ꞌRooma 2:25 - ꞌBuuk cĩ Thõõth cĩ Nyekuci

²⁵ Tiir ꞌteediniti cĩ ello hatĩ aꞌthuunnu nyattal, nẽẽthĩ, má hõllõngaa aꞌthuunnu nyattal, au hinnia aattiyyu hĩcĩ nga hetteeddi eleeti.

ꞌRooma 2:25 ပူးပေါင်းရင်းမြစ်များ

Dtiicanĩ cĩg ꞌThooyyiahu 7:51

“Niig eeta ꞌcĩg adĩĩtennuung ooti pĩd ko! Aburru niig hõdõõkõthĩ Lori ꞌcĩ Ẽllẽẽmĩth, haau hĩ baa abũrĩ maajihu cugguung.

ꞌRooma 2:13

Hĩnĩngĩtĩ hõllõngaa eet ꞌcĩg athĩhĩ nyattal ꞌcĩg aũlan thõõth cĩnĩĩng muumaa cĩ Nyekuci, nẽẽthĩ hinnia eet ꞌcĩg aꞌthũũnnĩ nyattal dioo ꞌcĩg hatĩ adukiaa aĩ, ĩĩn eet ꞌcĩg abũnnaa.

ꞌRooma 2:23

Nii ꞌcĩ irriani nyattal cĩ Nyekuci ho, hõllõngaa aburi nii thõõth cĩ Nyekuci, ngaatĩ hõllõngaa aꞌthũũnnĩ nyattal cĩnnĩ?

ꞌRooma 2:26

Má aꞌthũũnnĩ eeta ꞌcĩg hõllõngaa etteeddi eleeti hẽlẽggĩ ꞌcĩg adiim nyattalĩ, hõllõngaa occa aga Nyekuci aĩ, aduhõõ nẽẽg hĩ eet ꞌcĩg etteeddi eleeti thõng?

ꞌRooma 2:27

Nẽẽthĩ dĩdĩ, ẽẽtĩ ꞌcĩ nga hẽttẽẽdĩ ẽlẽ nẽ ũꞌthũũtĩ nyattal, etteedikuung hatĩ ngagiit thõõth, tananga aꞌnyaku nyattal ꞌcĩ eheeddi loota nẽ etteeddi eleeti cugguung, aalla hõllõngaa aꞌthuunnu nyattal noho.

ꞌRooma 2:28

Hõllõngaa ĩĩn ẽẽtĩ ꞌJudeeinit hatĩ ẽttẽẽdĩ ẽlẽ cĩnnĩ thõng diooni, ĩĩn hĩnĩngĩtĩ hõllõngaa ĩĩn ꞌteediniti ꞌgii ꞌcĩ ello diooni.

1 Korinthia 7:19

Ĩĩn ꞌteediniti cĩ ello hode thõõth ꞌcĩ hõllõngaa etteedini ẽlẽ, thõõth umwa haaga. Thõõth ꞌcĩ aaddi ꞌcĩ hathĩknĩ tilooinit cĩ Nyekuci dioo.

ꞌGalaaꞌthia 6:13

Aitiõõ eeta ꞌcĩg etteeddi eleeti hõllõngaa anũ nyattal nẽ adiimmuung nẽẽg ngagiit etteeddi, hátĩ hirrianit nẽẽg, hĩnĩngĩtĩ eleeti cugguung.

ꞌGalaaꞌthia 6:15

Aitiõõ hõllõngaa aaddi hatĩ etteeddi ẽẽtĩ hode nga hẽttẽẽdĩ, thõõth ꞌcĩ aaddi hĩ Nyekuc diooni, ꞌcĩ occa hĩĩgĩnnĩ naag ngeju.