ꞌRooma 3:9 - ꞌBuuk cĩ Thõõth cĩ Nyekuci

⁹ Hõthõõth occa ꞌthẽk ꞌyioko thõõth icci haĩ ne? Haĩ hĩĩgĩn naag ꞌJudeei mẽẽttĩg? Aitiõõ ũdũt! Hĩnĩngĩtĩ hagaacõ naag ẽlẽk ngaatĩ aduhõõnĩ eeta ꞌcĩg ĩĩn ꞌJudeei hĩ ꞌcĩg hõllõngaa ĩĩn ꞌJudeei ꞌthẽccanẽẽtĩĩ cĩggĩĩng thõng.

ꞌRooma 3:9 ပူးပေါင်းရင်းမြစ်များ

ꞌLuuka 7:39

Ma baa acĩn Variꞌtheeniti baa avvĩ Yeesu thõõth icci ho, ummuk ꞌthĩnĩtatõõ ĩĩ, “ꞌYioko hĩĩ ẽẽtĩ ciee põrõvẽtaac dĩdĩ, occa ꞌyioko aga ngaatĩ ĩĩnnĩ ngaa ꞌcĩ ahum ĩnõõnnõ ho ꞌthẽccannioohit.”

ꞌRooma 1:18

Ẽtẽrꞌtha Nyekuci liilii cĩnnĩ hẽẽtahujjieen, ꞌcĩ aꞌnyaheek nẽẽ eet vẽlẽk ꞌcĩg ĩĩn ꞌthẽccanniook, ꞌcĩg ammũt thõõth ꞌcĩ ĩĩn dĩdĩ ꞌthẽccanẽẽtĩĩ cĩggĩĩng,

ꞌRooma 11:32

Baa ũtũbũrĩt eeta vẽlẽk thõõth cĩ Nyekuci, ĩnõõ ꞌcĩ adĩmanĩ nẽẽ ĩhõõggõ hĩ eeta ꞌcĩg ĩĩn baabuuthnya ho. Hátĩ hatamaatĩk ĩhõõggõ vẽlẽk.

ꞌRooma 11:7

Aĩ thõõth ciee nẽẽ, eet cĩg Ĩꞌthĩraẽlĩ ꞌcĩg abadtẽc haaga ꞌcĩg eberriaa ꞌcĩg ummuddia thõõth ꞌcĩ baa attarraaban nẽẽg vẽlẽk ko. Nẽ aaꞌnyĩk Nyekuci ũgĩ hidiitti ooti pĩd,

ꞌRooma 2:1

Õhõppõõcannu niig eet ũgĩ ainnu ẽꞌthẽcan thooꞌthiok. Nẽẽthĩ, aitiõõ ꞌgõõl ꞌcĩ occa ẽppẽhannu niig thooꞌthiok ꞌcĩg adĩmannu niig ko tõõ. Má etteediku niig ꞌgoonogu thõõth, etteediku eleeti cugguung buúk, hĩnĩngĩtĩ adĩmannu niig buúk thooꞌthiok tĩko dẽẽdẽ.

ꞌRooma 3:1

Bũnnai thĩ ꞌcĩ hĩĩgĩnnĩ ꞌJudeeinit ko inoo? Hode bũnnai ꞌcĩ etteedini eleeti ho inoo?

ꞌRooma 3:19

Nẽẽthĩ ꞌyioko, hagaacõ naag haĩ, ꞌgii vẽlẽk ꞌcĩ aduha nyattalĩ, aduhaak eet ꞌcĩg aattĩg nyattaalatõõ, hátĩ hiittiõõ ẽẽtĩ ꞌcĩ aĩ, nga haga Nyekuc tõõ nẽ ẽtẽrẽtha Nyekuci ngaatĩ ĩĩnnĩ eeta cĩg looc nicci vẽlẽk ꞌthẽccanniook.

ꞌRooma 3:5

Nẽẽthĩ, má uppulana bathi cĩnaac bũnnai cĩ Nyekuci battaala, ĩcca occa ꞌyioko hõthõõth haĩ ne? Occa ꞌyioko hatĩ abathĩ hĩ Nyekuc ngaatĩ alĩĩllĩ nẽ uukeet ngagĩĩta? Hothoothi naa hĩ gõõng õthõõth eeta.

ꞌRooma 6:15

Aĩ occa ꞌthẽk thooꞌthioha cieeg vẽlẽk ne? Ĩcca occa ꞌthẽk hara ꞌthẽccan, hĩnĩngĩtĩ hõllõngaa aggammeet nyattalĩ, nẽẽthĩ hinnia, aggammeet bũnnai? Aitiõõ ũdũt!

ꞌRooma 7:14

Haga naag aku nyattalĩ hĩ Nyekuc, nẽẽthĩ, hĩĩnĩ naa eet ꞌcĩ holli õõ haaga nẽ baa hũtũũĩ hĩĩna appahaca cĩ ꞌthẽccaanõ.

1 Korinthia 10:19

Haini ꞌyioko naa ĩĩn ꞌgaarrieeniti ꞌcĩ ĩbboorothoothĩk ꞌgii ꞌcĩ aar eeta hĩĩ nyekuc ko ꞌgiimwa, hode haini ĩĩn ꞌgii ꞌcĩ aar eeta hĩĩ nyekuc ko ꞌgiimwa haaga?

1 Korinthia 14:15

Nẽ hatĩ ꞌyioko hĩdĩmana naa hutuno? Halaayyi hatĩ loriiaa caannĩ nẽ hatĩ halaõ muhẽẽttaa caannĩ buúk, hebenni hatĩ loriiaa caannĩ nẽ hẽbẽnõ muhẽẽttaa caannĩ buúk.

1 Korinthia 4:7

Ne ꞌcĩ ẽllẽẽmĩth hĩ ngagiit gẽrrẽẽt ko? Ne ꞌcĩ aꞌnyaku niig ꞌcĩ baa nga haaꞌnyĩhoothĩhuung ko? Nẽ má baa aaꞌnyĩhoothĩhuung ngagiit ꞌgii tĩho nẽ occa athĩngõõnyannu niig hutuno?

ꞌGalaaꞌthia 3:10

Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”

ꞌGalaaꞌthia 3:22

Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.

Pilippi 1:18

Nẽẽthĩ, ne ꞌcĩ abathĩ hatĩ irrioon eeta nyeemuut cĩ Krĩstõ? Thõõth ꞌcĩ aaddi dioo, ꞌcĩ illimanõõĩ thõõth cĩ Krĩstõ ꞌgoolliohĩ vẽlẽk, tananga muhẽẽttaa ꞌcĩ abũnnaa hode ĩcĩ abathĩ. Nẽ hĩnĩngĩtĩ thõõth cĩ ꞌlimman icci, haccamanoothĩha naana. Eei, haalla hatĩ naa haccamanoothihi,