ꞌRooma 16:25 - ꞌBuuk cĩ Thõõth cĩ Nyekuci

²⁵ Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.

ꞌRooma 16:25 ပူးပေါင်းရင်းမြစ်များ

Maatteeo 13:17

Haduhaakuung thõõth dĩdĩ, baa mẽẽlĩg põrõvẽtaaꞌnya hĩ eet ꞌcĩg abũnnaa ꞌcĩg baag adiim acĩn thooꞌthiok ꞌcĩg acinnu niig ko nẽ nga hĩcĩnĩt nẽ adiim thõõth ꞌcĩ athiknu niig ko nẽ hõllõngaa athĩhĩ buúk.”

Maatteeo 13:35

Nẽ baa ikia edeeꞌnyia thõõth baa aduha Nyekuci ĩĩ dĩdĩ, hĩ baa aduha põrõvẽtaacĩ aĩ, “Hadticaniini hatĩ naa dtẽẽllẽn ꞌcĩg awantoothĩhĩ huduhaahĩ eet nyeemuut caannĩ, hátĩ heteretheek thooꞌthiok ꞌcĩg aguꞌthi nganĩngĩtĩ ẽhẽnytaanĩ Nyekuci looc.”

Maatteeo 20:7

“Ẽdẽcĩ eeta tĩko ĩnõõnnõ anneek, ‘Hĩnĩngĩtĩ aitiõõ ẽẽtĩ ꞌcĩ alũtteet nẽ aaꞌnyeet dtiic tõõ.’ “Ẽdẽcĩ nẽẽ ĩhõõggõ anneek, ‘Õõt idticattõ niig buúk manaa caannĩ ĩcĩ viinoo.’

Dtiicanĩ cĩg ꞌThooyyiahu 20:32

“Nẽẽthĩ ꞌyioko, haaꞌnyuung naa ngagiit hebehuung Nyekuci. Ummuhuttooth nyeemuut cĩ Nyekuci ꞌcĩ maka ngaatĩ ĩĩnnĩ nẽẽ tarbal. Occa eelluung ngagiit nyeemuut ciee nẽ aaꞌnyuung ngagiit ꞌgii cunuung hĩ eeta cĩg Nyekuci.

Dtiicanĩ cĩg ꞌThooyyiahu 9:20

Ma hĩdĩĩkoothong, iꞌthianaaĩ nẽẽ irrioon thõõth ꞌcĩ ĩĩnnĩ Yeesu Ngeertĩ Nyekuci ꞌCieethinii cĩg Laiittak.

ꞌRooma 11:25

ꞌGotoonoga hĩ ngoonoga, hõllõngaa hadiimmuung naa ngagiit eet ꞌcĩg hõllõngaa iiginnu eet cĩg ꞌJudeei ho, irriattĩ eleeti cugguung. Hẽdtẽbanaakuung hatĩ naa thõõth ꞌcĩ ammiꞌthi baa eet cĩg Ĩꞌthĩraẽlĩ. Baa iita ĩĩtõ ũgẽẽgĩ ꞌloorriak nẽ aalla hatĩ nẽẽg noho ĩꞌthõng hũllũngattaa eeta ꞌcĩg hõllõngaa ĩĩn ꞌJudeei.

ꞌRooma 14:4

Nganiit nganĩ ꞌcĩ occa etteedihi dticciannioohit cĩ eet umwa thõõth ko? Makayyioohit cĩnnĩ dioo ꞌcĩ aduha, hatĩ adĩman nẽẽ thõõth ꞌcĩ aũlanĩ nẽ Makayyioohit hatĩ dioo ꞌcĩ aaꞌnyĩk ĩnõõnnõ hĩdĩman thõõth ꞌcĩ aũlanĩ.

ꞌRooma 16:24

Aꞌnyĩĩk bũnnai cĩ Makayyioohit cĩnaac Yeesu Krĩstõ, haau hĩ ngagiit vẽlẽk. Aamẽn.

