ꞌRooma 3:25 - ꞌBuuk cĩ Thõõth cĩ Nyekuci

²⁵ Baa aaꞌnyĩk Nyekuci Yeesu hikia hĩĩ ꞌgaarrieenit ꞌcĩ ũũnnõthõõthĩkĩ ꞌthẽccanẽẽta, hĩnĩngĩtĩ lemiinit biyyiẽẽtĩĩ cĩgĩnnĩg. Baa adĩman nẽẽ hoti, hẽtẽrẽtha bũnnai cĩnnĩ, hĩnĩngĩtĩ temeethi cĩnnĩ ꞌcĩ hõllõngaa uuki eet baag ĩĩcĩ oou, hĩnĩngĩtĩ ꞌthẽccanẽẽt cĩggĩĩng.

ꞌRooma 3:25 ပူးပေါင်းရင်းမြစ်များ

Yõaannẽ 6:47

“Haduhaakuung dĩdĩ, ẽẽtĩ ꞌcĩ ẽlẽmma nganĩĩta, ammũda hatĩ nẽẽ rũgẽt ꞌcĩ aalla ooo.

Dtiicanĩ cĩg ꞌThooyyiahu 14:16

Baarkit, baa aaꞌnyĩk Nyekuci loonyin vẽlẽk haꞌnyahit nyeppiteeꞌnya cĩggĩĩng ꞌgoolliohĩĩ cĩggĩĩng cũũmõ cũũmõ.

Dtiicanĩ cĩg ꞌThooyyiahu 15:18

Baa huduha naa thõõth icci baangaani ẽlẽk.’

Dtiicanĩ cĩg ꞌThooyyiahu 17:30

Baarkit, baa ũtũngeek Nyekuci ꞌgiithẽnĩt ꞌcĩ alaĩ eeta nyekuꞌnya ꞌcĩg hõllõngaa ĩĩn dĩdĩ, hĩnĩngĩtĩ baa hõllõngaa aga eeta thooꞌthiok ꞌcĩg baag adĩman nẽẽgĩ. Nẽẽthĩ ꞌyioko, uduhaak Nyekuci eet loonyini vẽlẽk hũtũngteek ꞌthẽccanẽẽt cĩggĩĩng.

Dtiicanĩ cĩg ꞌThooyyiahu 2:23

Baa aga Nyekuci muhẽẽnĩt ꞌcĩ aaꞌnyuung ngagiit Yeesu. Nẽ tarĩ, au hinnia aaꞌnyiku niig ꞌthẽccanniook hõtõddõõcõ ĩnõõnnõ hurucceea.

Dtiicanĩ cĩg ꞌThooyyiahu 3:18

Nẽẽthĩ, ĩĩn ciee ꞌgõõl ꞌcĩ aku ẽdẽẽnyanĩ Nyekuci thooꞌthiok baag aduha põrõvẽtaaꞌnya ngaatĩ aĩnnĩ, appĩĩrna hatĩ Krĩstõ.

Dtiicanĩ cĩg ꞌThooyyiahu 4:28

Baa ĩdĩmanit nẽẽg thõõth baa aduha nii ꞌtirriaana hĩ ꞌgẽẽnyĩthaa cunni hikia hedeeꞌnyia.

ꞌRooma 2:4

Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?

ꞌRooma 3:26

Baa adĩman Nyekuci hoti, hátĩ hẽtẽrẽtha bũnnai cĩnnĩ kõr nicci noho nẽ uduha ĩĩ, ĩmmĩrĩt ꞌthẽccanniooha, hĩnĩngĩtĩ baa athĩhĩ Yeesu Nyekuc.

ꞌRooma 5:1

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ,

ꞌRooma 5:11

Nẽẽthĩ, hõllõngaa hoti diooni, haccamanoothĩk naag buúk hĩ Nyekuc, hĩnĩngĩtĩ Makayyioohit cĩnaac Yeesu Krĩstõ, ꞌcĩ ꞌyioko aganĩꞌtheet ngagĩĩt ko.

ꞌRooma 5:18

Õõ hatĩ etteedothoothĩk eet vẽlẽk thooꞌthioha, hĩnĩngĩtĩ ꞌthẽccan cĩ Aadamĩ. Nẽẽthĩ, hĩnĩngĩtĩ ꞌgii ꞌcĩ abũnnaa ꞌcĩ adĩman Krĩstõ, elemeet Nyekuci ngagĩĩt nẽ aaꞌnyeet ꞌbaaninit cĩ rũgẽtõ.

ꞌRooma 5:9

Nẽẽthĩ ꞌyioko, hĩ baa elemeet Nyekuci ngagĩĩt, hĩnĩngĩtĩ biyyi cĩg Krĩstõ, ĩĩn occa hatĩ elliaanĩtĩ ꞌcĩ ẽẽlanneet Nyekuci lĩĩlĩẽẽttaa cĩnnĩ, hĩnĩngĩtĩ Krĩstõ hutuno!

