ꞌRooma 16:17 - ꞌBuuk cĩ Thõõth cĩ Nyekuci

¹⁷ Halayyuung naa ngagiit ꞌgotoonoga hĩ ngoonoga, uꞌthuutti eleeti eetinii ꞌcĩg ĩkõõtha ngẽrõõnĩt hõrggẽẽnaa cunuung nẽ õhõrrattuung ngagiit ꞌgõõlaa ꞌcĩ hõllõngaa õõkõrõõ hĩ ꞌlimman baa allimannu niiga. Ĩĩtõ ꞌrẽẽttĩg hĩ ĩhõõggõ.

ꞌRooma 16:17 ပူးပေါင်းရင်းမြစ်များ

Maatteeo 18:17

Má abũrĩ nẽẽ ngaatĩ athĩknĩ ĩhõõggõ, uduktaak thõõth tĩho lothippit cĩ lemmioohu. Má abũrĩ nẽẽ ngaatĩ athĩknĩ lothippit cĩ lemmioohu buúk, aanytĩk haau hĩ eet ꞌcĩ hõllõngaa aga Nyekuc hode hĩ eet ꞌcĩ alũt occoro.

Maatteeo 18:7

Pĩĩrnanĩt hĩ eet cĩg looc nicci, hĩnĩngĩtĩ hẽlẽggĩ ꞌcĩg aaꞌnyĩk eet hẽꞌthẽcattõõ! Au ꞌthẽk hatĩ ꞌthẽccanẽẽta tĩko, nẽẽthĩ, etteedothoothĩk hatĩ pĩĩrnanĩtĩ ꞌcĩ abathĩ gẽrrẽẽt eet ꞌcĩ auuni thooꞌthioha tĩko!

Maatteeo 7:15

“Ĩcĩnĩt põrõvẽtaaꞌnya ꞌcĩg ĩĩn oloꞌngiaak jurrung! Hĩnĩngĩtĩ au nẽẽg hĩ ngagiit tarbalĩg haauto hĩ aꞌtha, nẽ ĩko ꞌthinneetinitõõ cĩggĩĩng, aattĩg hĩ huduumwaana ꞌcĩg au arukuung thõng.

ꞌLuuka 17:1

Baa aduhaak Yeesu nuyyiook cĩgĩnnĩg anneek, “Aattĩg ꞌthẽk hatĩ gõõng hẽlẽggĩ ꞌcĩg aaꞌnyĩk eet hĩdĩmanit ꞌthẽccan. Nẽẽthĩ, uuki hatĩ ẽẽtĩ ꞌcĩ allabeek ꞌgõõnõgĩ hẽꞌthẽcattõõ.

Dtiicanĩ cĩg ꞌThooyyiahu 15:24

Baa hĩthĩkta naag ꞌJeruꞌthalẽma ngaati aĩ, baa au eeta ũgẽẽgĩ eetinii cĩggaang, hiita huduktaahuung ngagiit thõõth ꞌcĩ abathĩ gẽrrẽẽt ꞌcĩ aliiliyyu. Nẽẽthĩ baa hõllõngaa hĩꞌthõõanna naag ĩhõõggõ.

1 Korinthia 11:18

Ĩĩcĩ oou, hathihi naa aĩ, ma au ommotoonnu niig ngaatĩ hõdẽẽthõng hĩ lothippit cĩ lemmioohu, aku aaĩ ngẽrõõnĩtĩ hõrggẽẽnaa cunuung nẽ ꞌgõõlaa umwaanĩ, haga naa ĩĩn dĩdĩ.

1 Korinthia 3:3

Nga ĩĩgĩnnu niig eet cĩg looc nicci, hĩnĩngĩtĩ nga iinanoonnu niig nẽ eggerenytoou hõrggẽẽnaa cunuung, aitiõõ ꞌyioko niig hõllõngaa aattiyyu hĩ eeta cĩg looc nicci? Aitiõõ ꞌyioko niig hõllõngaa adticaniinnu hĩ eeta ꞌcĩg hollig ooti haaga?

