Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꞌRooma 15:8 - ꞌBuuk cĩ Thõõth cĩ Nyekuci

8 Haduhaakuung hanneekuung, ikia ĩĩ Krĩstõ dticciannioohit cĩ ꞌJudeei, hátĩ hẽtẽrẽtha hĩĩ, ĩĩn Nyekuci dĩdĩ thooꞌthiohĩĩ baag aduhaak maajihi cĩggĩĩng baag abuli.

အခန်းကိုကြည့်ပါ။ ကော်ပီ




ꞌRooma 15:8
29 ပူးပေါင်းရင်းမြစ်များ  

Ẽdẽcĩ Yeesu aĩ, “Baa hĩꞌthooyyiahi naa eet cĩg Ĩꞌthĩraẽlĩ diooni! Hĩnĩngĩtĩ baa aauto nẽẽg hĩ aꞌtha ꞌcĩg iꞌngittõõthĩ.”


haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”


Baa aku nẽẽ looccaa cĩnnĩ nẽ hõllõngaa ẽlẽmĩ eeta cĩgĩnnĩg ĩnõõnnõ.


Haꞌnyahi naa aꞌtha ũgĩ ꞌcĩg nga aitiõõ logguuratõõ cĩ tõõ. Hadiimi hatĩ halũta ĩhõõggõ buúk hiita logguuratõõ cĩ. Athĩhĩ hatĩ nẽẽg molook caannĩ, ĩĩn hatĩ nyalõmaar hõdẽẽthõng nẽ ĩĩ tũhayyioohiti hõdẽẽthõng.


Nẽẽthĩ, baa ẽdẽcĩ Paaulo hĩ Baarnaba tõrõmẽẽꞌthĩta anneek, “Baa hadiimma naag hallimaneekuung ngagiit nyeemuut cĩ Nyekuci ĩĩcĩ oou, õõa ꞌcĩ nga hillimatteeha eet ũgĩ, aburru hinnia niig nyeemuut tĩho! Ĩko aburru rũgẽt ꞌcĩ aalla ooo. Nẽẽthĩ ꞌyioko, hoottia naag nyeemuut icci, hĩ eet ꞌcĩg hõllõngaa ĩĩn ꞌJudeei,


Nẽẽthĩ hoti ho, ummuhit tarbalꞌthẽẽt hĩ kõmĩĩth cĩ Nyekuci. Kõmĩĩth hĩ eet ꞌcĩg etteedito looc, nẽẽthĩ tarbalꞌthẽẽt hĩ ngagiita, hatĩ aallannu niig tarbalꞌthẽẽtaa cĩnnĩ. Má aitiõõ, occa hinnia hatĩ eꞌngeddoothiku niig buúk tuu.


Baa gõõng aburru niig eeta ꞌcĩg hõllõngaa iiginnu ꞌJudeei Nyekuc nẽ ꞌyioko, atamaatihuung nẽẽ ngagiit hĩnĩngĩtĩ ũtũbũrĩt eeta cĩg Ĩꞌthĩraẽlĩ ĩnõõnnõ,


hátĩ hĩĩ dticciannioohit cĩ Yeesu Krĩstõ ꞌcĩ hadticanoothihi eet ꞌcĩg hõllõngaa ĩĩn ꞌJudeei, ꞌcĩ haꞌnyahi dtiic ꞌcĩ hallimanĩĩ nyeemuut ꞌcĩ abũnnaa cĩ Nyekuci, hátĩ hĩĩtõ eeta ꞌcĩg hõllõngaa ĩĩn ꞌJudeei ꞌbaaninit ꞌcĩ ẽlẽmĩ Nyekuci, ꞌcĩ ũtũũny Lorii ꞌcĩ Ẽllẽẽmĩthĩ.


Baa adĩman Nyekuci hoti, hátĩ hẽtẽrẽtha bũnnai cĩnnĩ kõr nicci noho nẽ uduha ĩĩ, ĩmmĩrĩt ꞌthẽccanniooha, hĩnĩngĩtĩ baa athĩhĩ Yeesu Nyekuc.


