ꞌRooma 3:27 - ꞌBuuk cĩ Thõõth cĩ Nyekuci

²⁷ Ne ꞌyioko ꞌrianĩĩth tĩho inoo? Hiꞌthihi. Hirrian occa naag, hĩnĩngĩtĩ hanũ nyattal? Aitiõõ! Hirrian naag hĩnĩngĩtĩ lemiinit.

ꞌRooma 3:27 ပူးပေါင်းရင်းမြစ်များ

Maarko 16:16

Ẽẽtĩ ꞌcĩ ẽlẽmĩ nyeemuut nẽ aggam baattithimo, eelliaa hatĩ nẽẽnĩ, nẽẽthĩ, ẽẽtĩ ꞌcĩ hõllõngaa ẽlẽmĩ, uuki hatĩ nẽẽnĩ.

Yõaannẽ 3:36

Ammũda hatĩ eeta vẽlẽk ꞌcĩg ẽlẽmĩ Ngeertĩ Nyekuci rũgẽt ꞌcĩ aalla ooo nẽ ẽẽtĩ ꞌcĩ abũrĩ thõõth cĩ Ngeertĩ Nyekuci, hõllõngaa hatĩ ammũda rũgẽt niccia, alĩĩllĩk hatĩ Nyekuci eet tĩho nẽ uuk ĩnõõnnõ ũdũt!”

ꞌRooma 10:5

Baa ẽdtẽbana põrõvẽtaacĩ Mũũꞌtha bũnnai ꞌcĩ aku nyattaala ꞌgõõlaa ꞌcĩ aĩ, “Ẽẽtĩ ꞌcĩ aꞌthũũnnĩ nyattal icci, arũgnĩ hatĩ nẽẽ nyattal.”

ꞌRooma 11:6

Baa aaĩ thõõth ciee hoti, hĩnĩngĩtĩ tarbalꞌthẽẽt cĩ Nyekuci ꞌcĩ hõllõngaa ũũlũ eet umwaanĩ nẽ hõllõngaa, hĩnĩngĩtĩ dtiicanĩ ũgĩ ꞌcĩg abũnnaa ꞌcĩg adĩman nẽẽgĩ. Occa baa hõllõngaa adĩmanni noho, hiittiõõ tarbalꞌthẽẽt cĩ Nyekuci tõõ.

ꞌRooma 2:17

Nii ꞌcĩ aini hĩĩnĩ ꞌJudeeinit nẽ aarihuu ꞌthĩnĩt cunni nyattaalaa cĩ Nyekuci nẽ tarĩ ĩthĩngõõnyanuu hĩnĩngĩtĩ Nyekuc.

ꞌRooma 2:23

Nii ꞌcĩ irriani nyattal cĩ Nyekuci ho, hõllõngaa aburi nii thõõth cĩ Nyekuci, ngaatĩ hõllõngaa aꞌthũũnnĩ nyattal cĩnnĩ?

ꞌRooma 3:19

Nẽẽthĩ ꞌyioko, hagaacõ naag haĩ, ꞌgii vẽlẽk ꞌcĩ aduha nyattalĩ, aduhaak eet ꞌcĩg aattĩg nyattaalatõõ, hátĩ hiittiõõ ẽẽtĩ ꞌcĩ aĩ, nga haga Nyekuc tõõ nẽ ẽtẽrẽtha Nyekuci ngaatĩ ĩĩnnĩ eeta cĩg looc nicci vẽlẽk ꞌthẽccanniook.

ꞌRooma 3:26

Baa adĩman Nyekuci hoti, hátĩ hẽtẽrẽtha bũnnai cĩnnĩ kõr nicci noho nẽ uduha ĩĩ, ĩmmĩrĩt ꞌthẽccanniooha, hĩnĩngĩtĩ baa athĩhĩ Yeesu Nyekuc.