1 Korinthia 5:7

Udduutit abũũla ꞌcĩg ũnũũhĩtõ! Nẽẽthĩ hatĩ aauttu niig hĩ ũbũnẽẽta ꞌcĩg nga ĩĩn ngeju ꞌcĩg aitiõõ abũũlana tõõ, nẽẽthĩ, aattiyyu niig buúk hĩ ũbũnẽẽta tĩko. Hĩnĩngĩtĩ ĩĩ Krĩstõ mĩꞌnyõõn cĩnaac ꞌcĩ Haangittõõ, baa ĩbbõõrĩ ĩĩ ꞌgaarrieenit ẽlẽk.

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Eevvetho 2:13

Nẽẽthĩ ꞌyioko, urumtu niig eleeti cugguung hõdẽĩ hĩ Yeesu Krĩstõ. Baa gõõng iiginnu niig ꞌrẽẽttĩg hĩ Nyekuc, nẽẽthĩ ꞌyioko, iita oboktoou niig hĩ ĩnõõnnõ, hĩnĩngĩtĩ biyyi cĩg Krĩstõ.

1 Timotteeo 1:15

Ĩĩn thõõth ciee thõõth dĩdĩ ꞌcĩ occa hẽlẽmĩ dĩdĩ. Baa aku Yeesu Krĩstõ loota nĩnga, hátĩ hẽẽla ꞌthẽccanniook nẽ ꞌthẽccannioohit umwa naa buúk ꞌcĩ baa habathi gẽrrẽẽt.

Ebereei 10:4

Hĩnĩngĩtĩ hõllõngaa occa ũũny biyyieeta cĩg olĩꞌnyaannu hĩ cĩg ẽẽthak ꞌthẽccanẽẽt cĩg eetuk.

Ebereei 11:14

Nẽ dĩdĩ, eeta ꞌcĩg õthõõth hoti, adiim nẽẽg ꞌgõõl ꞌcĩ ammũdaanĩ looc cĩnĩĩng dẽẽdẽ.

Ebereei 11:17

Baa lemiinit ꞌcĩ aaꞌnyĩk Abũrahaamõ hittiha Iꞌthaako hĩĩ ꞌgaarrieenit, baa attĩman Nyekuci ĩnõõnnõ. Abũrahaamõ baa ũmmũda thõõth baa aduha Nyekuci ho, ikia ẽlẽm ngaatĩ ĩbbõõrĩkĩ ngeerĩnĩ ꞌcĩ odoyyii Iꞌthaako Nyekuc hĩĩ ꞌgaarrieenit,

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

Ebereei 9:5

Cadduhaa cĩ lohoto ho lokora, abĩlĩ aajĩlẽẽta ꞌramma cĩg bulẽẽttak nẽ ẽbbẽttaanito havvuuto hithidit loriẽẽta cĩggĩĩng cadduk ꞌcĩ urwacanoothĩk biyyieeta ꞌcĩg ũũnnõthõõthĩkĩ ꞌthẽccanẽẽta nẽ occa hõllõngaa hẽddẽẽba thooꞌthiok iccig vẽlẽk ꞌyioko.

1 Yõaannẽ 1:10

Má haĩ naag nga hẽꞌthẽcattõ, haaꞌnyĩk naag Nyekuc haau hĩ oloꞌngiaahiti, nẽ aitiõõ nyeemuut cĩnnĩ ꞌthinneetinii cĩggaac tõõ.

1 Yõaannẽ 2:2

Ĩĩn Krĩstõ ꞌgaarrieenit ꞌcĩ attik ꞌthẽccanẽẽt cĩggaac battaala. Nẽẽthĩ, hõllõngaa attik ꞌthẽccanẽẽt cĩggaac diooni, attik ꞌthẽccanẽẽt cĩg eet cĩg lootu vẽlẽk.

1 Yõaannẽ 4:10

Mĩnnan ꞌcĩ ĩĩn dĩdĩ ꞌcĩ ammĩnnaneet Nyekuci ngagĩĩt, ngaatĩ ĩꞌthõõanĩ Ngeerĩnĩ ꞌcĩ odoyyi hikia hĩĩ ꞌgaarrieenit ꞌcĩ attik ꞌthẽccanẽẽt cĩggaac battaala, hõllõngaa hĩnĩngĩtĩ hammĩnan naag Nyekuc.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 20:15

Nẽ eeta vẽlẽk ꞌcĩg baag hõllõngaa eheeddi ꞌthaara cĩggĩĩng ꞌbuuhaa cĩ rũgẽtõ, iita udhuktoothĩk ꞌgelemtaa cĩ ꞌgwoo ꞌcĩ aalla ooo ho.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.