nyekuci, hõllõngaa hatĩ ammũda rũgẽt niccia, alĩĩllĩk hatĩ Nyekuci eet tĩho nẽ uuk ĩnõõnnõ ũdũt!”

ꞌRooma 1:17

Aduha nyeemuut ꞌcĩ abũnnaa ho, ꞌgõõl ꞌcĩ elemmeet Nyekuci hĩĩtõ tẽllĩg muumaa cĩnnĩ. Iꞌthianaanĩ thõõth ciee nẽ ũttũbanoothĩk lemiitta. Attũbanoothĩk thõõth ciee ꞌthianaatta ĩꞌthõng decciaanĩt lemiitta. Hĩcĩ aduha ꞌBuuhi cĩ Nyekuci aĩ, “Arũgĩ hatĩ ẽẽtĩ ꞌcĩ ẽlẽmĩ Nyekuci, hĩnĩngĩtĩ lemiinit.”

ꞌRooma 5:13

Baa nga haaꞌnyĩhoothĩk eet nyattalĩ, baa aau ꞌthẽccanĩ loota nĩnga ẽlẽk. Nẽẽthĩ, hõllõngaa occa agiili ꞌthẽccanĩ, hatĩ aitiõõ nyattalĩ tõõ.

1 Korinthia 15:56

Aꞌnyaha ꞌthẽccanĩ daahĩth nẽ aaꞌnyĩk nyattalĩ ꞌthẽccan ꞌtirrian.

ꞌGalaaꞌthia 3:10

Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”

ꞌGalaaꞌthia 3:19

Nẽẽthĩ ꞌyioko, dtiic baa ꞌthẽk cĩ nyattaalõ dẽẽdẽ nii? Baa aarĩhoothĩk nyattalĩ, hátĩ hagaac hĩĩtõ, hẽꞌthẽcan naaga. Nẽ occa baa aalla thõõth ciee ĩꞌthõng hikia Yeesu, ꞌcĩ baa adukiaak thõõtha. Baa aaꞌnyĩk Nyekuci nyattal cĩnnĩ aajĩlẽẽt, hátĩ haanytĩk Mũũꞌtha, ꞌcĩ baa ĩĩn jayyio cĩ Nyekuci hĩ eeta.

Eevvetho 5:6

Ma haaꞌnyiku eet umwa higgooluung õlõnga haaga, hĩnĩngĩtĩ thooꞌthiok iccig, alĩĩllĩk Nyekuci eet ꞌcĩg hõllõngaa athĩhĩ thõõth cĩnnĩ.

Kolooꞌthe 3:6

Aku hatĩ uuk Nyekuci eet ngaꞌngaritta, hĩnĩngĩtĩ thooꞌthiok iccig.

1 Yõaannẽ 3:4

Ẽẽtĩ ꞌcĩ adĩman ꞌthẽccan, ẽꞌthẽcan nyattal cĩ Nyekuci, hĩnĩngĩtĩ aduhõõ ꞌthẽccanĩ hĩ ngaatĩ habũrrĩ nyattal cĩ Nyekuci thõng.

Terethiinit 19:15

Baa adukna nyetuboot umwaa ꞌcĩ ꞌlẽhẽdĩ gẽrrẽẽt ũtũũgaa cĩnnĩ, ꞌcĩ ẽꞌngẽddĩ nẽẽ eet cĩg loonyinu. “Aggam hatĩ nẽẽ loonyin hĩbahĩtaa ꞌcĩ ĩĩn ꞌthiihit.” Adduuta hatĩ nẽẽ liilii cobbi cĩ Nyekuc ꞌTirriannioohit vẽlẽk, haau hĩ viino ꞌcĩ ariha ꞌloohaa ꞌcĩ ammacciini.