ꞌRooma 2:10 - ꞌBuuk cĩ Thõõth cĩ Nyekuci

¹⁰ Nẽẽthĩ, eeta ꞌcĩg adĩman thooꞌthiok ꞌcĩg abũnnaa, adũmanni hatĩ nẽẽg bulẽẽtta hĩ tẽẽlꞌthĩta hĩ ganõõna, tananga ĩĩn eet cĩg ꞌJudeei hode ꞌcĩg hõllõngaa ĩĩn ꞌJudeei.

ꞌRooma 2:10 ပူးပေါင်းရင်းမြစ်များ

Maatteeo 10:13

Má abũnnaa õlõ tĩho, aanytĩk ꞌgattan haau nĩngaata. Má aitiõõ, aanytĩk ꞌgattan cunuung ko, hõbõda hĩ ngagiita.

ꞌLuuka 1:79

hikia hũttũhũla eet ꞌcĩg aattĩg muguratõõ, hĩ ꞌcĩg aattĩg ꞌriiyyia cĩ daahĩthõõ nẽ eteretheheet ngagĩĩt ꞌgõõl ꞌcĩ haattiyyi lõꞌngõõc.”

ꞌLuuka 12:37

Abũnnaa hatĩ dticcianniooha ꞌcĩg ma aku makayyioohiti cĩnĩĩng, ammũdeek acĩnĩ. Haduhaakuung dĩdĩ, aku hatĩ akũmanoothĩk makayyioohiti nẽ aaꞌnyĩk dticcianniook cĩgĩnnĩg haauto loota nẽ aaꞌnyĩk ꞌgẽẽn hudukto hĩ ĩnõõnnõ hõdẽĩ.

ꞌLuuka 19:42

nẽ õthõõth ĩĩ, “Kõr nicci, aitiõõ eeta cugunnig hõllõngaa aga ꞌgii ꞌcĩ hatĩ aꞌnyahaak ĩhõõggõ ganõn! Nẽ ꞌyioko, aguꞌthi hĩ ĩhõõggõ hẽbẽrẽẽnnĩĩ cĩggĩĩng.

ꞌLuuka 22:14

Ma baa ũttũbanoothĩk kõrra, õõt udukto Yeesu hĩ ꞌthooyyiak cĩgĩnnĩg.

ꞌLuuka 9:48

Nẽ irrioonĩk ĩhõõggõ ĩĩnnĩk, “Ẽẽtĩ ꞌcĩ ẽlẽmĩ ngaatĩ arũmẽẽnĩ hĩ loholeec icci õlõõ cĩnnĩ taliitta ꞌthaarĩĩ cĩgannĩg, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩt buúk. Ẽẽtĩ ꞌcĩ hidici gẽrrẽẽt hõrggẽẽnaa cunuung vẽlẽk, ĩnõõnnõ ꞌcĩ maka gẽrrẽẽt.”

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Yõaannẽ 14:27

Haaꞌnyuung naa ngagiit ganõn, nganĩĩt dioo ꞌcĩ occa haaꞌnyuung ganõn icci. Aitiõõ ganõnĩ ciee hõllõngaa aduhõõ hĩ ganõn ꞌcĩ occa aaꞌnyuung eeta cĩg looc nicci. Nẽẽthĩ, ma haaꞌnyiku ꞌthinneeti hupuppudit hode ma hiteelinnu.

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

Dtiicanĩ cĩg ꞌThooyyiahu 10:35

nẽẽthĩ, ẽlẽmĩ eet loonyini vẽlẽk ꞌcĩg iꞌngolli ĩnõõnnõ nẽ ĩdĩmanit thõõth ꞌcĩ aũlanĩ.

ꞌRooma 14:17

Hĩnĩngĩtĩ hõllõngaa ĩĩn habuccieet cĩ Nyekuci cĩ duhẽẽttõ hode cĩ hũdẽẽttõ, nẽẽthĩ, ĩĩn habuccieet ꞌcĩ haaꞌnyĩkĩ Nyekuc haccamanoothĩk nẽ ĩĩ ꞌcĩ haattiyyi ganõõna hĩ ꞌcĩ haattiyyi taliitta dĩdĩ. Aku thõõth ciee vẽlẽk, hĩnĩngĩtĩ Lori ꞌcĩ Ẽllẽẽmĩthĩ.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 2:7

Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.

