ꞌRooma 16:26 - ꞌBuuk cĩ Thõõth cĩ Nyekuci

²⁶ Nẽẽthĩ ꞌyioko, hĩ baa aduha põrõvẽtaaꞌnya nẽ tarĩ hĩ baa aduha Nyekuci ꞌcĩ arũgĩ ũdũt, ikia agaĩ nyeemuut ciee hĩ eet ꞌcĩg hõllõngaa ĩĩn ꞌJudeei loonyini vẽlẽk, hátĩ helemit nẽẽg buúk nẽ ĩthĩhĩt ĩnõõnnõ.

ꞌRooma 16:26 ပူးပေါင်းရင်းမြစ်များ

ꞌThianaattõ 21:33

Ma ho, ikia itiboolan Abũrahamĩ motooꞌngĩt Bẽẽrthẽbattĩ nẽ ubuluth Makayyioohit Nyekuc ꞌcĩ aalla ooo nĩngaata.

Maarko 16:15

Ma ho, ĩĩnnĩk Yeesu ĩhõõggõ, “Õõt illimanit eet nyeemuut ꞌcĩ abũnnaa loonyini vẽlẽk.

Dtiicanĩ cĩg ꞌThooyyiahu 10:43

Baa õthõõth põrõvẽtaaꞌnya vẽlẽk aĩ eeta ꞌcĩg ẽlẽmĩ Yeesu, ũũnnothoothĩk hatĩ ꞌthẽccanẽẽta cĩggĩĩng ꞌthaarĩĩ cĩgĩnnĩg.”

Dtiicanĩ cĩg ꞌThooyyiahu 6:7

Ma nĩngaata, ikia ĩꞌthanothoothĩk thõõth cĩ Nyekuci looc vẽlẽk, hiita hittoorri nuyyiooha hĩĩtõ mẽẽlĩg ꞌJeruꞌthalẽma nĩngĩtĩ au ẽlẽmmĩ paadĩrꞌnya ꞌcĩg mẽẽlĩg Makayyioohit Yeesu.

ꞌRooma 1:2

Nyeemuut baa aduha nẽẽ baarkit thooꞌthiohĩĩ baag aduha põrõvẽtaaꞌnya ꞌBuuhaa cĩ Nyekuci aĩ,

ꞌRooma 1:20

Nganĩngĩtĩ teheꞌnyiaanĩt cĩ lootu, iita ẽdẽẽnyta thooꞌthioha cĩg Nyekuci jurrung aag gõõng hõllõngaa edeeꞌnyia, ꞌtirrianaa cĩnnĩ ĩcĩ aalla ũdũt, hĩ makaaꞌthĩt cĩnnĩ nẽ iita agayyi hẽlẽggẽẽnnĩĩ baag ẽhẽnytaa, hátĩ hiittiõõ eeta hõllõngaa ẽppẽhanĩ.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 15:18

Nẽ dĩdĩ thõõth ꞌcĩ hatĩ hothoothi naa vẽlẽk, hothoothi ꞌgõõlaa ꞌcĩ aaꞌnya Krĩstõ hõthõõth nẽ hidticanõõĩ, hátĩ hĩthĩhĩt eeta ꞌcĩg hõllõngaa ĩĩn ꞌJudeei Nyekuc.

ꞌRooma 15:4

Hĩnĩngĩtĩ hẽlẽggĩ baag eteheeddi loota ꞌBuuhaa cĩ Nyekuci baa hũnũũk, baa eheeddi hillimatteet ngagĩĩt temeethi hĩ ngaatĩ akũtanneet ngagĩĩt, hátĩ haꞌnyahit muhẽẽnĩt ꞌcĩ abũnnaa.

ꞌRooma 3:21

Nẽẽthĩ ꞌyioko, eteretheeheet Nyekuci ngagĩĩt ꞌgõõl ꞌcĩ aaꞌnyeet ngagĩĩt hũbũttaath hĩ ĩnõõnnõ. Aduha nyattalĩ hĩ põrõvẽtaaꞌnya ꞌgõõl ꞌcĩ aku elemmeet Nyekuci ngagĩĩta nẽ hõllõngaa, hĩnĩngĩtĩ hanũ nyattal cĩ Mũũꞌtha.

