ꞌRooma 16:7 - ꞌBuuk cĩ Thõõth cĩ Nyekuci

⁷ Ĩꞌthaac Androniko hĩ Junia, ittioonniok cĩgannĩg baag hababuuthaniinna hõdẽĩ. Ĩĩn nẽẽg eet ꞌcĩg obbitig ꞌthooyyiahĩ nẽ baa itimanit ngaatĩ ẽlẽmmĩ Krĩstõ õõa caannĩ.

ꞌRooma 16:7 ပူးပေါင်းရင်းမြစ်များ

Yõaannẽ 14:20

Nẽ kõr niccia, au hatĩ agayyu niig ainnu, haaĩ naa hĩ Baaba nẽ aauttu niig hĩ nganĩĩta nẽ haau naa hĩ ngagiita.

Yõaannẽ 15:2

Eꞌngeddeek nẽẽ taba ꞌcĩg uwwatan ẽllaa caannĩ tuu nẽ ũkũman taba ꞌcĩg õddõngõt, hátĩ hoddongotit jurrung.

Yõaannẽ 6:56

Nẽ ẽẽtĩ ꞌcĩ aduk ẽlẽ caannĩ nẽ ũhũd biyyi cĩgannĩg, aalla hatĩ nẽẽ hĩ nganĩĩta nẽ haalla hatĩ naa buúk hĩ ĩnõõnnõ.

ꞌRooma 16:10

Ĩꞌthaac Appeele, baa ĩttĩmanĩ nẽ ummuddia ngaatĩ ĩĩnnĩ lemmioohit ꞌcĩ õkõmĩ lemiittaa nẽ ẽlẽm Krĩstõ ĩnõõnnõ. Ĩꞌthaac eet cĩg halang cĩ Arithtobulo.

ꞌRooma 16:11

Ĩꞌthaac Herodiõõnẽ ittioonniohit caannĩ. Ĩꞌthaac eet cĩg halang cĩ Nariciꞌthio ꞌcĩg ẽlẽmĩ Makayyioohit.

ꞌRooma 16:21

Ĩꞌthaayyuung Timotteeo dticciannioohiti ꞌcĩ baa hadticaniinna hõdẽĩ, hĩ Luuccio hĩ ꞌJaathon hĩ Thothipater ittioonniok cĩgannĩg ꞌcĩg ĩĩn ꞌJudeei.

ꞌRooma 16:3

Ĩꞌthaac Piriciilla hĩ Akwila, gõõng hadticaniinna hõdẽĩ dtiicaa cĩ Yeesu Krĩstõ.

ꞌRooma 16:6

Ĩꞌthaac Maria baa adticanni gẽrrẽẽt, hĩnĩngĩtĩ ngagiita.

ꞌRooma 16:8

Ĩꞌthaayyihaangu Ampiliato, ꞌcĩ hammĩnani ꞌthaarĩĩ cĩg Makayyiooktak.

ꞌRooma 16:9

Ĩꞌthaac Urbaanõ ꞌgooneet baa gõõng hadticanni hõdẽĩ, hĩnĩngĩtĩ Krĩstõ nẽ ĩꞌthaayyu Thaakith buúk ꞌgõõna cĩ ꞌthĩnĩtõ.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

ꞌRooma 9:3

Hĩnĩngĩtĩ occa baa hadiimi naa ẽllaa caannĩ hĩccĩĩnĩ nẽ heꞌngerriooa hĩ Krĩstõ, hatĩ má occa ẽẽla thõõth ciee eet cĩgannĩg

1 Korinthia 1:30

Iiginnu niig lõhõlĩ cĩg Nyekuci, hĩnĩngĩtĩ baa ĩꞌthõõa nẽẽ Yeesu Krĩstõ hikia hẽẽlaeet ngagĩĩta nẽ aaꞌnyeet Nyekuci ngagĩĩt heggeenyit. Ĩnõõ ꞌcĩ elemmeet nẽẽ ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ko.

