ꞌRooma 16:3 - ꞌBuuk cĩ Thõõth cĩ Nyekuci

³ Ĩꞌthaac Piriciilla hĩ Akwila, gõõng hadticaniinna hõdẽĩ dtiicaa cĩ Yeesu Krĩstõ.

ꞌRooma 16:3 ပူးပေါင်းရင်းမြစ်များ

Dtiicanĩ cĩg ꞌThooyyiahu 18:26

Baa arrĩcana Appoolo ngaatĩ õthõõthĩ ꞌCieethaa cĩ Laiitto. Ma baa athĩhĩ Akwila hĩ Piriciilla ho, iita ootti Appoolo õlõõ cĩnĩĩng nẽ eelito ĩnõõnnõ hĩthĩk ꞌgõõl cĩ thõõth cĩ Nyekuci jurrung.

ꞌRooma 16:10

Ĩꞌthaac Appeele, baa ĩttĩmanĩ nẽ ummuddia ngaatĩ ĩĩnnĩ lemmioohit ꞌcĩ õkõmĩ lemiittaa nẽ ẽlẽm Krĩstõ ĩnõõnnõ. Ĩꞌthaac eet cĩg halang cĩ Arithtobulo.

ꞌRooma 16:4

Baa adhuk nẽẽg rũgẽt cĩnĩĩng, hĩnĩngĩtĩ nganĩĩta. Nẽẽthĩ, hõllõngaa hĩnĩngĩtĩ nganĩĩt dioo, adhuk hĩnĩngĩtĩ lothippiꞌnya cĩg lemmiook cĩg eet ꞌcĩg hõllõngaa ĩĩn ꞌJudeei ꞌcĩg anneek ĩhõõggõ ĩlaallẽ.

ꞌRooma 16:7

Ĩꞌthaac Androniko hĩ Junia, ittioonniok cĩgannĩg baag hababuuthaniinna hõdẽĩ. Ĩĩn nẽẽg eet ꞌcĩg obbitig ꞌthooyyiahĩ nẽ baa itimanit ngaatĩ ẽlẽmmĩ Krĩstõ õõa caannĩ.

ꞌRooma 16:9

Ĩꞌthaac Urbaanõ ꞌgooneet baa gõõng hadticanni hõdẽĩ, hĩnĩngĩtĩ Krĩstõ nẽ ĩꞌthaayyu Thaakith buúk ꞌgõõna cĩ ꞌthĩnĩtõ.

ꞌRooma 8:1

Nẽẽthĩ ꞌyioko, iittiõõ thõõth ꞌcĩ etteedothoothĩk eet ꞌcĩg ũrũmtĩ hĩ Yeesu Krĩstõ tõõ,

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

1 Korinthia 16:16

elemit eet ꞌcĩg aattĩg hoti, hĩ eet vẽlẽk ꞌcĩg au arũmoothiku hĩ ngagiit nẽ idticattoou hõdẽĩ.

1 Korinthia 16:19

Ĩꞌthaayyuung lothippiti cĩ lemmiook ꞌcĩg au ꞌtaaũnnioohĩ cũũmõ cũũmõ ĩĩcĩ looc cĩ Aaꞌthia. Ĩꞌthaayyuung Akwila hĩ Piriciilla gẽrrẽẽt ꞌthaarĩĩ cĩg Makayyiookto, hõdẽĩ hĩ lemmiook ꞌcĩg õmmõtõõ ꞌcieethaa cĩnĩĩng.

2 Korinthia 12:2

Haga naa nuyyioohit umwa cĩ Krĩstõ baa õdõng honoothi ĩnõõnnõ nẽ ũũhĩ õlõõ cĩ Nyekuci hẽẽtkujjieen, irkiꞌnyiaannĩĩ baag allacattĩ ĩĩn õmmõtõ hĩ ꞌwec. Aitiõõ naa hõllõngaa haga ngaatĩ baa õkõõĩ nuyyioohiti tĩho ẽlla noho hode aitiõõ, Nyekuc dioo ꞌcĩ aga.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

ꞌGalaaꞌthia 1:22

Nẽ korrioohĩ nĩĩcag buúk, baa nga hagayyia lothippiꞌnya ꞌcĩg lemmiook cĩg Yeesu Krĩstõ cĩg looc cĩ ꞌJudeea ho nganĩĩta.

Pilippi 2:25

Hammuhi occa abũnnaa ngaatĩ hĩꞌthõõakuung ngagiit Epavorodito hõbõda hĩ ngagiit tarĩ, ĩĩn nẽẽ ꞌgõtõna, dticciannioohit nẽ ĩĩ ũũrũtaac ꞌcĩ hadticaniinna hõdẽĩ, ꞌcĩ ĩĩn ꞌthooyyiahit cunuung baa ĩꞌthõõannnu niig hikia hũꞌthũũtta nganĩĩta.

Kolooꞌthe 4:11

Ĩꞌthaayyuung Yeesu ꞌcĩ haĩ ꞌthaar ũgĩ Juutto buúk ngagiita. Eet ꞌcĩg ĩĩn lemmiook eetinii ꞌcĩg ĩĩn ꞌJudeei dticciannioohĩĩ cĩgannĩg ĩĩcĩg habuccieet cĩ Nyekuci dioo cieegi nẽ amammaayattaa nẽẽg nganĩĩt haccamanoothĩk dĩdĩ.

2 Timotteeo 4:19

ꞌThaaĩhaa Piriciilla hĩ Akwila hĩ eet vẽlẽk cĩg halang cĩ Onethivoro.