ꞌRooma 3:19 - ꞌBuuk cĩ Thõõth cĩ Nyekuci

¹⁹ Nẽẽthĩ ꞌyioko, hagaacõ naag haĩ, ꞌgii vẽlẽk ꞌcĩ aduha nyattalĩ, aduhaak eet ꞌcĩg aattĩg nyattaalatõõ, hátĩ hiittiõõ ẽẽtĩ ꞌcĩ aĩ, nga haga Nyekuc tõõ nẽ ẽtẽrẽtha Nyekuci ngaatĩ ĩĩnnĩ eeta cĩg looc nicci vẽlẽk ꞌthẽccanniook.

ꞌRooma 3:19 ပူးပေါင်းရင်းမြစ်များ

Yõaannẽ 15:25

Ĩnõõ ꞌcĩ aduhaanĩ ꞌBuuhi cĩ Nyekuci thõõth ꞌcĩ eheeddi nyattaalaa cĩnĩĩng aĩnnĩ, ‘Aaburreeka eeta nganĩĩt haaga, nga hẽꞌthẽcan thõõth umwa buúk.’

Yõaannẽ 8:9

Ma ho, iita ĩnĩhĩt eeta ꞌcĩg baag athĩhĩ thõõth icci ho hõdẽĩ hõdẽĩ, iꞌthianaanĩ eetinii ꞌcĩg obbitig ĩꞌthõng hidionganit Yeesu hĩ ngaa nicci dioo.

ꞌRooma 1:20

Nganĩngĩtĩ teheꞌnyiaanĩt cĩ lootu, iita ẽdẽẽnyta thooꞌthioha cĩg Nyekuci jurrung aag gõõng hõllõngaa edeeꞌnyia, ꞌtirrianaa cĩnnĩ ĩcĩ aalla ũdũt, hĩ makaaꞌthĩt cĩnnĩ nẽ iita agayyi hẽlẽggẽẽnnĩĩ baag ẽhẽnytaa, hátĩ hiittiõõ eeta hõllõngaa ẽppẽhanĩ.

ꞌRooma 3:2

Nẽ dĩdĩ, maka ꞌbaaniniti! Ĩĩcĩ oou, baa aaꞌnyĩhoothĩk ĩhõõggõ thooꞌthioha cĩg Nyekuci huꞌthuutti.

ꞌRooma 3:23

hĩnĩngĩtĩ ẽꞌthẽcattõõ eeta vẽlẽk nẽ udhukta nẽẽg vẽlẽk, iittiõõ ẽẽtĩ ꞌcĩ ammũda bulẽẽnĩt cĩ Nyekuci tõõ,

ꞌRooma 3:4

Aitiõõ ũdũt! Aꞌnyĩĩk Nyekuc hĩĩ dĩdĩ nẽ ĩĩtõ eeta vẽlẽk oloꞌngiaak. Hĩcĩ eheeddi ꞌBuuhaa cĩ Nyekuci aĩ, “Aga hatĩ eeta ngaatĩ aũlanĩ thõõth ꞌcĩ aduha niina, nẽ hatĩ ĩllõõanuu thõõth lokihoa.”

ꞌRooma 3:9

Hõthõõth occa ꞌthẽk ꞌyioko thõõth icci haĩ ne? Haĩ hĩĩgĩn naag ꞌJudeei mẽẽttĩg? Aitiõõ ũdũt! Hĩnĩngĩtĩ hagaacõ naag ẽlẽk ngaatĩ aduhõõnĩ eeta ꞌcĩg ĩĩn ꞌJudeei hĩ ꞌcĩg hõllõngaa ĩĩn ꞌJudeei ꞌthẽccanẽẽtĩĩ cĩggĩĩng thõng.

1 Korinthia 1:29

Adĩman Nyekuci thooꞌthiok iccig vẽlẽk, hátĩ hiittiõõ ẽẽtĩ ꞌcĩ athĩngõõnyan muumaa cĩnnĩ tõõ.

ꞌGalaaꞌthia 3:10

Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”

ꞌGalaaꞌthia 4:21

Ĩthĩktaangu dako niig nganĩĩt eeta ꞌcĩg adiimmu anuyyu nyattal cĩ Mũũꞌtha ho. ꞌYioko ꞌthẽk agayyu niig thõõth ꞌcĩ aduha nyattalĩ ho?

ꞌGalaaꞌthia 4:5

hikia hõõgaeet ngagĩĩt nyattaalaa cĩ Mũũꞌtha, hĩĩtõ lõhõlĩ dĩdĩ ꞌcĩg harigith ꞌgii vẽlẽk õlõõ cĩ Nyekuci.

ꞌGalaaꞌthia 5:18

Nẽ má adticannu niig thooꞌthiok ꞌcĩg aduha Lorii ꞌcĩ Ẽllẽẽmĩthĩ, occa aitiõõ nyattalĩ hõllõngaa aggammuung ngagiita.