2 Korinthia 11:23

Irrian nẽẽg aĩ hĩĩgĩnna dticcianniook cĩg Krĩstõ? Hĩĩnĩ hinnia naa ꞌgiiꞌthiahit hatĩ hothoothi hoti, hĩnĩngĩtĩ hĩllõõani naa ĩhõõggõ. Hĩnĩngĩtĩ hidticanoothĩha naa Nyekuc gẽrrẽẽt, haarĩhoothĩha baabuuth tabattĩ mẽẽlĩg nẽ huuki halliẽẽnĩ tabattĩ mẽẽlĩg, hĩnĩngĩtĩ Krĩstõ nẽ hoboktooa hĩ daahĩth tabattĩ mẽẽlĩg.

2 Korinthia 12:2

Haga naa nuyyioohit umwa cĩ Krĩstõ baa õdõng honoothi ĩnõõnnõ nẽ ũũhĩ õlõõ cĩ Nyekuci hẽẽtkujjieen, irkiꞌnyiaannĩĩ baag allacattĩ ĩĩn õmmõtõ hĩ ꞌwec. Aitiõõ naa hõllõngaa haga ngaatĩ baa õkõõĩ nuyyioohiti tĩho ẽlla noho hode aitiõõ, Nyekuc dioo ꞌcĩ aga.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

ꞌGalaaꞌthia 1:22

Nẽ korrioohĩ nĩĩcag buúk, baa nga hagayyia lothippiꞌnya ꞌcĩg lemmiook cĩg Yeesu Krĩstõ cĩg looc cĩ ꞌJudeea ho nganĩĩta.

ꞌGalaaꞌthia 2:2

Baa hõkõ naa ĩĩca, hĩnĩngĩtĩ baa uppulanaaha Nyekuci heeroni niccia hũũhõ. Ma baa hõdõlana ꞌJeruꞌthalẽm, hõõt hutuhatta thõõth hĩ makayyiook ꞌcĩg obbitig ꞌcĩg baag ĩĩn ꞌJudeei nĩngaata, nyeemuut ꞌcĩ abũnnaa cĩ Yeesu, tuhan umwa ꞌcĩ baa haꞌnyaka ngadiiha. Nĩngĩtĩ hẽdtẽbanaanĩ thõõth cĩ Yeesu ꞌcĩ hallimaneehi eet ꞌcĩg hõllõngaa ĩĩn ꞌJudeei ho. Baa hõkõ haduhaahi ĩhõõggõ, hĩnĩngĩtĩ baa hõllõngaa hadiimi naa ꞌlimman icci hõꞌthõdanoothĩk haaga.

ꞌGalaaꞌthia 2:6

Nẽ eeta ꞌcĩg baag aattĩg hĩ makayyiooha, baa hõllõngaa haallahi naa ĩhõõggõ, hĩnĩngĩtĩ etteedĩk Nyekuci eet thõõth ꞌgoolliohĩĩ ꞌcĩg aattiyyi nẽẽgĩ nẽ hõllõngaa ĩttoorĩk nẽẽg thõõth umwa ꞌlimmaanaa caannĩ.

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

ꞌGalaaꞌthia 6:15

Aitiõõ hõllõngaa aaddi hatĩ etteeddi ẽẽtĩ hode nga hẽttẽẽdĩ, thõõth ꞌcĩ aaddi hĩ Nyekuc diooni, ꞌcĩ occa hĩĩgĩnnĩ naag ngeju.

Eevvetho 2:10

Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Kolooꞌthe 4:10

Ĩꞌthaayyuung ꞌgõõna Arithtarko ꞌcĩ harũmeenna baabuutha hõdẽĩ ngagiita, ĩꞌthaayyuung Maarko midinni Baarnaba buúk. Baa ithiktu niig nyeemuut ꞌcĩ akuuni Maarko hĩ ngagiit ẽlẽk, ma õdõlanuunga, ũrũmtĩ hĩ ĩnõõnnõ lõꞌngõõc.

Vilõmẽẽnõ 1:23

Epavarato ciee harũmeenna baabuutha hõdẽĩ ho, hĩnĩngĩtĩ ĩĩn nẽẽ nuyyioohit cĩ Yeesu Krĩstõ. Ĩꞌthaayyi nẽẽ buúk nganiita,

1 Yõaannẽ 4:13

Haga naag ngaatĩ haattiyyi hĩ ĩnõõnnõ nẽ aau nẽẽ hĩ ngagĩĩta, hĩnĩngĩtĩ aaꞌnyeet nẽẽ ngagĩĩt Lori cĩnnĩ.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.