ꞌRooma 2:7 - ꞌBuuk cĩ Thõõth cĩ Nyekuci

⁷ Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

ꞌRooma 2:7 ပူးပေါင်းရင်းမြစ်များ

Maatteeo 25:46

“Nẽ hatĩ õõt nẽẽg ukẽẽttaa cĩ ꞌgwoo ꞌcĩ aalla ooo, nẽẽthĩ, eeta ꞌcĩg abũnnaa, õõ hatĩ nẽẽg rũgẽtaa ꞌcĩ aalla ooo.”

ꞌLuuka 21:19

Ĩbĩlĩt kõmĩĩtha hatĩ ummuddia rũgẽt.

ꞌLuuka 8:15

Nẽẽthĩ, hinyomona ꞌcĩg ĩꞌthanothoothĩk ꞌthẽẽmĩĩ ꞌcĩg abũnnaa ho, ĩthakꞌthoothĩk eet ꞌcĩg tarbalĩg ꞌcĩg õõrĩg ꞌthinneeti. Eet ꞌcĩg athĩhĩ thõõth nẽ uꞌthuutti jurrung hĩ haala ꞌcĩg alĩꞌtha ĩꞌthõng hibbiirito nẽ ajatta.

Yõaannẽ 4:36

Tananga ꞌyioko, ummuddia janniooha ꞌbaaninit cĩnĩĩng ẽlẽk, ngaatĩ ajanaanĩ ꞌgẽẽn ꞌcĩ aꞌnyaha rũgẽt ꞌcĩ aalla ooo. Nẽẽthĩ, eeta vẽlẽk baag athacĩ hinyomo hĩ ꞌcĩg ajana ꞌgẽẽn, au hatĩ accamanoothĩk nẽẽg vẽlẽk hõdẽĩ.

Yõaannẽ 5:44

Occa elemiinnu niig hutuno hatĩ adiimmu dĩhĩthẽẽnĩt ꞌcĩ aku hĩ ꞌgoonogu nẽ hõllõngaa aallaku ngaatĩ ammũdaannu dĩhĩthẽẽnĩt ꞌcĩ aku hĩ Nyekuc ꞌcĩ odoyyii?

ꞌRooma 2:10

Nẽẽthĩ, eeta ꞌcĩg adĩman thooꞌthiok ꞌcĩg abũnnaa, adũmanni hatĩ nẽẽg bulẽẽtta hĩ tẽẽlꞌthĩta hĩ ganõõna, tananga ĩĩn eet cĩg ꞌJudeei hode ꞌcĩg hõllõngaa ĩĩn ꞌJudeei.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

ꞌRooma 8:18

Maka bulẽẽnĩtĩ ꞌcĩ hatĩ eterꞌtheekeet Nyekuci ngagĩĩt ĩllõõan pĩĩrnanĩt ꞌcĩ ꞌyioko haꞌnyak naag ko.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

1 Korinthia 15:42

Aaĩ hatĩ noho hatĩ ũrũgta eleeti cĩggaac daahĩtha. Adaahĩ hatĩ eleeti cieegi, nẽẽthĩ, eleeti ꞌcĩg ũrũgta, hõllõngaa hatĩ adaahĩ tarĩ ũdũt.

1 Korinthia 15:50

Hõlõ, hadiimmuung naa ngagiit agaac ĩĩtõ, õꞌngõlĩ hatĩ horumwa eleeti cĩggaac ꞌcĩg ĩĩn ẽlẽ hĩ biyyi ho haaga. Nẽẽthĩ, aĩ thõõth ciee nẽẽ, aitiõõ hatĩ eleeti cĩggaac hõllõngaa õthõl habuccieet cĩ Nyekuci ꞌcĩ aalla ũdũt ko.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

ꞌGalaaꞌthia 6:9

Ma haharru ngaatĩ eellu ꞌgoonogu, hĩnĩngĩtĩ ajanaannu hatĩ niig ꞌbaaninit, kõr ꞌcĩ uduhaaĩ Nyekuci, hatĩ hõllõngaa aireeku dtiic cĩnnĩ.

Eevvetho 6:24

Aꞌnyĩĩk Nyekuc hĩĩ tarbal hĩ eet vẽlẽk ꞌcĩg aalla ammĩnan Makayyioohit cĩnaac Yeesu Krĩstõ.

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

1 Timotteeo 1:17

Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.

2 Timotteeo 1:10

Nẽẽthĩ ꞌyioko, ikia eteretheeheet ngagĩĩt Ellioohiti cĩnaac Yeesu Krĩstõ tarbalꞌthẽẽt cĩ Nyekuci. Ĩllõõan nẽẽ daahĩth nẽ eteretheeheet lanyit cĩ rũgẽt ꞌcĩ aalla ooo jurrung, nyeemuutaa ꞌcĩ abũnnaa.

Ebereei 2:7

Hĩnĩngĩtĩ irritanaa nii ĩnõõnnõ hĩdĩhĩdĩĩc hĩllõõan aajĩlẽẽt nẽ itihimẽẽhĩ ĩnõõnnõ temedek cĩ bulẽẽttõ hĩ ꞌcĩ iꞌngoliini eeta ĩnõõnnõ.

Ebereei 6:12

Hõllõngaa hadiimmuung naag ngagiit ĩĩtõ nyamuttiook, hadiimmuung ĩthahithit eet baag aꞌnyahit lemiinit hĩ temeethi nẽ iita ummuddia thõõth baa aduha Nyekuci.

Ebereei 6:15

Ma ho, ikia ẽrẽẽõ Abũrahamĩ ĩꞌthõng hikia hẽdẽẽnya Nyekuci thõõth baa aduha.

1 Yõaannẽ 2:25

Baa uduhaaheet Ngeerĩnĩ ngagĩĩt rũgẽt ꞌcĩ aalla ooo.