ꞌRooma 16:10 - ꞌBuuk cĩ Thõõth cĩ Nyekuci

¹⁰ Ĩꞌthaac Appeele, baa ĩttĩmanĩ nẽ ummuddia ngaatĩ ĩĩnnĩ lemmioohit ꞌcĩ õkõmĩ lemiittaa nẽ ẽlẽm Krĩstõ ĩnõõnnõ. Ĩꞌthaac eet cĩg halang cĩ Arithtobulo.

ꞌRooma 16:10 ပူးပေါင်းရင်းမြစ်များ

ꞌRooma 14:18

Má adticanoothiku niig Krĩstõ ꞌgõõlaa cĩ, aaꞌnyiku hatĩ Nyekuc haccamanoothĩk nẽ itingollieeuung eeta.

ꞌRooma 16:3

Ĩꞌthaac Piriciilla hĩ Akwila, gõõng hadticaniinna hõdẽĩ dtiicaa cĩ Yeesu Krĩstõ.

ꞌRooma 16:7

Ĩꞌthaac Androniko hĩ Junia, ittioonniok cĩgannĩg baag hababuuthaniinna hõdẽĩ. Ĩĩn nẽẽg eet ꞌcĩg obbitig ꞌthooyyiahĩ nẽ baa itimanit ngaatĩ ẽlẽmmĩ Krĩstõ õõa caannĩ.

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

1 Korinthia 11:19

Nẽ dĩdĩ, occa ꞌthẽk aaĩ ngẽrõõnĩtĩ hõrggẽẽnaa cunuung, hátĩ hedeeꞌnyia nganĩ hõrggẽẽnaa cunuung ꞌcĩ ẽlẽmĩ Nyekuci.

2 Korinthia 12:2

Haga naa nuyyioohit umwa cĩ Krĩstõ baa õdõng honoothi ĩnõõnnõ nẽ ũũhĩ õlõõ cĩ Nyekuci hẽẽtkujjieen, irkiꞌnyiaannĩĩ baag allacattĩ ĩĩn õmmõtõ hĩ ꞌwec. Aitiõõ naa hõllõngaa haga ngaatĩ baa õkõõĩ nuyyioohiti tĩho ẽlla noho hode aitiõõ, Nyekuc dioo ꞌcĩ aga.

2 Korinthia 2:9

Thõõth baa hẽhẽẽdakuung naa ngagiit waraga haini, hátĩ hũmmũda nẽ hagawa dĩdĩ, hatĩ ma anuyyu niig thooꞌthiok vẽlẽk ꞌcĩg haduha naana.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

2 Korinthia 8:22

Nẽ thõõth umwa cieeni, hĩꞌthõõanna naag ꞌgotooneet cĩnaang umwa hĩ Tiito, hĩ nuyyioohit cĩ Makayyiookto. Hĩttĩmatta naag ꞌgotooneet icci tabattĩ mẽẽlĩg nẽ hummuddiaawa ĩĩn nẽẽ eet ꞌcĩ aꞌnyak authet ꞌcĩ occa eelluung ngagiita nẽ ꞌyioko, adiim nẽẽ eelluung ngagiit hĩllõõan, hĩnĩngĩtĩ aarihuung nẽẽ ngagiit ꞌthĩnĩta dĩdĩ.

ꞌGalaaꞌthia 1:22

Nẽ korrioohĩ nĩĩcag buúk, baa nga hagayyia lothippiꞌnya ꞌcĩg lemmiook cĩg Yeesu Krĩstõ cĩg looc cĩ ꞌJudeea ho nganĩĩta.

Pilippi 2:22

Nẽẽthĩ, agayyu niig ĩĩn Timotteeo eet ꞌcĩ aaĩ hutuno. Hidticattooa naag hĩ ĩnõõnnõ hĩ loholeec caannẽẽnĩ, ngaatĩ hĩꞌthaanĩka nyeemuut ꞌcĩ abũnnaa eet.

1 Timotteeo 3:10

Abũnnaa attĩmanni nõõ nẽẽg õõa ꞌcĩ nga hidticattõõĩ nẽ má aitiõõ thõõth ꞌcĩ abathĩ ꞌcĩ ammuddiaa hĩ ĩhõõggõ tõõ, nẽẽthĩ hatĩ aaꞌnyĩhoothĩk dtiici hidticattõõ.

2 Timotteeo 4:19

ꞌThaaĩhaa Piriciilla hĩ Akwila hĩ eet vẽlẽk cĩg halang cĩ Onethivoro.

1 Pẽẽtũrũ 1:7

Ẽtẽrꞌtha hatĩ ꞌtĩmmanĩ ciee ngaatĩ ĩĩnnĩ lemiiniti cunuung dĩdĩ. Attĩmanni hatĩ lemiiniti cunuung hĩ ꞌdaabĩ ꞌcĩ attĩmanni ꞌgwoyyia, tananga tiir lemiiniti cunuung gẽrrẽẽt hĩllõõan ꞌdaab ꞌcĩ occa aduhoothĩk haaga. Nẽẽthĩ, má aalla õkõmmĩ lemiiniti cunuung hatĩ attĩmanni ꞌtĩmmaanaa ꞌcĩ maka, occa hatĩ aꞌnyahaakuung ngagiit dĩhĩthẽẽnĩt hĩ bulẽẽnĩt ꞌcĩ maka kõr ꞌcĩ akuuni Yeesu Krĩstõ.