ꞌRooma 3:22 - ꞌBuuk cĩ Thõõth cĩ Nyekuci

²² Nẽẽthĩ hoti ho, aku bũnnai hĩ Nyekuc, hĩnĩngĩtĩ athĩhĩ Yeesu Krĩstõ ĩnõõnnõ. Nẽ ꞌyioko, iita umuddia eeta vẽlẽk ꞌcĩg ẽlẽmĩ Yeesu bũnnai. Aitiõõ Nyekuci hõllõngaa ahal eeta,

ꞌRooma 3:22 ပူးပေါင်းရင်းမြစ်များ

ꞌLuuka 15:22

“Othoothĩk hinnia maaꞌnyia dticcianniook cĩgĩnnĩg anneek, ‘Õtõõc hataman, aꞌnyakta cẽrẽm ꞌcĩ ẽllẽẽmĩth gẽrrẽẽt nẽ itihimteehu ĩnõõnnõ. Aarrihi maccĩreenit attiaa nẽ itihimteehu caawa buúk.

Dtiicanĩ cĩg ꞌThooyyiahu 11:12

Nĩngĩtĩ aduhaaka Lorii ꞌcĩ Ẽllẽẽmĩth hookorria hĩ ĩhõõggõ. Baa hõõkõrra hĩ nuyyiook iccig ĩĩn tõrkõnõn ko nẽ hoottia huduhutta halang cĩ eet baa aũũyyeet ngagĩĩta.

Dtiicanĩ cĩg ꞌThooyyiahu 15:9

Baa hõllõngaa ahal Nyekuci ĩhõõggõ hĩ ngagĩĩta, hĩnĩngĩtĩ ũtũũny nẽẽ ꞌthinneeti cĩggĩĩng hĩĩtõ tẽllĩg, hĩnĩngĩtĩ lemiinit cĩnĩĩng.

Dtiicanĩ cĩg ꞌThooyyiahu 3:16

Icittu niig tuhuulliahit icci nẽ agayyu ĩnõõnnõ. Aaꞌnyĩk lemiiniti ꞌcĩ ẽlẽmmĩ nẽẽ Yeesu ĩnõõnnõ hikia hũbũna, haau hĩcĩ ꞌyioko acinnu niig vẽlẽk ko.

ꞌRooma 1:17

Aduha nyeemuut ꞌcĩ abũnnaa ho, ꞌgõõl ꞌcĩ elemmeet Nyekuci hĩĩtõ tẽllĩg muumaa cĩnnĩ. Iꞌthianaanĩ thõõth ciee nẽ ũttũbanoothĩk lemiitta. Attũbanoothĩk thõõth ciee ꞌthianaatta ĩꞌthõng decciaanĩt lemiitta. Hĩcĩ aduha ꞌBuuhi cĩ Nyekuci aĩ, “Arũgĩ hatĩ ẽẽtĩ ꞌcĩ ẽlẽmĩ Nyekuci, hĩnĩngĩtĩ lemiinit.”

ꞌRooma 10:12

Hĩnĩngĩtĩ aduhõõ eeta ꞌcĩg ĩĩn ꞌJudeei hĩ eet ꞌcĩg hõllõngaa ĩĩn ꞌJudeei thõng, Makayyioohit hõdẽẽthõng dioo ꞌcĩ ĩĩn Makayyioohit cĩ eet vẽlẽk nẽ aggatan eet vẽlẽk gẽrrẽẽt ꞌcĩg ẽlẽmĩ ĩnõõnnõ.

ꞌRooma 10:4

Ikia ũttũbaneek Krĩstõ dtiic baa aaꞌnyĩhõõthĩkĩ eet nyattalĩ. Hĩnĩngĩtĩ thõõth icci, eeta vẽlẽk ꞌcĩg ẽlẽmĩ ĩnõõnnõ, ikia aaꞌnyĩk Nyekuci ĩhõõggõ hũbũttaathõ.

ꞌRooma 2:1

Õhõppõõcannu niig eet ũgĩ ainnu ẽꞌthẽcan thooꞌthiok. Nẽẽthĩ, aitiõõ ꞌgõõl ꞌcĩ occa ẽppẽhannu niig thooꞌthiok ꞌcĩg adĩmannu niig ko tõõ. Má etteediku niig ꞌgoonogu thõõth, etteediku eleeti cugguung buúk, hĩnĩngĩtĩ adĩmannu niig buúk thooꞌthiok tĩko dẽẽdẽ.

ꞌRooma 3:30

Hĩnĩngĩtĩ aaĩ Nyekuci hõdẽẽthõng diooni, ꞌcĩ hatĩ ẽlẽmĩ eet ꞌcĩg etteeddi eleeti cĩg eet ꞌcĩg maacĩg hĩ ꞌcĩg hõllõngaa etteeddi eleeti, lemiittaa nĩĩcĩ dioo noho.