ꞌRooma 4:2

Má baa ẽlẽmĩ Nyekuci Abũrahaamõ, hĩnĩngĩtĩ ꞌgii ꞌcĩ baa adĩman nẽẽnĩ, occa thĩ mĩĩ baa aꞌnyak nẽẽ ꞌgiimwa ꞌcĩ irrianĩ. Nẽẽthĩ, occa hõllõngaa ꞌgõõl cĩ Nyekuci niccia.

ꞌRooma 7:21

Eteretheeha nyattalĩ cĩ Nyekuci nganĩĩt aĩ, aaĩ ꞌgiimwaa ꞌthĩnĩtaa caannĩ ꞌcĩ alaamma nganĩĩt ngaatĩ hadticanĩĩ thõõth ꞌcĩ aũlanĩ.

ꞌRooma 7:23

Nẽẽthĩ hinnia, hadtuuha nyattal umwa ẽllaa caannĩ ꞌcĩ aaburroo hĩ nyattal cĩ õõ caannĩ, ꞌcĩ aaꞌnya nganĩĩt hĩĩ appahaca cĩ nyattal cĩ ꞌthẽccan cĩ ẽlẽ caannĩ.

ꞌRooma 7:25

Ĩlaallẽ hĩ Nyekuc, hĩnĩngĩtĩ Yeesu Krĩstõ Makayyioohit cĩnaac! Nẽẽthĩ hoti ho, hĩĩna naa õõaa caannĩ appahaca cĩ nyattal cĩ Nyekuci, nẽẽthĩ, ẽllaa caannĩ, hĩĩnĩ appahaca cĩ nyattal cĩ ꞌthẽccaanõ.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

ꞌRooma 9:11

Nẽẽthĩ, baa nga hittirria lohollia ꞌcĩg ĩĩn heengti ho, hode hĩdĩmanit ꞌgiimwa ꞌcĩ abũnnaa hode ꞌcĩ abathĩ, ikia ũmmũda Rẽbẽka nyeemuut umwa hĩ Nyekuc, ꞌcĩ aĩ, ẽbẽra Nyekuci eet hĩnĩngĩtĩ tabiinit cĩnnĩ.

ꞌRooma 9:31

Nẽẽthĩ, eeta cĩg Ĩꞌthĩraẽlĩ baag anũ nyattal cĩ thõõth ꞌcĩ aũlanĩ, nga hummuddia buúk.

ꞌRooma 9:32

Inni baa? Hĩnĩngĩtĩ baa attĩman nẽẽg, hátĩ hẽlẽm Nyekuci ĩhõõggõ ꞌgõõlaa ꞌcĩ aꞌthũũnnĩ nyattal, hĩllõõan ngaatĩ aꞌnyahĩ lemiinit hĩ Nyekuc. Baa adhuhoothĩk eeta ꞌcĩg Ĩꞌthĩraẽlĩ biyyiaa ꞌcĩ gõõng adaaca eet hetteedito looc.

1 Korinthia 4:7

Ne ꞌcĩ ẽllẽẽmĩth hĩ ngagiit gẽrrẽẽt ko? Ne ꞌcĩ aꞌnyaku niig ꞌcĩ baa nga haaꞌnyĩhoothĩhuung ko? Nẽ má baa aaꞌnyĩhoothĩhuung ngagiit ꞌgii tĩho nẽ occa athĩngõõnyannu niig hutuno?

ꞌGalaaꞌthia 2:16

Haga naag ngaatĩ ẽlẽmmĩ Nyekuci eet ꞌcĩg ẽlẽmĩ Yeesu Krĩstõ diooni, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ, hatĩ athĩhĩ thooꞌthiok cĩg nyattaalak diooni. Hẽlẽmĩ naag Yeesu Krĩstõ, hĩnĩngĩtĩ athĩhĩ nẽẽ Nyekuc, ĩnõõ ꞌcĩ elemeet Nyekuci ngagĩĩt, hĩnĩngĩtĩ lemiinit cĩnaac ko.

ꞌGalaaꞌthia 3:22

Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.