ꞌRooma 16:2 - ꞌBuuk cĩ Thõõth cĩ Nyekuci

² Halayyuung naa ngagiit elemit ĩnõõnnõ ꞌthaarĩĩ cĩg Makayyiooktak, ꞌgõõlaa ꞌcĩ abũnnaa ĩcĩ lemmioohu nẽ aanytĩk eliinit vẽlẽk ꞌcĩ horoong adiim nẽẽ hĩ ngagiita, hĩnĩngĩtĩ gõõng ẽẽl nẽẽ eet ꞌcĩg mẽẽlĩg gẽrrẽẽt hĩ nganĩĩt buúk.

ꞌRooma 16:2 ပူးပေါင်းရင်းမြစ်များ

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

Dtiicanĩ cĩg ꞌThooyyiahu 9:13

Ẽdẽcĩ hinnia Anania Yeesu anneek, “Makayyioohit, ẽddẽẽbtahaa eeta ꞌcĩg mẽẽlĩg gẽrrẽẽt thooꞌthiok ꞌcĩg abathĩ ꞌcĩg aruhi ẽẽtĩ ciee nuyyiook cugunnig ꞌJeruꞌthalẽma.

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

Dtiicanĩ cĩg ꞌThooyyiahu 9:36

ꞌTaaũnaa cĩ ꞌJõõppa, baa aaĩ nuyyioohiti umwaa ꞌcĩ ngayyi ꞌcĩ haĩ ꞌthaar Tabitha. Baa haĩ ꞌthaar ũgĩ cĩgĩnnĩg ꞌGiriheeyyi ꞌDõõrka, nĩngĩtĩ aĩ mẽggẽẽr. Baa adĩman nẽẽ thõõth ꞌcĩ abũnnaa ngaatĩ ẽẽlĩ hullaha.

Dtiicanĩ cĩg ꞌThooyyiahu 9:39

Nĩngĩtĩ õõkõrĩ Pẽẽtũrũ hĩ ĩhõõggõ, ma baa õdõlan ko, iita ootti eeta ĩnõõnnõ ꞌcieetha lokora. Baa abĩlĩ ngaatĩbõyyĩꞌnya nĩngaata alu nẽ etereꞌthieek ĩnõõnnõ koouꞌnya hĩ ceremwa ũgĩ ꞌcĩg baag alũũlla ꞌDõõrka baa nga arũgĩ.

Dtiicanĩ cĩg ꞌThooyyiahu 9:41

Aggam Pẽẽtũrũ ĩnõõnnõ aꞌthiit hĩtĩnga ꞌjieena. Ma nĩngaata, ũtũvva Pẽẽtũrũ lemmiook hĩ ngaatĩbõyyĩꞌnya nẽ eteretheek ĩhõõggõ ngaatĩ ũrũgaaĩ ꞌDõõrka.

ꞌRooma 15:7

Nẽẽthĩ, elemit ꞌgoonogu ꞌcĩg ĩĩn lemmiook hõrggẽẽnaa cunuung haau hĩ baa elemmuung Krĩstõ ngagiita, hátĩ aꞌnyaktaak Nyekuc bulẽẽnĩt.

ꞌRooma 16:15

Ĩꞌthaac Vilologo, hĩ Jullia hĩ Nereo hĩ ngõõnĩ, hĩ Olimpath hĩ lemmiook vẽlẽk ꞌcĩg arũmĩ hĩ ĩhõõggõ.

ꞌRooma 16:23

Ĩꞌthaayyuung ꞌGaio ẽẽtĩ ꞌcĩ callĩ ꞌthĩnĩt ꞌcĩ aꞌthũũnna nganĩĩt hĩ lothippit cĩ lemmioohu vẽlẽk ngaati ngagiita. Nẽ ĩꞌthaayyuung Erathto ꞌcĩ itiangĩth ꞌrabbẽẽt cĩg ꞌtaaũnaak hĩ ꞌgotooneet Kwaarto buúk ngagiita.