ꞌGalaaꞌthia 2:4

Baa hooyyia naag ꞌJeruꞌthalẽma, hĩnĩngĩtĩ eet ꞌcĩg õõlõng aĩ, hĩĩgĩnna lemmiook nẽ ĩnĩktaaheet hĩ hoppoccwaana ꞌcĩg au orootteet aĩ, haggamtaeetu thõõth ꞌcĩ haattiyyia lõꞌngõõc thõõthaa cĩ Yeesu Krĩstõ, adiim aarreet hĩĩtta appahacaaꞌnya cĩggĩĩng.

Pilippi 3:17

ꞌGotoonoga hĩ ngoonoga, hadiimmuung naa ngagiit aaut hĩ naana nẽ ĩcĩtta thõõth hĩ eet baag anũ terethiinit cĩnaang.

Kolooꞌthe 2:8

Ma haaꞌnyiku eet umwa higgooluung thooꞌthiohĩĩ ꞌcĩg hõllõngaa ĩĩn dĩdĩ. Aattĩg thooꞌthioha cĩggĩĩng ko hĩcĩ ĩĩn dĩdĩ, nẽẽthĩ, hõllõngaa occa ẽẽl eet umwa, ĩĩn nyepitee cĩnĩĩng ko ꞌcĩ aku hĩ eet ꞌcĩ holli õõ haaga. Aku nyepitee cĩnĩĩng ko ꞌgẽẽnyĩthaa cĩ looc nicci, hõllõngaa aku hĩ Krĩstõ.

2 Tẽꞌthaloonika 3:6

Nẽ ꞌyioko niig ꞌgotoonoga hĩ ngoonoga, haduhaakuung dĩdĩ ꞌthaarĩĩ cĩg Makayyioohit cĩnaac Yeesu Krĩstõ hanneekuung, ma hookorru hĩ lemmiook ꞌcĩg ĩĩn nyamuttiook, ꞌcĩg abũrĩ ꞌlimman baa hallimaneekuung naag ngagiita.

1 Timotteeo 1:3

Ma baa hũũha naa ĩĩcĩ Maccedoonia, baa haduhaakii nganiit hanneekii au nõõ ꞌtaaũnaa cĩ Eevvetho, hátĩ bĩlĩ eet ꞌcĩg allimaneek eet thõõth ꞌcĩ hõllõngaa ĩĩn dĩdĩ.

2 Timotteeo 3:5

Tananga õõlõng aĩ hĩĩgĩnna eet cĩg Nyekuci, aitiõõ hatĩ thõõth cĩnĩĩng ko, hõllõngaa ĩĩn dĩdĩ, ma hookorru hĩ eet ꞌcĩg aattĩg noho.

Tiito 3:10

ꞌRioonĩk eet ꞌcĩg attiha jore tabattĩ ꞌramma, ma urutaa cĩnnĩ, ma nga hedecoothihi tarĩ.

1 Yõaannẽ 2:19

Baa ũtũngteek eeta cieeg lothippit cĩnaac, nẽẽthĩ hinnia, baa hõllõngaa ĩĩn nẽẽg eet cĩg lothippit cĩnaac dĩdĩ. Má baa hĩĩtõ nẽẽg eet cĩg lothippit cĩnaac, occa baa aalla nẽẽg lothippitaa cĩnaac. Nẽ hinnianĩ, baa ũtũngteeheet nẽẽg ngagĩĩta, ĩnõõ ꞌcĩ hau hagaĩ naag haĩnnĩ, hõllõngaa ĩĩn nẽẽg eet cĩg lothippit cĩnaac ko.

ꞌJuud 1:19

Nẽ ꞌyioko, ĩĩn eeta cieeg eet ꞌcĩg arumuꞌthuung ngagiit urukto nyaagwaana. Ammuk nẽẽg thooꞌthiok cĩg looc nicci dioo nẽ aitiõõ Lorii cĩ Nyekuci hĩ ĩhõõggõ tõõ.