ꞌRooma 2:9

Uuki hatĩ ꞌthẽccanniooha vẽlẽk ꞌcannaana, tananga eet cĩg ꞌJudeei hode ꞌcĩg hõllõngaa ĩĩn ꞌJudeei.

ꞌRooma 5:1

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ,

ꞌRooma 8:6

Aꞌnyaha muhẽẽnĩtĩ cĩ eet ꞌcĩ ĩĩn ꞌthẽccannioohit daahĩth, nẽẽthĩ, muhẽẽnĩtĩ cĩ eet ꞌcĩ aggam Lorii, ĩĩn rũgẽt hĩ ganõn.

ꞌRooma 9:21

Hõllõngaa occa ẽbẽra teheꞌnyioohiti cĩ ijjioꞌnyaannu ngaatĩ ẽhẽnytaanĩ ijjioꞌnya cĩg dtiicanĩ ꞌcĩg aaddi nẽ ĩĩtõ ũgẽẽgĩ ꞌcĩg dtiicanĩ aag gõõng hõdõõkõthĩ haaga.

ꞌRooma 9:23

Baa adĩman Nyekuci thõõth icci, aĩ hátĩ hẽtẽrẽtha bulẽẽnĩt cĩnnĩ cobbi, hatĩ ammaannĩk nẽẽ eet ꞌcĩg ẽbẽra nẽẽ, hotholit bulẽẽnĩt cĩnnĩ.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

Pilippi 4:7

Nẽ amũdaannu hatĩ ganõn cĩ Nyekuci, ꞌcĩ ĩllõõan ꞌgii vẽlẽk ꞌcĩ occa aga eeta. Aꞌthũũnnĩ hatĩ ganõnĩ cĩnnĩ muhẽẽnĩt cĩ ꞌthinneeti cugguung, hĩcĩ aattiyyu niig hõdẽĩ hĩ Yeesu Krĩstõ ho.

1 Timotteeo 1:17

Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.

Ebereei 2:7

Hĩnĩngĩtĩ irritanaa nii ĩnõõnnõ hĩdĩhĩdĩĩc hĩllõõan aajĩlẽẽt nẽ itihimẽẽhĩ ĩnõõnnõ temedek cĩ bulẽẽttõ hĩ ꞌcĩ iꞌngoliini eeta ĩnõõnnõ.

ꞌJeemith 2:22

Ĩcĩnĩt nõõ lemiinit cĩnnĩ ngaatĩ adticaniini hõdẽĩ hĩ dtiicanĩ cĩgĩnnĩg ꞌcĩg abũnnaa. Ikia ũttũbanoothĩk lemiiniti cĩnnĩ, hĩnĩngĩtĩ dtiicanĩ ꞌcĩg abũnnaa baag adĩman nẽẽnĩ.

ꞌJeemith 3:13

Nganĩ hõrggẽẽnaa cunuung ꞌcĩ ẽggẽẽnyĩth nẽ aga hẽlẽggĩ vẽlẽk? Aꞌnyĩĩk hẽtẽrẽtha ꞌgẽẽnyĩth cĩnnĩ ho rũgẽtaa cĩnnĩ ĩĩcĩ abũnnaa, ngaatĩ hõllõngaa athĩngõõnyanĩ, hĩnĩngĩtĩ ẽggẽẽnyĩth nẽẽnĩ.

1 Pẽẽtũrũ 1:7

Ẽtẽrꞌtha hatĩ ꞌtĩmmanĩ ciee ngaatĩ ĩĩnnĩ lemiiniti cunuung dĩdĩ. Attĩmanni hatĩ lemiiniti cunuung hĩ ꞌdaabĩ ꞌcĩ attĩmanni ꞌgwoyyia, tananga tiir lemiiniti cunuung gẽrrẽẽt hĩllõõan ꞌdaab ꞌcĩ occa aduhoothĩk haaga. Nẽẽthĩ, má aalla õkõmmĩ lemiiniti cunuung hatĩ attĩmanni ꞌtĩmmaanaa ꞌcĩ maka, occa hatĩ aꞌnyahaakuung ngagiit dĩhĩthẽẽnĩt hĩ bulẽẽnĩt ꞌcĩ maka kõr ꞌcĩ akuuni Yeesu Krĩstõ.

1 Pẽẽtũrũ 5:4

Ma õbõda Krĩstõ tũhayyioohiti ꞌcĩ ĩĩn habu, ammũdaanu hatĩ dũman cĩ bulẽẽnĩt ꞌcĩ hõllõngaa edecciaa ũdũt.