ꞌRooma 15:26 - ꞌBuuk cĩ Thõõth cĩ Nyekuci

²⁶ Hĩnĩngĩtĩ baa accamanoothĩk lemmiooha cĩg looc cĩ Maccedoonia hĩ cĩg looc cĩ Acaia, ngaatĩ õhõaanĩ ꞌrabbẽẽt ũgĩ, hatĩ heelli pĩĩrnattiaak lemmioohĩĩ cĩg ꞌJeruꞌthalẽmĩ.

ꞌRooma 15:26 ပူးပေါင်းရင်းမြစ်များ

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

Maatteeo 26:11

Arũmeennu hatĩ gõõng niig hĩ hullaha hõdõõkõthĩ, nẽẽthĩ, hõllõngaa hatĩ harũmĩ naag hĩ ngagiit hõdõõkõthĩ.

ꞌLuuka 14:13

Nẽẽthĩ, ma aꞌnyahi karrama, tũvva ꞌguurthettiaak hĩ ꞌngoolliak hĩ rubenniaak.

ꞌLuuka 6:20

Nĩngĩtĩ akannĩ Yeesu nuyyiook cĩgĩnnĩg hẽbẽrĩ nẽ ĩĩnnĩk, “Aggatatteeu niig ꞌcĩg iiginnu hullaha ho, ĩĩn habuccieet cĩ Nyekuci cunuung.

Dtiicanĩ cĩg ꞌThooyyiahu 16:12

Ma nĩngaata, hĩtĩngaayyia hoottia Pilippi, ꞌtaaũnaa cobbi ĩĩcĩ baa aggam makayyiooha cĩg ꞌRooma dhoortaa cĩ Maccedoonia. Nĩngĩtĩ hõõ haattiyya nĩĩca waathinniook ꞌcĩg mẽẽlĩg.

Dtiicanĩ cĩg ꞌThooyyiahu 16:9

Ma baa baal, ũũk ohonoothĩk Paaulo eet umwa cĩ Maccedoonia ꞌcĩ aku abĩlĩ nẽ ala ĩnõõnnõ ĩĩnnĩk, “Ijjia baaĩ nuun eleet ngagĩĩt looccaa cĩ Maccedoonia.”

Dtiicanĩ cĩg ꞌThooyyiahu 18:12

Baa nga ĩĩn eet ꞌcĩ haĩ ꞌGallio makayyioohit ꞌcĩ aggam looc cĩ Acaia, ĩtĩngaacõ eeta cĩg ꞌJudeei ũgẽẽgĩ aggamit Paaulo nẽ ootti lokihooa,

Dtiicanĩ cĩg ꞌThooyyiahu 19:21

Ma urutaa cĩ thooꞌthiok iccig vẽlẽk, ummuk Paaulo ngaatĩ õkõõyyĩ ꞌJeruꞌthalẽma adukni ꞌgõõlaa ꞌcĩ õkõ looccaa cĩ Maccedoonia hĩ looccaa cĩ Acaia. Nĩngĩtĩ aĩnnĩ Paaulo, “Ma hõdõlana ĩĩca, hõkõ hatĩ heheeroni ĩꞌthõng hõdõlan ꞌRooma buúk.”

Dtiicanĩ cĩg ꞌThooyyiahu 9:13

Ẽdẽcĩ hinnia Anania Yeesu anneek, “Makayyioohit, ẽddẽẽbtahaa eeta ꞌcĩg mẽẽlĩg gẽrrẽẽt thooꞌthiok ꞌcĩg abathĩ ꞌcĩg aruhi ẽẽtĩ ciee nuyyiook cugunnig ꞌJeruꞌthalẽma.

1 Korinthia 16:15

Agayyu niig baa atiman eeta cĩg halang cĩ Tẽẽvana, ngaatĩ au ĩĩnnĩ lemmiook ĩĩcĩ oou looccaa cĩ Acaia, nẽ ĩrrĩcatta ngaatĩ adticanõõthĩkĩ lemmiook. Haduhaakuung naa ngagiit ꞌgotoonoga hĩ ngoonoga,

1 Korinthia 16:5

Hakuu hatĩ hacinnuung ngagiit urutaa ꞌcĩ hõbõdaaĩ looccaa cĩ Maccedoonia, hĩnĩngĩtĩ hadiimi hõkõ nõõ naa ĩĩcĩ Maccedoonia.

2 Korinthia 1:16

Hummuha ngaatĩ hẽhẽẽrõnaakuung ngagiit ꞌgõõlaa cĩ hõkõõĩ naa looccaa cĩ Maccedoonia. Nẽ hatĩ aanytaangu niig nganĩĩt eliinit ꞌcĩ hadiimi, hátĩ hũũk looccaa cĩ ꞌJudeea.

2 Korinthia 11:9

Tananga baa happĩĩrna naa hiꞌthihi ꞌgii ꞌcĩ haꞌnyahi baa harũmĩ hĩ ngagiita, baa hõllõngaa hatĩkĩannuung naa ngagiita. Lemmiook baag au looccaa cĩ Maccedoonia dioo, baag au aꞌnyahaaka ꞌbaaninit nẽ nga hĩtĩkĩĩan eet umwa hõrggẽẽnaa cunuung ꞌgõõlaa umwaanĩ nẽ haalla hatĩ hadĩmani noho ũdũt.

