ꞌRooma 3:31 - ꞌBuuk cĩ Thõõth cĩ Nyekuci

³¹ Occa ꞌyioko ꞌthẽk hadhuha naag nyattal, hĩnĩngĩtĩ lemiinit icci? Aitiõõ ũdũt! Huꞌthuutti nẽẽ naag nyattal hõkõm.

ꞌRooma 3:31 ပူးပေါင်းရင်းမြစ်များ

Maatteeo 15:6

Ĩĩn occa ꞌthẽk ꞌgõõl ꞌcĩ iꞌngoliinnu maajihu hĩ ngaaggu cieeni? Amaaccu niig tilooinit cĩ Nyekuci nẽ unuyyu nyepitee cunuung.

Maatteeo 3:15

Ẽdẽcĩ hinnia Yeesu ĩnõõnnõ anneek, “Aꞌnyĩĩk nõõ haau hĩ ꞌyioko ho, hátĩ hĩdĩmanit thooꞌthiok vẽlẽk ꞌcĩg adiimmeet Nyekuci ngagĩĩt hidticanit.” Nĩngĩtĩ ẽlẽmmĩ Yõaannẽ ngaatĩ aggamẽẽkĩ ĩnõõnnõ baattithimo.

Maatteeo 5:17

“Ma hammuku hainnu hakuu naa hikia hĩbĩlĩ nyattal cĩ Mũũꞌtha, hode thooꞌthiok ꞌcĩg baag ẽhẽẽd põrõvẽtaaꞌnya. Baa hakuu naa hikia haaꞌnyĩk nyattal hĩ thooꞌthiok iccig, hiita hẽdẽẽnyta hĩĩtõ dĩdĩ.

Maatteeo 5:20

Haduhaakuung dĩdĩ, má ꞌthẽk hõllõngaa anuyyu tilooinit cĩ Nyekuci jurrung ĩllõõanit Variꞌtheei hĩ ꞌlimmanniook cĩg Nyattaalak, hõllõngaa hatĩ aduhunnu habuccieet cĩ hẽẽtkujjieen ũdũt!”

ꞌLuuka 20:16

Occa õkõ aruk ĩhõõggõ vẽlẽk nẽ aaꞌnyĩk mana eet ꞌcĩg ꞌrĩĩng hootti.” Ma baa athĩhĩ eeta thõõth icci ho, othoothito ĩĩtõ, “Aitiõõ hatĩ thõõth ciee hõllõngaa aku haau hoti.”

ꞌRooma 10:4

Ikia ũttũbaneek Krĩstõ dtiic baa aaꞌnyĩhõõthĩkĩ eet nyattalĩ. Hĩnĩngĩtĩ thõõth icci, eeta vẽlẽk ꞌcĩg ẽlẽmĩ ĩnõõnnõ, ikia aaꞌnyĩk Nyekuci ĩhõõggõ hũbũttaathõ.

ꞌRooma 2:20

ammuhi nii aini, occa eterethi eet ꞌcĩg aggiithi nẽ illimanuu lõhõlĩ ꞌcĩg hidicig thõõth cĩ Nyekuci. Hĩnĩngĩtĩ aga nii jurrung ngaatĩ aaꞌnyi nyattalĩ cĩ Nyekuci ꞌgẽẽnyĩth hũtũrũũr hĩ thõõth ꞌcĩ ĩĩn dĩdĩ.

ꞌRooma 3:4

Aitiõõ ũdũt! Aꞌnyĩĩk Nyekuc hĩĩ dĩdĩ nẽ ĩĩtõ eeta vẽlẽk oloꞌngiaak. Hĩcĩ eheeddi ꞌBuuhaa cĩ Nyekuci aĩ, “Aga hatĩ eeta ngaatĩ aũlanĩ thõõth ꞌcĩ aduha niina, nẽ hatĩ ĩllõõanuu thõõth lokihoa.”

ꞌRooma 3:6

Nẽẽthĩ hoti ho, ẽttẽẽd Nyekuci thooꞌthiok cĩg eetuk ꞌgõõlaa ꞌcĩ aũlanĩ! Má baa haau nohota, occa baa ẽttẽẽd Nyekuci thõõth cĩ lootu hutuno?

ꞌRooma 4:14

Má baa haaꞌnyĩk Nyekuci Abũrahaamõ hĩ lõhõlĩ cĩgĩnnĩg thõõth ꞌcĩ arigithi nẽẽg looc icci, hĩnĩngĩtĩ aꞌthũũnnĩ nẽẽg nyattal, occa hinnia baa ĩĩn lemiiniti cĩnĩĩng ko ꞌgiimwa haaga nẽ occa ĩĩn thõõth ꞌcĩ aduha Nyekuci ho buúk ꞌgiimwa haaga.

ꞌRooma 7:22

ꞌThĩnĩtatõõ caannĩ vẽlẽk, helemi naa nyattal cĩ Nyekuci.

ꞌRooma 7:25

Ĩlaallẽ hĩ Nyekuc, hĩnĩngĩtĩ Yeesu Krĩstõ Makayyioohit cĩnaac! Nẽẽthĩ hoti ho, hĩĩna naa õõaa caannĩ appahaca cĩ nyattal cĩ Nyekuci, nẽẽthĩ, ẽllaa caannĩ, hĩĩnĩ appahaca cĩ nyattal cĩ ꞌthẽccaanõ.

ꞌRooma 8:4

Baa adĩman Nyekuci hoti, hátĩ hĩdĩmanit thõõth ꞌcĩ adiimmeet nyattalĩ hidticanit ꞌgõõlaa ꞌcĩ hathĩknĩ Lori ꞌcĩ Ẽllẽẽmĩthĩ, hĩllõõan ngaatĩ hathĩknĩ thooꞌthiok ꞌcĩg habũraneek naaga.

1 Korinthia 9:21

Nẽ má harũmeenna naag hĩ eet ꞌcĩg hõllõngaa aggam nyattalĩ, hataarothi naa nyattal nẽ hũlũllũũmana ĩhõõggõ hĩĩtõ lemmiook. Nẽẽthĩ nẽẽꞌthẽk, baa nga hataaroth naa thõõth cĩ nyattal cĩ Nyekuci. Nẽ dĩdĩ, aggamma nganĩĩt nyattalĩ cĩ Krĩstõ.

ꞌGalaaꞌthia 2:19

Nyattal ꞌcĩ baa aruka nganĩĩt hadaak ko nẽ õõgawaa nganĩĩt, hátĩ hũrũg naa hĩ Nyekuc.

ꞌGalaaꞌthia 2:21

Nga hũtũbũr naa bũnnai cĩ Nyekuci. Má helemit naag ngaatĩ heellianĩ ꞌgõõlaa ꞌcĩ hanũĩ nyattal, ĩko thĩ mĩĩ baa adaak Krĩstõ haaga!”