ꞌRooma 2:14 - ꞌBuuk cĩ Thõõth cĩ Nyekuci

¹⁴ Nẽ eeta ũgẽẽgĩ ꞌcĩg hõllõngaa ĩĩn ꞌJudeei, aꞌthũũnnĩ nyattal tananga hõllõngaa aꞌnyak nyattal ꞌcĩ eheeddi loota.

ꞌRooma 2:14 ပူးပေါင်းရင်းမြစ်များ

Dtiicanĩ cĩg ꞌThooyyiahu 10:35

nẽẽthĩ, ẽlẽmĩ eet loonyini vẽlẽk ꞌcĩg iꞌngolli ĩnõõnnõ nẽ ĩdĩmanit thõõth ꞌcĩ aũlanĩ.

Dtiicanĩ cĩg ꞌThooyyiahu 14:16

Baarkit, baa aaꞌnyĩk Nyekuci loonyin vẽlẽk haꞌnyahit nyeppiteeꞌnya cĩggĩĩng ꞌgoolliohĩĩ cĩggĩĩng cũũmõ cũũmõ.

Dtiicanĩ cĩg ꞌThooyyiahu 17:30

Baarkit, baa ũtũngeek Nyekuci ꞌgiithẽnĩt ꞌcĩ alaĩ eeta nyekuꞌnya ꞌcĩg hõllõngaa ĩĩn dĩdĩ, hĩnĩngĩtĩ baa hõllõngaa aga eeta thooꞌthiok ꞌcĩg baag adĩman nẽẽgĩ. Nẽẽthĩ ꞌyioko, uduhaak Nyekuci eet loonyini vẽlẽk hũtũngteek ꞌthẽccanẽẽt cĩggĩĩng.

ꞌRooma 1:32

Tananga aga nẽẽg thõõth ꞌcĩ abũnnaa ꞌcĩ aduha Nyekuci aĩ, eeta ꞌcĩg adĩman thooꞌthiok ꞌcĩg aattĩg noho, occa adaahĩ thõng, aalla hinnia adĩman thooꞌthiok ꞌcĩg aattĩg noho nẽ accamatta ꞌgõõnõgĩ ꞌcĩg adĩman thooꞌthiok ꞌcĩg abathĩ.

ꞌRooma 2:12

Eeta ꞌcĩg hõllõngaa aga nyattal cĩ Nyekuci, nga hatĩ aalla uuki nẽẽg, hĩnĩngĩtĩ ꞌgii ꞌcĩ ẽꞌthẽcan nẽẽgĩ. Nẽ adticaniini hatĩ Nyekuci nyattal hẽttẽẽdĩ thooꞌthiok cĩg eet vẽlẽk ꞌcĩg aga thõõth ꞌcĩ aduha nyattalĩ.

ꞌRooma 2:15

Ẽtẽrꞌtha nẽẽg aĩ, eheeddi nyattalĩ cĩ Nyekuci ꞌthinneetinitõõ cĩggĩĩng, hĩnĩngĩtĩ eterꞌtheek muhẽẽnĩtĩ cĩ ꞌthinneeti cĩggĩĩng ĩhõõggõ thõõth ꞌcĩ abũnnaa hĩ thõõth ꞌcĩ abathĩ.

ꞌRooma 2:27

Nẽẽthĩ dĩdĩ, ẽẽtĩ ꞌcĩ nga hẽttẽẽdĩ ẽlẽ nẽ ũꞌthũũtĩ nyattal, etteedikuung hatĩ ngagiit thõõth, tananga aꞌnyaku nyattal ꞌcĩ eheeddi loota nẽ etteeddi eleeti cugguung, aalla hõllõngaa aꞌthuunnu nyattal noho.

1 Korinthia 11:14

Hõllõngaa nooyyia abathĩ hĩ eet ꞌcĩ maacĩ ngaatĩ aꞌnyahĩ ĩma ꞌcĩg uuttik?

1 Korinthia 9:21

Nẽ má harũmeenna naag hĩ eet ꞌcĩg hõllõngaa aggam nyattalĩ, hataarothi naa nyattal nẽ hũlũllũũmana ĩhõõggõ hĩĩtõ lemmiook. Nẽẽthĩ nẽẽꞌthẽk, baa nga hataaroth naa thõõth cĩ nyattal cĩ Nyekuci. Nẽ dĩdĩ, aggamma nganĩĩt nyattalĩ cĩ Krĩstõ.

Eevvetho 2:12

Baa nohota, baa erekuung ngagiit Krĩstõ. Baa iiginnu eet cĩg looc cĩrrĩĩng looccaa cĩ Ĩꞌthĩraẽlĩ nẽ hõllõngaa othollu lõhõt baa adak Nyekuci hĩ ĩhõõggõ. Baa aattiyyu niig loota nĩnga, baa aitiõõ Nyekuci hĩ ngagiit tõõ nẽ iittiõõ muhẽẽnĩtĩ ꞌcĩ abũnnaa buúk tõõ.

Eevvetho 2:3

Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.

Pilippi 4:8

Nẽẽthĩ ꞌyioko, ꞌgotoonoga hĩ ngoonoga, thõõthaa ꞌcĩ adtuurna, ummuhit thooꞌthiok ꞌcĩg ĩĩn dĩdĩ hĩ thooꞌthiok ꞌcĩg hiꞌngolli hĩ thooꞌthiok ꞌcĩg aũlanĩ, hĩ thooꞌthiok ꞌcĩg tẽllĩg hĩ thooꞌthiok cĩg occa hammĩnanĩ hĩ thooꞌthiok ꞌcĩg accamana ꞌthinneeti. Ummuhit thooꞌthiok ꞌcĩg ẽllẽẽmĩth gẽrrẽẽt ꞌcĩg occa hadĩhĩthĩ.