ꞌGalaaꞌthia 3:8

Baangaani, baa eheeddi ꞌBuuhaa cĩ Nyekuci aĩ nẽẽ, aga hatĩ Nyekuci eet ꞌcĩg hõllõngaa ĩĩn ꞌJudeei, hatĩ ẽlẽmĩ nẽẽg ĩnõõnnõ. Nĩngĩtĩ aduhaakĩ Nyekuci Abũrahaamõ nyeemuut ꞌcĩ abũnnaa annẽẽkĩ, “Haggatani hatĩ naa eet loonyini vẽlẽk, hĩnĩngĩtĩ nganiita.”

Eevvetho 1:9

Nẽẽthĩ ꞌyioko, eteretheeheet Nyekuci ngagĩĩt hagaac muhẽẽnĩt cĩ thooꞌthiok cĩgĩnnĩg ꞌcĩg ĩllõõan ꞌgẽẽnyĩth cĩ eetu, hĩnĩngĩtĩ Krĩstõ, muhẽẽnĩt ꞌcĩ attũbanẽẽkĩ nẽẽ thõõth cĩnnĩ ꞌcĩ abũnnaa.

Eevvetho 2:20

hõdẽĩ, hĩthakthoothĩk naag ꞌcieeth cĩnnĩ ꞌcĩ ẽhẽnytĩ nẽ aauto ꞌthooyyiaha hĩ põrõvẽtaaꞌnya hĩ õkõlakꞌnya nẽ aau Yeesu Krĩstõ hĩ miirihi.

Kolooꞌthe 1:26

Ĩĩn thõõth ciee thõõth ꞌcĩ ĩllõõan ꞌgẽẽnyĩth cĩ eetu, baa hõllõngaa agayyi irkiꞌnyia ꞌcĩg mẽẽlĩg, nẽẽthĩ ꞌyioko, ikia uppulanniaak eet cĩg Nyekuci.

1 Timotteeo 1:17

Aꞌnyĩĩk eet hĩdĩhĩthĩt nẽ ubuluthit Nyekuc cĩnaac irkiꞌnyia hĩ irkiꞌnyia. Ĩĩn nẽẽ habu ꞌcĩ aalla ũdũt, ꞌcĩ hõllõngaa edeeꞌnyia nẽ hõllõngaa adaahĩ. Ĩĩn nẽẽ dioo Nyekuc. Aamẽn.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

2 Timotteeo 1:10

Nẽẽthĩ ꞌyioko, ikia eteretheeheet ngagĩĩt Ellioohiti cĩnaac Yeesu Krĩstõ tarbalꞌthẽẽt cĩ Nyekuci. Ĩllõõan nẽẽ daahĩth nẽ eteretheeheet lanyit cĩ rũgẽt ꞌcĩ aalla ooo jurrung, nyeemuutaa ꞌcĩ abũnnaa.

Ebereei 13:8

Aitiõõ Yeesu Krĩstõ hõllõngaa ẽgẽẽranni. Aaĩ nẽẽ baalõ hĩ kõr nicci nẽ aalla ooo.

Ebereei 9:14

Ummuhit dako nõõ ꞌgõõl ꞌcĩ ũũnyĩ biyyieeta cĩg Krĩstõ muhẽẽnĩt cĩ ꞌthinneeti cĩggaac, hĩnĩngĩtĩ ꞌthẽccanẽẽt ꞌcĩg hadĩman naag, hátĩ halaac Nyekuc ꞌcĩ arũgĩ ũdũt. ꞌTirrianaa cĩ Lori ꞌcĩ aalla ũdũt, ikia ẽlẽmana Yeesu ẽlẽ cĩnnĩ hĩ ꞌgaarrieenit ꞌcĩ ẽllẽẽmĩth, hĩnĩngĩtĩ ꞌthẽccanẽẽt cĩggaac.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.

Terethiinit 1:17

Ma baa hadtuuha ĩnõõnnõ ho, hẽttẽẽda looc ꞌthõõnĩĩ cĩgĩnnĩg haau hĩ ẽẽtĩ ꞌcĩ hadaaha ẽlẽk. Nĩngĩtĩ ataadĩka aꞌthiit cĩnnĩ cobbi nẽ ĩnnĩhaa, “Ma hiꞌngolli! Nganĩĩt ꞌcĩ hiꞌthianẽẽkĩ hẽlẽggĩ vẽlẽk nẽ nganĩĩt ꞌcĩ hadtuurna.

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”