ꞌRooma 3:28 - ꞌBuuk cĩ Thõõth cĩ Nyekuci

²⁸ Hĩnĩngĩtĩ haga naag ẽlẽmĩ Nyekuci eet, hĩnĩngĩtĩ lemiinit nẽ hõllõngaa ẽlẽmĩ, hĩnĩngĩtĩ anũ nyattal.

ꞌRooma 3:28 ပူးပေါင်းရင်းမြစ်များ

Yõaannẽ 5:24

Haduhaakuung dĩdĩ, ẽẽtĩ ꞌcĩ athĩhĩ thõõth caannĩ nẽ ẽlẽm eet baa ĩꞌthõõannaa nganĩĩta, ammũda hatĩ ẽẽtĩ tĩho rũgẽt ꞌcĩ aalla ooo nẽ hõllõngaa hatĩ uuki, hĩnĩngĩtĩ abaakia nẽẽ daahĩtha ikia rũgẽta.

Yõaannẽ 6:40

Hĩnĩngĩtĩ tabiiniti cĩ Baaba, adiim eet vẽlẽk ꞌcĩg acĩn Ngeerĩnĩ nẽ elemit ĩnõõnnõ, humuddia rũgẽt ꞌcĩ aalla ooo nẽ hũrũgũthaa ĩhõõggõ kõr cĩ decciaanĩt cĩ lootu.”

ꞌRooma 3:26

Baa adĩman Nyekuci hoti, hátĩ hẽtẽrẽtha bũnnai cĩnnĩ kõr nicci noho nẽ uduha ĩĩ, ĩmmĩrĩt ꞌthẽccanniooha, hĩnĩngĩtĩ baa athĩhĩ Yeesu Nyekuc.

ꞌRooma 4:5

Nẽẽthĩ, ẽẽtĩ ꞌcĩ hõllõngaa adticanni nẽ aꞌnyak lemiinit hĩ Nyekuc ꞌcĩ ẽlẽmĩ eet ꞌcĩg ĩĩn ꞌthẽccanniook, ẽlẽmĩ hatĩ Nyekuci ĩnõõnnõ hĩĩ eet ꞌcĩ abũnnaa, hĩnĩngĩtĩ aꞌnyak nẽẽ lemiinit hĩ Nyekuc.

ꞌRooma 5:1

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ,

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

ꞌGalaaꞌthia 2:16

Haga naag ngaatĩ ẽlẽmmĩ Nyekuci eet ꞌcĩg ẽlẽmĩ Yeesu Krĩstõ diooni, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ, hatĩ athĩhĩ thooꞌthiok cĩg nyattaalak diooni. Hẽlẽmĩ naag Yeesu Krĩstõ, hĩnĩngĩtĩ athĩhĩ nẽẽ Nyekuc, ĩnõõ ꞌcĩ elemeet Nyekuci ngagĩĩt, hĩnĩngĩtĩ lemiinit cĩnaac ko.

ꞌGalaaꞌthia 3:24

Baa ĩĩn nyattalĩ ꞌlimman ꞌcĩ aaꞌnyeet ngagĩĩt hagaac Krĩstõ, hátĩ hikia helemeet Nyekuci ngagĩĩta, hĩnĩngĩtĩ hẽlẽmĩ naag ĩnõõnnõ.

ꞌGalaaꞌthia 3:8

Baangaani, baa eheeddi ꞌBuuhaa cĩ Nyekuci aĩ nẽẽ, aga hatĩ Nyekuci eet ꞌcĩg hõllõngaa ĩĩn ꞌJudeei, hatĩ ẽlẽmĩ nẽẽg ĩnõõnnõ. Nĩngĩtĩ aduhaakĩ Nyekuci Abũrahaamõ nyeemuut ꞌcĩ abũnnaa annẽẽkĩ, “Haggatani hatĩ naa eet loonyini vẽlẽk, hĩnĩngĩtĩ nganiita.”

Eevvetho 2:9

Hõllõngaa ĩĩn elliaanĩtĩ dũman cĩ dtiicanĩ ꞌcĩg baag hadĩman naaga, nẽ occa aitiõõ ẽẽtĩ ꞌcĩ irrian, hĩnĩngĩtĩ elliaanĩt tõõ.

Pilippi 3:9

nẽ hĩĩna eet cĩnnĩ. Hõllõngaa occa ẽlẽmma Nyekuci nganĩĩt ngaatĩ habũnnayyĩĩ ꞌgõõlaa ꞌcĩ hanũĩ nyattal, hĩnĩngĩtĩ ꞌgõõl ꞌcĩ elemmeet Nyekuci ngagĩĩt hũbũttaath, aaĩ lemiitta.

Tiito 3:7

hátĩ helemeet Nyekuci ngagĩĩt bũnnaiittaa cĩnnĩ nẽ horumwa hummuddia rũgẽt ꞌcĩ aalla ooo õlõõ cĩnnĩ.

ꞌJeemith 2:18

Nẽẽthĩ, occa õthõõth eet umwaa aĩ, “Aꞌnyahi nii lemiinit nẽ haꞌnyahi naa dtiicanĩ ꞌcĩg abũnnaa.” Teretheehaa daho lemiinit cunni ꞌcĩ aitiõõ dtiicanĩ ꞌcĩg abũnnaa tõõ ho, nẽ heteretheehii naa lemiinit caannĩ dtiicanẽẽnnĩĩ ꞌcĩg abũnnaa ĩcĩg hadĩmani naa ho.

ꞌJeemith 2:20

Nii ꞌgiiꞌthiahiti, adiimi nii heterethoothihii thõõth ꞌcĩ aĩ, hõllõngaa ẽẽlannii nganiit lemiiniti ꞌcĩ aitiõõ dtiicanĩ ꞌcĩg abũnnaa tõõ?

ꞌJeemith 2:24

Nẽẽthĩ hoti ho, hẽtẽrꞌtha naag ngaatĩ habũnnayyĩ hĩ Nyekuc, hĩnĩngĩtĩ dtiicanĩ ꞌcĩg abũnnaa ꞌcĩg hadĩman naaga, hõllõngaa hĩnĩngĩtĩ lemiinit diooni.