ꞌRooma 15:31 - ꞌBuuk cĩ Thõõth cĩ Nyekuci

³¹ Alayyio, hátĩ heellia naa athĩnĩĩ cĩg eet ꞌcĩg hõllõngaa ĩĩn lemmiook, looccaa cĩ ꞌJudeea, hátĩ horoong hẽlẽmĩ dtiici caannĩ nĩĩca lemmioohĩĩ cĩg ꞌJeruꞌthalẽmĩ,

ꞌRooma 15:31 ပူးပေါင်းရင်းမြစ်များ

Dtiicanĩ cĩg ꞌThooyyiahu 22:24

ikia uduhaak ꞌgaalacĩ cobbi cĩ ũũrũta athegereeꞌnya hootti Paaulo õlõõ cĩ ũũrũta, hũũk huuki thõng. Baa adĩman nẽẽ thõõth icci, hátĩ hũmmũda eggerꞌnyeek eeta Paaulo hoti inni.

Dtiicanĩ cĩg ꞌThooyyiahu 25:2

Ma ĩĩca, iita makayyiooha cĩg paadĩrꞌnyaannu hĩ makayyiook ũgĩ cĩg eet cĩg ꞌJudeei, uduktaak ĩnõõnnõ thooꞌthiok ꞌcĩg au abĩllĩ nẽẽg Paaulo.

Dtiicanĩ cĩg ꞌThooyyiahu 25:24

Ma ho, irrioon Vẽẽthtõ ĩĩ, “Habu Agirippa hĩ eet vẽlẽk ꞌcĩg aattiyyu ngaati ho, acinnu eet icci! Eet ꞌcĩ adiim eeta cĩg ꞌJudeei vẽlẽk ꞌcĩg aattĩg ngaati hĩ ꞌJeruꞌthalẽma, huruhi thõng cieeni.”

Dtiicanĩ cĩg ꞌThooyyiahu 9:13

Ẽdẽcĩ hinnia Anania Yeesu anneek, “Makayyioohit, ẽddẽẽbtahaa eeta ꞌcĩg mẽẽlĩg gẽrrẽẽt thooꞌthiok ꞌcĩg abathĩ ꞌcĩg aruhi ẽẽtĩ ciee nuyyiook cugunnig ꞌJeruꞌthalẽma.

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

ꞌRooma 15:25

Nẽẽthĩ, nga hikia, adiim hõkõ nõõ ꞌJeruꞌthalẽma haꞌnyahoothĩk lemmiook ꞌbaaninit ĩĩca.

1 Korinthia 16:15

Agayyu niig baa atiman eeta cĩg halang cĩ Tẽẽvana, ngaatĩ au ĩĩnnĩ lemmiook ĩĩcĩ oou looccaa cĩ Acaia, nẽ ĩrrĩcatta ngaatĩ adticanõõthĩkĩ lemmiook. Haduhaakuung naa ngagiit ꞌgotoonoga hĩ ngoonoga,

2 Korinthia 1:10

Nẽ baa ẽlaaeet Nyekuci ngagĩĩt tẽẽlꞌthĩtaa cĩ daahĩthõõ nẽ haga naag nga hatĩ aalla eelleet nẽẽ ngagĩĩt noho.

2 Korinthia 8:4

Iita alayyieet lemmiooha ngagĩĩt aĩ, hátĩ hẽlẽmtaaha naag ĩhõõggõ haꞌnyahit taliinit, ngaatĩ attihaanĩ ꞌrabbẽẽt cĩggĩĩng nẽ eelli lemmiook cĩg Nyekuci ꞌJeruꞌthalẽma.

2 Korinthia 9:1

Hõllõngaa occa hẽhẽẽdakuung naa ngagiit waraga, hĩnĩngĩtĩ thõõth cĩ ꞌbaaninit cunuung ꞌcĩ aaꞌnyiku lemmiook ꞌcĩg aattĩg ꞌJeruꞌthalẽma ho.

2 Korinthia 9:13

Nẽ hĩnĩngĩtĩ ꞌbaaninit ꞌcĩ aaꞌnyiku niig lemmiook ko, adĩhĩth hatĩ nẽẽg Nyekuc. Hĩnĩngĩtĩ ꞌbaaniniti cunuung ꞌcĩ aaꞌnyĩku niig ĩhõõggõ hĩ lemmiook vẽlẽk ko, ẽtẽrꞌtha thõõth ꞌcĩ athiknu niig nyeemuut ꞌcĩ abũnnaa cĩ Krĩstõ.

1 Tẽꞌthaloonika 2:15

ꞌJudeei tĩko baag aruk Makayyioohit Yeesu hĩ põrõvẽtaaꞌnya nẽ itiggiayyieeheet ngagĩĩt buúk mõrõ. Aitiõõ thooꞌthioha cĩggĩĩng ko, hõllõngaa aaꞌnyĩk Nyekuc haccamanoothĩk nẽ tarĩ, iitiõõ ẽẽtĩ ꞌcĩ ẽlẽmĩ thõõth cĩnĩĩng ko tõõ.

2 Tẽꞌthaloonika 3:2

Alayyiooyyieetu ngagĩĩt, hátĩ hũꞌthũtteet Nyekuci eetinii ꞌcĩg abathĩ ĩcĩg ĩĩn ꞌloorriak hĩ ĩcĩg ĩĩn ꞌthẽccanniook, hĩnĩngĩtĩ aitiõõ eeta vẽlẽk hõllõngaa aꞌnyak lemiinit hĩ Nyekuc.

2 Timotteeo 3:11

Agayyaa nii nganĩĩt baa hemmeethi naa pĩĩrnanĩt ꞌtaaũnaa cĩ Antiohĩ hĩ ꞌtaaũnaa cĩ Ikoniumĩ hĩ ĩĩcĩ Liꞌthira nẽ aalla Nyekuci ẽẽlla nganĩĩt thooꞌthiohĩĩ cĩg vẽlẽk.

2 Timotteeo 4:17

Nẽẽthĩ, baa Makayyioohit dioo ꞌcĩ abĩlĩ dhoortaa caannĩ nẽ aaꞌnya ꞌtirrian, hátĩ hillimaneek eet nyeemuut cĩ Nyekuci nẽ ĩthĩhĩt eeta ꞌcĩg hõllõngaa ĩĩn ꞌJudeei vẽlẽk, hĩnĩngĩtĩ nganĩĩta nẽ heellia ũtũũgaa cĩ ꞌmaaõ.