Má hatĩ ma aitiõõ eeta ũgẽẽgĩ hõllõngaa aꞌnyak lemiinit, ĩcca occa aaꞌnyĩk thõõth ꞌcĩ aitiõõnnĩ ĩhõõggõ lemiiniti tõõ ho, hudhukia thõõth ꞌcĩ aduha Nyekuci ho haaga?


Nẽẽthĩ hoti ho, aku thõõth ꞌcĩ aduha Nyekuci, hĩnĩngĩtĩ lemiinit nẽ thõõth ꞌcĩ aduha nẽẽ ho, agayyi, hĩnĩngĩtĩ tarbalꞌthẽẽt cĩnnĩ cobbi. Hõllõngaa ĩĩn thõõth ꞌcĩ aduha Nyekuci ho, cĩ lõhõlĩ cĩg Abũrahamĩ dioo ꞌcĩg aꞌnyak nyattal. Ĩĩn cĩ lõhõlĩ cĩg lõhõlĩ cĩg Abũrahamĩ vẽlẽk, hĩnĩngĩtĩ aꞌnyak nẽẽg lemiinit hĩ baa nẽẽnĩ. Ĩĩn Abũrahamĩ baangeet cĩnaac vẽlẽk.


Thõõth ꞌcĩ haini naa ho cieeni, aĩ eet umwaa hõrggẽẽnaa cunuung nẽẽ, “Hanũ naa Paaulo,” nẽ ĩĩ umwaa, “Hanũ naa Appoolo,” nẽ tarĩ ĩĩ umwaa, “Hanũ naa ꞌCeeva,” nẽ tarĩ nga aĩ umwaa, “Hanũ naa Krĩstõ.”


Haini ꞌyioko naa ĩĩn ꞌgaarrieeniti ꞌcĩ ĩbboorothoothĩk ꞌgii ꞌcĩ aar eeta hĩĩ nyekuc ko ꞌgiimwa, hode haini ĩĩn ꞌgii ꞌcĩ aar eeta hĩĩ nyekuc ko ꞌgiimwa haaga?


Hõllõngaa hothoothi naa thõõth cĩ ẽlẽ cunni, hothoothi naa thõõth cĩ eet ꞌcĩ aduhaaki nganiit ko. Inni occa hatĩ hĩbĩlĩ muhẽẽnĩtĩ cĩ ꞌthĩnĩt cĩ eet umwa, thõõth ꞌcĩ hadiim hadĩmani naa hĩcĩ hatabi ho?


Hõlõ, hadiimmuung naa ngagiit agaac ĩĩtõ, õꞌngõlĩ hatĩ horumwa eleeti cĩggaac ꞌcĩg ĩĩn ẽlẽ hĩ biyyi ho haaga. Nẽẽthĩ, aĩ thõõth ciee nẽẽ, aitiõõ hatĩ eleeti cĩggaac hõllõngaa õthõl habuccieet cĩ Nyekuci ꞌcĩ aalla ũdũt ko.


Tananga hĩĩ mẽẽlĩg thooꞌthioha ꞌcĩg aduha Nyekuci ĩĩn nẽẽg vẽlẽk “Dĩdĩ” hĩ Krĩstõ. Nẽ hĩnĩngĩtĩ ĩnõõnnõ, hiita hĩĩtõ naag vẽlẽk, aꞌnyĩĩk haau noho bulẽẽttaa cĩ Nyekuci.


Baa nohota, baa erekuung ngagiit Krĩstõ. Baa iiginnu eet cĩg looc cĩrrĩĩng looccaa cĩ Ĩꞌthĩraẽlĩ nẽ hõllõngaa othollu lõhõt baa adak Nyekuci hĩ ĩhõõggõ. Baa aattiyyu niig loota nĩnga, baa aitiõõ Nyekuci hĩ ngagiit tõõ nẽ iittiõõ muhẽẽnĩtĩ ꞌcĩ abũnnaa buúk tõõ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