ꞌRooma 2:12 - ꞌBuuk cĩ Thõõth cĩ Nyekuci

¹² Eeta ꞌcĩg hõllõngaa aga nyattal cĩ Nyekuci, nga hatĩ aalla uuki nẽẽg, hĩnĩngĩtĩ ꞌgii ꞌcĩ ẽꞌthẽcan nẽẽgĩ. Nẽ adticaniini hatĩ Nyekuci nyattal hẽttẽẽdĩ thooꞌthiok cĩg eet vẽlẽk ꞌcĩg aga thõõth ꞌcĩ aduha nyattalĩ.

ꞌRooma 2:12 ပူးပေါင်းရင်းမြစ်များ

Maatteeo 11:22

Nẽẽthĩ haduhaakuunga, mẽẽn hatĩ ukẽẽnĩtĩ cĩ Nyekuci kõr cĩ decciaanĩt cĩ lootu, hĩ eet cĩg ꞌtaaũn cĩ ꞌTire hĩ cĩg ꞌThidõõnẽ hĩllõõan cunuung.

Maatteeo 11:24

Nẽẽthĩ haduhaakuunga, mẽẽn hatĩ ukẽẽnĩtĩ cĩ Nyekuci kõr cĩ decciaanĩt cĩ lootu hĩ eet cĩg ꞌThõõdõmĩ hĩllõõan cunuung.”

Yõaannẽ 19:11

Ẽdẽcĩ Yeesu Pĩlaatõ anneek, “Má nga haaꞌnyi Nyekuci ꞌtirrian, aitiõõ ꞌgii ꞌcĩ occa adĩmaneekaa nii nganĩĩt tõõ. Nẽẽthĩ, ẽꞌthẽcan ẽẽtĩ ꞌcĩ aꞌnyahaanna nganĩĩt hĩ nganiit ko gẽrrẽẽt ũdũt.”

Dtiicanĩ cĩg ꞌThooyyiahu 2:23

Baa aga Nyekuci muhẽẽnĩt ꞌcĩ aaꞌnyuung ngagiit Yeesu. Nẽ tarĩ, au hinnia aaꞌnyiku niig ꞌthẽccanniook hõtõddõõcõ ĩnõõnnõ hurucceea.

ꞌRooma 1:32

Tananga aga nẽẽg thõõth ꞌcĩ abũnnaa ꞌcĩ aduha Nyekuci aĩ, eeta ꞌcĩg adĩman thooꞌthiok ꞌcĩg aattĩg noho, occa adaahĩ thõng, aalla hinnia adĩman thooꞌthiok ꞌcĩg aattĩg noho nẽ accamatta ꞌgõõnõgĩ ꞌcĩg adĩman thooꞌthiok ꞌcĩg abathĩ.

ꞌRooma 4:15

Hĩnĩngĩtĩ alĩĩlĩ Nyekuci hatĩ ẽꞌthẽcanni nyattalĩ cĩnnẽẽnĩ. Nẽ ngaatĩ aitiõõ nyattalĩ tõõ, aitiõõ ꞌgii ꞌcĩ occa ẽꞌthẽcan eeta tõõ.

ꞌRooma 8:3

Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.

1 Korinthia 9:21

Nẽ má harũmeenna naag hĩ eet ꞌcĩg hõllõngaa aggam nyattalĩ, hataarothi naa nyattal nẽ hũlũllũũmana ĩhõõggõ hĩĩtõ lemmiook. Nẽẽthĩ nẽẽꞌthẽk, baa nga hataaroth naa thõõth cĩ nyattal cĩ Nyekuci. Nẽ dĩdĩ, aggamma nganĩĩt nyattalĩ cĩ Krĩstõ.

ꞌGalaaꞌthia 3:10

Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”

ꞌGalaaꞌthia 3:22

Nẽẽthĩ, aduha ꞌBuuhi cĩ Nyekuci aĩ, ĩĩn eeta vẽlẽk baabuuthnya cĩg ꞌthẽccaanak, hátĩ hikia haaꞌnyĩhoothĩk thõõth baa aduha Nyekuci, eet ꞌcĩg hatĩ ẽlẽmĩ Yeesu Krĩstõ.

ꞌJeemith 2:10

Hĩnĩngĩtĩ ẽẽtĩ ꞌcĩ aꞌthũũnnĩ nyattalliook vẽlẽk nẽ ẽꞌthẽcan hõdẽẽthõng, ẽꞌthẽcan nẽẽ nyattalliook cĩg Nyekuci vẽlẽk.