ꞌRooma 3:3 - ꞌBuuk cĩ Thõõth cĩ Nyekuci

³ Má hatĩ ma aitiõõ eeta ũgẽẽgĩ hõllõngaa aꞌnyak lemiinit, ĩcca occa aaꞌnyĩk thõõth ꞌcĩ aitiõõnnĩ ĩhõõggõ lemiiniti tõõ ho, hudhukia thõõth ꞌcĩ aduha Nyekuci ho haaga?

ꞌRooma 3:3 ပူးပေါင်းရင်းမြစ်များ

Maatteeo 24:35

Edecciaa hatĩ hẽẽtkujjieen hĩ looc nẽ thõõth caannĩ ho, aitiõõ hatĩ hõllõngaa edecciaa ũdũt.

Yõaannẽ 1:16

Hĩnĩngĩtĩ makaaꞌthĩt cĩ bũnnai cĩnnĩ, hiita hummuddia naag vẽlẽk ꞌgattan tabattĩ mẽẽlĩg.

ꞌRooma 10:16

Nẽẽthĩ, baa hõllõngaa ẽlẽmĩ eeta cĩg Ĩꞌthĩraẽlĩ vẽlẽk nyeemuut ꞌcĩ abũnnaa ho. Hĩnĩngĩtĩ baa ajin põrõvẽtaacĩ Iꞌthaia Makayyioohit anneek, “Nganĩ baa ꞌcĩ ẽlẽm nyeemuut cĩnaang?”

ꞌRooma 11:29

Hõllõngaa õbõdĩ Nyekuci ꞌbaaninit baa aaꞌnyĩk nẽẽ eeta nẽ nga hataarõthĩ eet baag ẽbẽra nẽẽnĩ.

ꞌRooma 9:6

Nga hudhukia thõõth baa aduha Nyekuci. Hĩnĩngĩtĩ hõllõngaa lõhõlĩ ꞌcĩg Ĩꞌthĩraẽlĩ vẽlẽk ꞌcĩg ĩĩn Ĩꞌthĩraẽl.

2 Korinthia 3:18

Nẽ naag nuyyiooha cĩg Krĩstõ, ꞌcĩg hõllõngaa ammũtĩ muumti, hedeenyothi naag bulẽẽnĩt cĩ Makayyiookto nẽ ũtũhũeet Lorii cĩ Ẽllẽẽmĩth hiriiri, haaut hĩ Makayyioohiti cĩ abuli.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

2 Timotteeo 2:13

Má hĩccaad naag lemiinit cĩnaac, aalla nẽẽ elemmeet Yeesu ngagĩĩt ũdũt noho, hĩnĩngĩtĩ hõllõngaa occa ĩggõõl nẽẽ ẽlẽ cĩnnĩ.”

Ebereei 4:2

Baa hĩthĩhĩt naag nyeemuut ꞌcĩ abũnnaa ho, hĩ baa athĩhĩ eeta cĩg Ĩꞌthĩraẽlĩ. Nẽ baa ũtũbũrĩt nẽẽg thõõth baa ĩthĩhĩt ẽlẽk. Ma ho, iittiõõ nyeemuut ciee hõllõngaa ẽẽl ĩhõõggõ, hĩnĩngĩtĩ hõllõngaa aꞌnyak nẽẽg lemiinit.