ꞌRooma 16:6

Ĩꞌthaac Maria baa adticanni gẽrrẽẽt, hĩnĩngĩtĩ ngagiita.

ꞌRooma 16:9

Ĩꞌthaac Urbaanõ ꞌgooneet baa gõõng hadticanni hõdẽĩ, hĩnĩngĩtĩ Krĩstõ nẽ ĩꞌthaayyu Thaakith buúk ꞌgõõna cĩ ꞌthĩnĩtõ.

Eevvetho 5:3

Ma haaꞌnyiku thooꞌthiok ꞌcĩg ĩĩn ꞌriiring hẽdẽẽnyta hõrggẽẽnaa cunuung hode ainnu ngaam ngaam, hĩnĩngĩtĩ ĩĩn cieeg thooꞌthiok ꞌcĩg abathĩ ꞌcĩg occa hõllõngaa adĩman eeta ꞌcĩg ẽllẽẽmĩth cĩg Nyekuci.

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Pilippi 2:29

Iita ũrũmtĩ hĩ ĩnõõnnõ hõrggẽẽnaa cunuung lõꞌngõõc hĩ lemmioohiti cĩ Makayyiookto nẽ itingollieeu eet ꞌcĩ aaĩ hĩ nẽẽnĩ,

Kolooꞌthe 4:10

Ĩꞌthaayyuung ꞌgõõna Arithtarko ꞌcĩ harũmeenna baabuutha hõdẽĩ ngagiita, ĩꞌthaayyuung Maarko midinni Baarnaba buúk. Baa ithiktu niig nyeemuut ꞌcĩ akuuni Maarko hĩ ngagiit ẽlẽk, ma õdõlanuunga, ũrũmtĩ hĩ ĩnõõnnõ lõꞌngõõc.

1 Timotteeo 2:10

Nẽ ngaaĩ ꞌcĩg aĩ halayya nẽ hĩmmĩnatta Nyekuc, aꞌnyĩĩk hĩdĩmatteek ꞌgõõnõgĩ thooꞌthiok ꞌcĩg abũnnaa.

2 Timotteeo 1:18

Aꞌnyĩĩk Makayyioohit Yeesu Krĩstõ hatamaatĩk ĩnõõnnõ, kõr ꞌcĩ hatĩ ẽttẽẽdĩ nẽẽ thooꞌthiok cĩg lootu. Aga nii buúk gẽrrẽẽt, ngaatĩ baa ẽẽlla nẽẽ nganĩĩt ꞌgoolliohĩĩ ꞌcĩg mẽẽlĩg, baa haaĩ ꞌtaaũnaa cĩ Eevvetho.

Tiito 2:3

Nẽ ꞌgõõlaa nĩĩcĩ dioo, ꞌlimman morwak buúk, haauto ꞌgõõlaa ꞌcĩ accamana Nyekuci. Aꞌnyĩĩk hiittiõõ hõllõngaa addangaak eet umwa haaga nẽ ma hahuddu mẽrtĩ gẽrrẽẽt. Aꞌnyĩĩk hillimanit thõõth ꞌcĩ abũnnaa cĩ Nyekuci.

Vilõmẽẽnõ 1:12

Hĩꞌthõõakii naa nganiit Onethimo ꞌgõõna cĩ ꞌthĩnĩtõ, hõbõda hikia hĩ nganiita.

Vilõmẽẽnõ 1:17

Má acĩnnaa nii nganĩĩt hĩ ꞌgoonu, hĩnĩngĩtĩ Krĩstõ, aꞌnyĩĩk Onethimo hikia haau hĩ nganiit, hĩcĩ occa baa hau harũmĩ naag hĩ nganiita.

2 Yõaannẽ 1:10

Má uppwannakuung eet umwaa lothippitaa cunuung nẽ hõllõngaa allimman thõõth ꞌcĩ ĩĩn dĩdĩ cĩ Krĩstõ, ma haaꞌnyĩku eet tĩho huduhuna halaꞌngiõõhĩĩ cugguung, hode ma hakũtannu thõng.