2 Korinthia 2:13

Baa nga apuppudii nganĩĩt ꞌthĩnĩt ngaatĩ hõllõngaa hammũdõõthĩkĩ ꞌgõtõna Tiito, nĩngĩtĩ hannẽẽkĩ ĩhõõggõ ĩlaallẽ nẽ hedeceeha hũũha ĩĩcĩ looc cĩ Maccedoonia.

2 Korinthia 7:5

Ma baa hiita hõdõlatta looc cĩ Maccedoonia, iita ippiirria eleeti cĩggaang gẽrrẽẽt nẽ baa hammũdaanna pĩĩrnanĩt ꞌgoolliohĩ vẽlẽk tahatak hĩ mĩrõk cĩggaang, hĩ mothiinit ꞌcĩ aaĩ ꞌthinneetinii cĩggaang.

2 Korinthia 9:12

Nẽ dtiici ꞌcĩ adticannu niig ko, hõllõngaa ĩĩn ꞌbaaninit ꞌcĩ haaꞌnyĩk eet cĩg Nyekuci diooni, ĩĩn ꞌbaaniniti ꞌgii ꞌcĩ aaꞌnyĩk eet ꞌcĩg mẽẽlĩg haccamattoothĩk gẽrrẽẽt ngaatĩ atallĩ Nyekuc.

2 Korinthia 9:2

Haga naa ngaatĩ adiimmu niig aaꞌnyiku ꞌbaaninit cunuung lemmiook ꞌcĩg aattĩg ꞌJeruꞌthalẽma nẽ hirrianĩ naa ꞌbaaninit icci ngaatĩ haduhaaki lemmiook cĩg looc cĩ Maccedoonia, nganĩngĩtĩ irkit baa gõlla, hanneehi akũmanoothiku niig looccaa cĩ Acaia, ngaatĩ attihaannu ꞌbaaninit nẽ deciiniti cunuung ꞌcĩ attihaannu ꞌbaaninit ko, akũtan ĩhõõggõ buúk hitikta ꞌbaaninit.

2 Korinthia 9:4

Má hookorriawa naag hĩ lemmiook cĩg Maccedoonia nẽ hummuddiaahuung nga ũkũmattoothĩk, haꞌngaaoni hatĩ ngaatĩ baa haarikuung naa ngagiit ꞌthĩnĩt. Aꞌngaaonnu hatĩ niig buúk gẽrrẽẽt ngaatĩ hõllõngaa attihaannu ꞌbaaninit cunuung.

Pilippi 4:15

ꞌGotoonoga hĩ ngoonoga cĩg Pilippi, ammuhooꞌthu niig aaĩ baa hutuno baa hiꞌthianaanĩ naa ngaatĩ hirrioonĩ nyeemuut ꞌcĩ abũnnaa looccaa cĩ Maccedoonia. Ma baa hĩtĩngaawa nĩngaata, baa lothippit cunuung cĩ lemmioohu dioo baa ẽẽllaangu nganĩĩta.

1 Tẽꞌthaloonika 1:7

Nẽ iita etereꞌthieehu niig vẽlẽk lemmiook cĩg Makayyiooktak looccaa cĩ Maccedoonia hĩ looccaa cĩ Acaia ĩĩttĩhu, iiginnu niig lemmiook ꞌcĩg abũnnaa.

1 Tẽꞌthaloonika 1:8

Nẽ hĩnĩngĩtĩ ngagiita, ikia ĩꞌthanothoothĩk thõõth cĩ Makayyiookto loonyini vẽlẽk hõllõngaa Maccedoonia hĩ Acaia dioo nẽ ikia agaĩ lemiiniti cunuung cĩ Nyekuci loonyin vẽlẽk, nẽ occa ꞌthẽk iittiõõ hõllõngaa hathithan thõõth icci thõng buúk.

1 Tẽꞌthaloonika 4:10

Nẽ dĩdĩ, ammĩnannu niig ꞌgotoonogu hĩ ngoonogu lokor cĩ Maccedoonia ho vẽlẽk. Nẽ hanneekuung ĩrrĩcatta gẽrrẽẽt ittoorrik hĩllõõan mĩnnan gõõng hõdõõkõthĩ.

1 Timotteeo 1:3

Ma baa hũũha naa ĩĩcĩ Maccedoonia, baa haduhaakii nganiit hanneekii au nõõ ꞌtaaũnaa cĩ Eevvetho, hátĩ bĩlĩ eet ꞌcĩg allimaneek eet thõõth ꞌcĩ hõllõngaa ĩĩn dĩdĩ.

Vilõmẽẽnõ 1:5

Hathihi naa thõõth cĩ lemiinit cunni ꞌcĩ aꞌnyahi nii hĩnĩngĩtĩ Makayyioohit cĩnaac Yeesu, hĩ mĩnnan ꞌcĩ ammĩnanĩĩ nii eet cĩg Nyekuci vẽlẽk.