ꞌRooma 15:30 - ꞌBuuk cĩ Thõõth cĩ Nyekuci

³⁰ ꞌGotoonoga hĩ ngoonoga, halayyuung naa ngagiit ꞌthaarĩĩ cĩg Makayyioohit cĩnaac Yeesu Krĩstõ, hĩ mĩnnaanaa cĩ Lori ꞌcĩ Ẽllẽẽmĩthĩ, othollieehaangu thõõth ꞌcĩ hadiim hakuuni nĩĩca, ngaatĩ alaiinnaangu nganĩĩt hĩ Nyekuc.

ꞌRooma 15:30 ပူးပေါင်းရင်းမြစ်များ

2 Korinthia 1:11

Nẽ hĩcĩ eellieetu niig ngagĩĩt laiittaa cunuung ko, mẽẽlĩg hatĩ eeta buúk ꞌcĩg anneek Nyekuc ĩlaallẽ, hĩnĩngĩtĩ ẽdẽcĩ Nyekuci laiinit cunuung hĩnĩngĩtĩ ngagĩĩta.

2 Korinthia 12:10

Eei, haccamanoothihi naa ngaatĩ happĩĩrnanĩĩ, hĩ ngaatĩ hodoominii, hĩ ngaatĩ huukẽnĩĩ, hĩ ngaatĩ homothiini hĩ ngaatĩ haccananiini, hĩnĩngĩtĩ Krĩstõ. Ĩnõõ ꞌcĩ ma happĩĩrna, hattirani.

2 Korinthia 4:11

Hĩnĩngĩtĩ ngagĩĩt ꞌcĩg nga harũgĩ ho, haaꞌnyĩhoothĩk naag daahĩth, hĩnĩngĩtĩ ĩnõõnnõ, hátĩ hedeeꞌnyia rũgẽtĩ cĩnnĩ hĩ ngagĩĩta.

2 Korinthia 4:5

Hõllõngaa hirrioonna naag thõõth cĩ eleeti cĩggaang, aĩ nyeemuut cĩnaang nẽẽ, ĩĩn Yeesu Krĩstõ Makayyioohit. Ĩꞌthõõanneet nẽẽ ngagĩĩt hiita hĩĩtta appahacaaꞌnya cugguung, hĩnĩngĩtĩ ĩnõõnnõ.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

Eevvetho 6:19

Alayyiooyyiaangu nganĩĩt buúk, hátĩ haaꞌnya Nyekuci nyeemuut ꞌcĩ hothoothi nẽ hillimmana thõõth cĩ nyeemuut ꞌcĩ abũnnaa baa ammiꞌthi ꞌthĩnĩtaa ꞌcĩ õkõmĩ,

Pilippi 2:1

Akũtannuung Krĩstõ ngagiita nẽ amammaayanuung mĩnnani cĩnnẽẽnĩ. Arummuung Lorii cĩ Nyekuci ngagiita nẽ uꞌthuuttu ꞌgoonogu.

Kolooꞌthe 1:8

Baa uduhaaheet nẽẽ ngagĩĩt thõõth ꞌcĩ ammĩnannu eet ũgĩ, mĩnnaanaa ĩbaa aaꞌnyuung Lorii ꞌcĩ Ẽllẽẽmĩth ngagiita.

Kolooꞌthe 2:1

Hadiimmuung naa ngagiit agaac ngaatĩ hadticaniini naa gẽrrẽẽt, hĩnĩngĩtĩ ngagiit hĩ eet ꞌcĩg aattĩg ꞌtaaũnaa cĩ Laodicea hĩ ꞌcĩg nga homottiooa hĩ nganĩĩt vẽlẽk.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

1 Tẽꞌthaloonika 5:25

Hõlõ, ꞌgotoonoga hĩ ngoonoga, alayyiooyyieetu niig buúk ngagĩĩta.

2 Tẽꞌthaloonika 3:1

Nẽ thõõth ꞌcĩ adtuurna ꞌgotoonoga hĩ ngoonoga, alayyiooyyieetu ngagĩĩt, hátĩ hĩꞌthanothoothĩk thõõth cĩ Nyekuci looc vẽlẽk hĩdĩĩkoothong, hátĩ hĩthĩhĩt eeta thõõth cĩnnĩ haau hĩcĩ athiknu niig ko.

2 Timotteeo 4:1

Haduhaaki dĩdĩ muumaa cĩ Nyekuci, hĩ ĩcĩ Yeesu Krĩstõ ꞌcĩ hatĩ aku ẽttẽẽd thooꞌthiok cĩg eet ꞌcĩg adaahito, hĩ ꞌcĩg nga arũgĩ vẽlẽk, hatĩ uppwaanna Yeesu hĩ habuccieet cĩnnĩ, haaꞌnyii tilooinit icci.