ꞌRooma 2:1 - ꞌBuuk cĩ Thõõth cĩ Nyekuci

¹ Õhõppõõcannu niig eet ũgĩ ainnu ẽꞌthẽcan thooꞌthiok. Nẽẽthĩ, aitiõõ ꞌgõõl ꞌcĩ occa ẽppẽhannu niig thooꞌthiok ꞌcĩg adĩmannu niig ko tõõ. Má etteediku niig ꞌgoonogu thõõth, etteediku eleeti cugguung buúk, hĩnĩngĩtĩ adĩmannu niig buúk thooꞌthiok tĩko dẽẽdẽ.

ꞌRooma 2:1 ပူးပေါင်းရင်းမြစ်များ

ꞌLuuka 12:14

Ẽdẽcĩ hinnia Yeesu anneek, “Ẽlẽ, nganĩ baa ꞌcĩ ẽbẽraanna nganĩĩt hikia hẽttẽẽd thõõth cunuung hĩ ꞌgotonu ho?”

ꞌLuuka 19:22

“Ẽdẽcĩ Makayyioohit anneek, ‘Nii tahahaacĩ cieeni, etteedihuu nii ẽlẽ cunni thõõth ẽmmẽn thõõthaa ꞌcĩ aduha hataa. Má aga nii ngaatĩ hĩĩnnĩ naa eet ꞌcĩ hokomi kak nẽ hĩĩna eet ꞌcĩ hõkõõyyĩ hẽlẽggĩ ꞌcĩg hõllõngaa ĩĩn cĩgannĩg nẽ hajanõ ngaatĩ nga hakatõõĩ,

ꞌLuuka 6:37

Ma nĩngaata, irrioonĩk Yeesu ĩhõõggõ tarĩ ĩĩnnĩk, “Ma hetteediku ꞌgoonogu thooꞌthiok, hátĩ hiittiõõ hõllõngaa etteedothoothĩkuung ngagiit buúk thooꞌthioha. Atamaattik ꞌgoonogu, hátĩ atammaattihoothĩk niig buúk.

ꞌRooma 14:22

Nẽẽthĩ, hẽlẽggĩ vẽlẽk ꞌcĩg elemmu niig, hĩnĩngĩtĩ thooꞌthiok iccig, aanytĩk haauto hõrggẽẽnaa cunuung hĩ Nyekuc. Aꞌnyĩĩk Nyekuc haggatan eet ꞌcĩ hõllõngaa etteedĩk ẽlẽ cĩnnĩ ẽmmẽn thõõth ꞌcĩ abathĩ.

ꞌRooma 2:2

Nẽẽthĩ ꞌyioko, haga naag ẽbẽaneek Nyekuci ngaatĩ ẽttẽẽdĩkĩ eet ꞌcĩg adĩman thooꞌthiok ꞌcĩg aattĩg noho ho thõõth, thõõthaa ꞌcĩ ĩĩn dĩdĩ.

ꞌRooma 2:3

Nẽ ꞌyioko ma etteedihi nii ẽẽtĩ ꞌcĩ holli õõ haaga ĩhõõggõ thõõth nẽ nẽẽ aalla adĩmani thooꞌthiok tĩko dẽẽdẽ, ammuhi nii aini alĩĩta hatĩ ukẽẽnĩt cĩ Nyekuci?

ꞌRooma 3:9

Hõthõõth occa ꞌthẽk ꞌyioko thõõth icci haĩ ne? Haĩ hĩĩgĩn naag ꞌJudeei mẽẽttĩg? Aitiõõ ũdũt! Hĩnĩngĩtĩ hagaacõ naag ẽlẽk ngaatĩ aduhõõnĩ eeta ꞌcĩg ĩĩn ꞌJudeei hĩ ꞌcĩg hõllõngaa ĩĩn ꞌJudeei ꞌthẽccanẽẽtĩĩ cĩggĩĩng thõng.

ꞌRooma 9:20

Nẽẽthĩ, nganĩ nii ẽẽtĩ ꞌcĩ occa ajini Nyekuc ko? Occa gõõng ꞌgii ꞌcĩ ẽhẽnytaa, ajin eet ꞌcĩ ẽhẽnyta ĩnõõnnõ ho anneek, “Ẽhẽnytaannaa baa hoti inni?”

1 Korinthia 4:5

Nẽẽthĩ hoti ho, ma hetteeddu thõõth umwa, hatĩ nga hũttũbanoothĩk kõrra, ereeyyio ĩꞌthõng hikia Makayyioohiti. Aku hatĩ appulanaak nẽẽ thooꞌthiok ꞌcĩg ammiꞌthi muguuratõõ battaali nẽ aꞌthalana muhẽẽnĩt cĩ ꞌthinneeti cĩg eetuk. Nẽ kõr niccia, ammũda hatĩ eeta hõdẽĩ hõdẽĩ dĩhĩthẽẽnĩt hĩ Nyekuc.

1 Korinthia 7:16

Occa aga nii ngaa hutuno ngaatĩ ẽẽlanĩ maac cunni, hode occa aga nii maac hutuno, ngaatĩ occa ẽẽlanĩĩ ngaa cunni?

ꞌJeemith 2:20

Nii ꞌgiiꞌthiahiti, adiimi nii heterethoothihii thõõth ꞌcĩ aĩ, hõllõngaa ẽẽlannii nganiit lemiiniti ꞌcĩ aitiõõ dtiicanĩ ꞌcĩg abũnnaa tõõ?

ꞌJeemith 4:11

ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.