ꞌRooma 4:16

Nẽẽthĩ hoti ho, aku thõõth ꞌcĩ aduha Nyekuci, hĩnĩngĩtĩ lemiinit nẽ thõõth ꞌcĩ aduha nẽẽ ho, agayyi, hĩnĩngĩtĩ tarbalꞌthẽẽt cĩnnĩ cobbi. Hõllõngaa ĩĩn thõõth ꞌcĩ aduha Nyekuci ho, cĩ lõhõlĩ cĩg Abũrahamĩ dioo ꞌcĩg aꞌnyak nyattal. Ĩĩn cĩ lõhõlĩ cĩg lõhõlĩ cĩg Abũrahamĩ vẽlẽk, hĩnĩngĩtĩ aꞌnyak nẽẽg lemiinit hĩ baa nẽẽnĩ. Ĩĩn Abũrahamĩ baangeet cĩnaac vẽlẽk.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 9:30

Occa ꞌyioko hõthõõth haĩ ne? Aĩ thõõth ciee, baa hõllõngaa attĩman eeta ꞌcĩg hõllõngaa ĩĩn ꞌJudeei, ngaatĩ ammũdaanĩ ꞌgõõl cĩ bũnnaiitto, nẽẽthĩ, iita ummuddia nẽẽg bũnnai ngaatĩ aꞌnyahĩ nẽẽg lemiinit hĩ Nyekuc.

1 Korinthia 12:13

Hĩnĩngĩtĩ baa aggamoothĩkeet ngagĩĩt vẽlẽk baattithimo Loriia, hiita hĩĩtõ naag ẽlẽ hõdẽẽthõng, tananga hĩĩgĩn ꞌJudeei hode ꞌGirik hode appahacaaꞌnya hode eet ꞌcĩg hõllõngaa ĩĩn appahacaaꞌnya nẽ baa aaꞌnyĩhoothĩkeet ngagĩĩt vẽlẽk Lorii hõdẽẽthõng ꞌthinneetinii cĩggaac.

1 Korinthia 4:7

Ne ꞌcĩ ẽllẽẽmĩth hĩ ngagiit gẽrrẽẽt ko? Ne ꞌcĩ aꞌnyaku niig ꞌcĩ baa nga haaꞌnyĩhoothĩhuung ko? Nẽ má baa aaꞌnyĩhoothĩhuung ngagiit ꞌgii tĩho nẽ occa athĩngõõnyannu niig hutuno?

ꞌGalaaꞌthia 2:16

Haga naag ngaatĩ ẽlẽmmĩ Nyekuci eet ꞌcĩg ẽlẽmĩ Yeesu Krĩstõ diooni, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ, hatĩ athĩhĩ thooꞌthiok cĩg nyattaalak diooni. Hẽlẽmĩ naag Yeesu Krĩstõ, hĩnĩngĩtĩ athĩhĩ nẽẽ Nyekuc, ĩnõõ ꞌcĩ elemeet Nyekuci ngagĩĩt, hĩnĩngĩtĩ lemiinit cĩnaac ko.

ꞌGalaaꞌthia 2:20

Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.

ꞌGalaaꞌthia 3:22

Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.

ꞌGalaaꞌthia 3:28

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

Eevvetho 3:12

Nẽẽthĩ ꞌyioko, ikia ũkũtaneet Krĩstõ ngagĩĩt, hĩnĩngĩtĩ athĩhĩ nẽẽ Nyekuc nẽ occa iittiõõ hõllõngaa hiꞌngolli naag ngaatĩ hõõĩ hĩ Nyekuc cũrũmũũm muumaa cĩnnĩ.

Pilippi 3:9

nẽ hĩĩna eet cĩnnĩ. Hõllõngaa occa ẽlẽmma Nyekuci nganĩĩt ngaatĩ habũnnayyĩĩ ꞌgõõlaa ꞌcĩ hanũĩ nyattal, hĩnĩngĩtĩ ꞌgõõl ꞌcĩ elemmeet Nyekuci ngagĩĩt hũbũttaath, aaĩ lemiitta.

Kolooꞌthe 3:11

Rũgẽtaa ꞌcĩ ĩĩn ngeju ho, aduhoonnu niig vẽlẽk thõng, hatĩ iiginnu ꞌGirik hode iiginnu ꞌJudeei hode etteeddi eleeti cĩg eet ꞌcĩg maacĩg hode nga hetteeddi eleeti. Hode iiginnu eet ꞌcĩg ꞌrĩĩng hode eet ꞌcĩg nga illimattĩ, hode iiginnu appahacaaꞌnya hode eet ꞌcĩg hõllõngaa ĩĩn appahacaaꞌnya. Krĩstõ dioo ꞌcĩ tiirẽẽnĩ nẽ aaĩ nẽẽ hĩ ngagĩĩt vẽlẽk.

ꞌJeemith 2:23

Nĩngĩtĩ aku edeeꞌnyianĩ thõõth baa aduha ꞌBuuhi cĩ Nyekuci dĩdĩ ꞌcĩ aĩ, “Baa ẽlẽmĩ Abũrahamĩ thõõth cĩ Nyekuci nẽ hĩnĩngĩtĩ thõõth icci, ikia accamana Nyekuci ĩnõõnnõ ngaatĩ ĩĩnnĩ eet ꞌcĩ abũnnaa.” ꞌGõõl ꞌcĩ baa aku ĩĩnnĩ Abũrahamĩ ꞌgõõnĩ Nyekuci ho niccia.