ꞌRooma 2:16

Edeeꞌnyia hatĩ thõõth ciee kõr ꞌcĩ hatĩ aaꞌnyĩkĩ Nyekuci Yeesu Krĩstõ hẽttẽẽd thooꞌthiok ꞌcĩg adĩman eeta burkiitina, hĩcĩ aduha nyeemuut caannĩ ꞌcĩ abũnnaa ho.

1 Korinthia 1:23

nẽẽthĩ, hallimaneeka naag eet thõõth ꞌcĩ odooddini Krĩstõ hurucceea. Õkõmĩ hĩ eet cĩg ꞌJudeei thõõth cieeni nẽ ummuhit eeta ꞌcĩg mẽẽlĩg ꞌcĩg hõllõngaa ĩĩn ꞌJudeei ĩĩtõ, ĩĩn thõõth ciee ꞌgiithẽnĩt.

1 Korinthia 2:7

Aitiõõ tõõ, hõthõõꞌtha naag ꞌgẽẽnyĩth cĩ Nyekuci ꞌcĩ ĩllõõan ꞌgẽẽnyĩth cĩ eetu, baa ẽbẽra Nyekuci hidticanõõĩ hĩĩ bulẽẽnĩt cĩnaac, baa nga heteheꞌnyiaa hẽẽtkujjieen hĩ looc.

1 Korinthia 4:1

Nẽẽthĩ, ĩcĩttaangu nganĩĩt hĩ Appoolo hĩ dticcianniooha cĩg Krĩstõ, ꞌcĩg baag aaꞌnyĩhoothĩkeet dtiici ꞌcĩ hẽddẽẽbaka eet thooꞌthiok ꞌcĩg Nyekuci ꞌcĩg ĩllõõan ꞌgẽẽnyĩth cĩ eetu.

2 Korinthia 4:3

Nẽ má aguꞌthi nyeemuut cĩnaang ꞌcĩ abũnnaa ho, aguꞌthi hĩ eet ꞌcĩg arahanit diooni.

2 Korinthia 4:5

Hõllõngaa hirrioonna naag thõõth cĩ eleeti cĩggaang, aĩ nyeemuut cĩnaang nẽẽ, ĩĩn Yeesu Krĩstõ Makayyioohit. Ĩꞌthõõanneet nẽẽ ngagĩĩt hiita hĩĩtta appahacaaꞌnya cugguung, hĩnĩngĩtĩ ĩnõõnnõ.

ꞌGalaaꞌthia 2:2

Baa hõkõ naa ĩĩca, hĩnĩngĩtĩ baa uppulanaaha Nyekuci heeroni niccia hũũhõ. Ma baa hõdõlana ꞌJeruꞌthalẽm, hõõt hutuhatta thõõth hĩ makayyiook ꞌcĩg obbitig ꞌcĩg baag ĩĩn ꞌJudeei nĩngaata, nyeemuut ꞌcĩ abũnnaa cĩ Yeesu, tuhan umwa ꞌcĩ baa haꞌnyaka ngadiiha. Nĩngĩtĩ hẽdtẽbanaanĩ thõõth cĩ Yeesu ꞌcĩ hallimaneehi eet ꞌcĩg hõllõngaa ĩĩn ꞌJudeei ho. Baa hõkõ haduhaahi ĩhõõggõ, hĩnĩngĩtĩ baa hõllõngaa hadiimi naa ꞌlimman icci hõꞌthõdanoothĩk haaga.

Eevvetho 1:9

Nẽẽthĩ ꞌyioko, eteretheeheet Nyekuci ngagĩĩt hagaac muhẽẽnĩt cĩ thooꞌthiok cĩgĩnnĩg ꞌcĩg ĩllõõan ꞌgẽẽnyĩth cĩ eetu, hĩnĩngĩtĩ Krĩstõ, muhẽẽnĩt ꞌcĩ attũbanẽẽkĩ nẽẽ thõõth cĩnnĩ ꞌcĩ abũnnaa.

Eevvetho 3:11

Baa muhẽẽnĩt cĩ Nyekuci ciee baa nga hẽtẽhẽnya nẽẽ looc. Nẽ baa ũũlũ Nyekuci ngaatĩ ẽdẽcaakĩ dtiic baa ammuk nẽẽ, hĩnĩngĩtĩ hẽlẽggĩ vẽlẽk baag adĩman Yeesu Krĩstõ Makayyioohiti cĩnaac.

