16 Edeeꞌnyia hatĩ thõõth ciee kõr ꞌcĩ hatĩ aaꞌnyĩkĩ Nyekuci Yeesu Krĩstõ hẽttẽẽd thooꞌthiok ꞌcĩg adĩman eeta burkiitina, hĩcĩ aduha nyeemuut caannĩ ꞌcĩ abũnnaa ho.
Nẽ dĩdĩ, occa ꞌthẽk hõllõngaa aruhi eeta ꞌcĩg abũnnaa hĩ ꞌthẽccanniook hõdẽĩ. Nganiit loota nĩnga ꞌcĩ etteedi thooꞌthiok jurrung nẽ occa hõllõngaa adĩmani eet ꞌcĩg ammĩrĩ ꞌbuth.”
Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.
Hĩnĩngĩtĩ aitiõõ hatĩ thõõth ꞌcĩ ammiꞌthi ꞌcĩ hõllõngaa aku ammuddiaa tõõ. Nẽ aitiõõ thõõth ꞌcĩ ammiꞌthi ꞌcĩ hatĩ hõllõngaa aku agayyi hode aꞌnyakiaa lothippita tõõ.
Aaĩ ꞌgaadĩ ꞌcĩ hatĩ ẽttẽẽd thõõth cĩ eet ꞌcĩ abũrra nganĩĩta nẽ ũtũbũr ꞌlimman caannĩ. Ẽttẽẽd hatĩ thõõth ciee hothoothi naa ho thõõth cĩnnĩ, kõr cĩ decciaanĩt cĩ lootu.
Aduhaakeet Nyekuci ngagĩĩt hirrioottĩha eet hĩĩttĩha, ẽbẽra Nyekuci Yeesu hẽttẽẽd thooꞌthiok cĩg eet ꞌcĩg arũgĩ hĩ ꞌcĩg adaahito.
Aarĩk nẽẽ kõr ꞌcĩ hatĩ ẽttẽẽdĩ thooꞌthiok cĩg lootu ꞌgõõlaa ꞌcĩ aũlan, eetaa ꞌcĩ ẽbẽra nẽẽnĩ. Baa eteretheek Nyekuci eet ngaatĩ arũgthaanĩ eet tĩho daahĩtha.”
Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.
Nẽẽthĩ, hĩnĩngĩtĩ ꞌlõõrĩth cunni hĩ thõõth ꞌcĩ hõllõngaa abũrrĩ ꞌthẽccanẽẽt cugunnig, athadeehi nii liilii cĩ Nyekuci ẽllaa cunni, hatĩ ikia kõrra ꞌcĩ alĩĩllĩ Nyekuci, hatĩ kõr ꞌcĩ ẽttẽẽdĩ nẽẽ thõõth ꞌgõõlaa cĩnnĩ ĩcĩ aũlanĩ.
Nẽẽthĩ hoti ho, ẽttẽẽd Nyekuci thooꞌthiok cĩg eetuk ꞌgõõlaa ꞌcĩ aũlanĩ! Má baa haau nohota, occa baa ẽttẽẽd Nyekuci thõõth cĩ lootu hutuno?
Nẽẽthĩ ꞌyioko, ꞌgotoonoga hĩ ngoonoga, hadiimi hammuhaakuung nyeemuut ꞌcĩ abũnnaa baa hirrioonĩkuung naa ngagiit nẽ nga elemmu hĩĩ noho.
Nẽẽthĩ hoti ho, ma hetteeddu thõõth umwa, hatĩ nga hũttũbanoothĩk kõrra, ereeyyio ĩꞌthõng hikia Makayyioohiti. Aku hatĩ appulanaak nẽẽ thooꞌthiok ꞌcĩg ammiꞌthi muguuratõõ battaali nẽ aꞌthalana muhẽẽnĩt cĩ ꞌthinneeti cĩg eetuk. Nẽ kõr niccia, ammũda hatĩ eeta hõdẽĩ hõdẽĩ dĩhĩthẽẽnĩt hĩ Nyekuc.
Hĩnĩngĩtĩ aku hatĩ Krĩstõ iccioloongan dtaabawa nẽ ẽttẽẽd thooꞌthiok cĩggaac cũũmõ cũũmõ, hĩ dtiicanĩ ꞌcĩg baag adĩman ẽẽtĩ baa nga arũgĩ loota nĩnga, adĩman baa nẽẽ thooꞌthiok ꞌcĩg abũnnaa hode thooꞌthiok ꞌcĩg abathĩ.
ꞌGotoonoga hĩ ngoonoga, hadiimmuung naa ngagiit agaac ĩĩtõ, nyeemuut ꞌcĩ abũnnaa ꞌcĩ hirriooni naa ho, hõllõngaa ĩĩn nyeemuut ꞌcĩ aku hĩ eet cĩ holli õõ.
ammuddiaa ꞌlimmanĩ niccia nyeemuutaa ꞌcĩ abũnnaa, ĩcĩ aaꞌnya nganĩĩt Nyekuci ꞌcĩ abuli nẽ ẽllẽẽm gẽrrẽẽt.
Muhunooth Yeesu Krĩstõ, baa arũgtha Nyekuci daahĩtha, baa arrittiaa nẽẽ hattũũgaa cĩ habu Daavide. Nyeemuut ꞌcĩ abũnnaa ꞌcĩ hallimani naa ho cieeni,
Haduhaaki dĩdĩ muumaa cĩ Nyekuci, hĩ ĩcĩ Yeesu Krĩstõ ꞌcĩ hatĩ aku ẽttẽẽd thooꞌthiok cĩg eet ꞌcĩg adaahito, hĩ ꞌcĩg nga arũgĩ vẽlẽk, hatĩ uppwaanna Yeesu hĩ habuccieet cĩnnĩ, haaꞌnyii tilooinit icci.
Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.
Hĩgõõng adaahĩ ẽẽtĩ tabattĩ hõdẽẽthõng nẽ ẽttẽẽd Nyekuci thõõth cĩnnĩ,
Nẽẽthĩ, attacan hatĩ nẽẽg Nyekuc ꞌcĩ aga ngaatĩ ẽttẽẽdĩ thõõth cĩ eet ꞌcĩg arũgĩ hĩ ꞌcĩg adaahito.
Nẽẽthĩ acinnu, aga Nyekuci ngaatĩ ẽẽlanĩ eet ꞌcĩg athĩhĩ thõõth cĩnnĩ thooꞌthiohĩĩ ꞌcĩg attĩmaniini nẽẽgĩ, tananga nga aaꞌnyĩk nẽẽ eet ꞌcĩg ĩĩn ꞌthẽccanniook haauto ukẽẽtta ĩꞌthõng kõr ꞌcĩ hatĩ etteedini thooꞌthioha.