Eevvetho 3:9

Baa heberria naa, hátĩ hẽddẽẽbak eet vẽlẽk thooꞌthiok ꞌcĩg ĩllõõan ꞌgẽẽnyĩth cĩ eetu, baag agunyuth Nyekuci Teheꞌnyioohiti cĩ hẽlẽggĩ vẽlẽk, ngaanĩngĩtĩ ꞌthianaattõ.

Eevvetho 6:19

Alayyiooyyiaangu nganĩĩt buúk, hátĩ haaꞌnya Nyekuci nyeemuut ꞌcĩ hothoothi nẽ hillimmana thõõth cĩ nyeemuut ꞌcĩ abũnnaa baa ammiꞌthi ꞌthĩnĩtaa ꞌcĩ õkõmĩ,

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

Kolooꞌthe 4:3

Alayyiooyyieetu ngagĩĩt buúk, hátĩ hubbuuhiheet Nyekuci ngagĩĩt ꞌgõõl, hátĩ hõõt huduktaaha eet thõõth cĩ Krĩstõ ꞌcĩ ĩllõõan ꞌgẽẽnyĩth cĩ eetu, ꞌcĩ ꞌyioko hecebiini naa baabuutha ho.

1 Tẽꞌthaloonika 3:13

Halayyi naa haini, aꞌnyĩĩk ꞌthinneeti cugguung hokomit, hátĩ hĩĩtõ tẽllĩg muumaa cĩ Nyekuc Baangeet cĩnaac, kõr ꞌcĩ hatĩ akuuni Makayyioohiti cĩnaac Yeesu Krĩstõ, hĩ eet cĩgĩnnĩg vẽlẽk ꞌcĩg ẽllẽẽmĩthĩ.

2 Tẽꞌthaloonika 2:14

Avvaannuung nẽẽ ngagiit nyeemuutaa ꞌcĩ abũnnaa ĩcĩnaang, hátĩ otholit bulẽẽnĩt cĩ Makayyioohit cĩnaac Yeesu Krĩstõ.

2 Tẽꞌthaloonika 3:3

Nẽẽthĩ, aꞌthũũnnĩ Makayyioohiti thõõth, hátĩ haaꞌnyuung hokomit ꞌthinneeti nẽ uꞌthuuttuung ngagiit hiittiõõ hõllõngaa ommotoonnu hĩ bathi cĩ ꞌThĩttaanõ.

2 Timotteeo 1:9

Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.

2 Timotteeo 2:8

Muhunooth Yeesu Krĩstõ, baa arũgtha Nyekuci daahĩtha, baa arrittiaa nẽẽ hattũũgaa cĩ habu Daavide. Nyeemuut ꞌcĩ abũnnaa ꞌcĩ hallimani naa ho cieeni,

Tiito 1:2

ĩĩn ciee lemiinit hĩ ꞌgẽẽnyĩth ꞌcĩ aaĩ muhẽẽttaa ꞌcĩ abũnnaa ĩĩcĩ rũgẽt ꞌcĩ aalla ooo, baa aduha Nyekuci baangaani. Aitiõõ Nyekuci hõllõngaa õõlõngĩ.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

1 Pẽẽtũrũ 1:20

Baa ẽbẽra Nyekuci ĩnõõnnõ hĩĩ ellioohit cunuung, baa nga heteheꞌnyiaa lõõcĩ. Nẽẽthĩ ꞌyioko, ikia eteretheehuung Nyekuci ĩnõõnnõ ngagiit waathinnioohĩĩ ꞌcĩg adtuurna ho, hĩnĩngĩtĩ ngagiita.

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.

Terethiinit 10:7

Uduhaak Nyekuci eet baag ĩĩn põrõvẽtaaꞌnya cĩgĩnnĩg thooꞌthiok baag ammiꞌthi nga hagayyi, hatĩ ũttũbaneek aajĩlõ ꞌcĩ ĩĩn tũkĩramma ngaatĩ adtahĩ tũũrĩ cĩnnĩ.