ꞌRooma 15:18 - ꞌBuuk cĩ Thõõth cĩ Nyekuci

¹⁸ Nẽ dĩdĩ thõõth ꞌcĩ hatĩ hothoothi naa vẽlẽk, hothoothi ꞌgõõlaa ꞌcĩ aaꞌnya Krĩstõ hõthõõth nẽ hidticanõõĩ, hátĩ hĩthĩhĩt eeta ꞌcĩg hõllõngaa ĩĩn ꞌJudeei Nyekuc.

ꞌRooma 15:18 ပူးပေါင်းရင်းမြစ်များ

Maatteeo 25:16

Ikia idticanõõĩ dticciannioohiti baa aggam ꞌtalẽnꞌnya ꞌtur hĩdĩĩkoothong hikia hũmmũda ꞌtalẽnꞌnya ꞌtur tarĩ.

Maarko 16:20

Nĩngĩtĩ õõĩ nuyyiooha cĩgĩnnĩg allimanĩ thõõth cĩ Nyekuci loonyini vẽlẽk nẽ baa adticanni Makayyioohiti hõdẽĩ hĩ ĩhõõggõ nẽ aaꞌnyĩk ꞌlimman cĩnnĩ ho, hĩĩ dĩdĩ thooꞌthiohĩĩ ꞌcĩg ĩnaat eeta ĩcĩg baag adtican nuyyiooha.

Dtiicanĩ cĩg ꞌThooyyiahu 14:27

Ma baa õdõlanit Paaulo hĩ Baarnaba Antiok, iita uluttia nẽẽg lothippit cĩ lemmioohu vẽlẽk ngaatĩ hõdẽẽthõng nẽ uduktaak ĩhõõggõ thooꞌthiok vẽlẽk ꞌcĩg baag ẽẽlĩ Nyekuci ĩhõõggõ hĩdĩmanit, hĩ ꞌgõõl ꞌcĩ aaꞌnyĩkĩ eet ꞌcĩg hõllõngaa ĩĩn ꞌJudeei, haꞌnyahit lemiinit.

Dtiicanĩ cĩg ꞌThooyyiahu 15:12

Ma ho, ĩjjaaktõ eeta vẽlẽk hĩthĩhĩt thõõth ꞌcĩ aduha Baarnaba hĩ Paaulo. Baa aduhaak nẽẽg eet ꞌgõõl ꞌcĩ baa aaꞌnyĩkĩ Nyekuci ĩhõõggõ ꞌtirrian ꞌcĩ adticanĩ thooꞌthiok ꞌcĩg ĩnaat eeta ꞌcĩg hõllõngaa ĩĩn ꞌJudeei.

Dtiicanĩ cĩg ꞌThooyyiahu 15:4

Ma baa õdõlanit Paaulo hĩ Baarnaba ꞌJeruꞌthalẽm, ikia ĩꞌtha lothippiti cĩ lemmioohu hĩ ꞌthooyyiak hĩ makayyiook ĩhõõggõ. Ma nĩngaata, uduktaak Paaulo hĩ Baarnaba eet thõõth vẽlẽk ꞌcĩ ẽẽlĩ Nyekuci ĩhõõggõ hĩdĩmanit.

Dtiicanĩ cĩg ꞌThooyyiahu 21:19

Ĩꞌtha Paaulo ĩhõõggõ nẽ uduhaak ꞌgõõl ꞌcĩ baa adticaniini Nyekuci ĩnõõnnõ, hẽẽl eet ꞌcĩg hõllõngaa ĩĩn ꞌJudeei.

Dtiicanĩ cĩg ꞌThooyyiahu 26:20

Baa nõõ hirrioonihi eet cĩg Damaathĩko nẽ baa hũũha ꞌJeruꞌthalẽma hĩ looccaa cĩ ꞌJudeea vẽlẽk. Nẽ dtuurnatta, hũũha thĩ hĩ eet ꞌcĩg hõllõngaa ĩĩn ꞌJudeei nẽ huduhaaha hũtũngteek ꞌthẽccan helemit Nyekuc nẽ etereꞌthia lemiinit hẽlẽggẽẽnnĩĩ ꞌcĩg adĩman nẽẽgĩ.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 16:26

Nẽẽthĩ ꞌyioko, hĩ baa aduha põrõvẽtaaꞌnya nẽ tarĩ hĩ baa aduha Nyekuci ꞌcĩ arũgĩ ũdũt, ikia agaĩ nyeemuut ciee hĩ eet ꞌcĩg hõllõngaa ĩĩn ꞌJudeei loonyini vẽlẽk, hátĩ helemit nẽẽg buúk nẽ ĩthĩhĩt ĩnõõnnõ.

ꞌRooma 6:17

Nẽẽthĩ ꞌyioko, ĩlaallẽ hĩ Nyekuc, tananga baa gõõng ĩĩgĩnnu niig appahacaaꞌnya cĩg ꞌthẽccaanak, iita ithiktu niig ꞌlimman baa allimanoothikuung ngagiita.

2 Korinthia 11:31

Nyekuc Maaꞌnyĩ Makayyioohit cĩnaac Yeesu Krĩstõ, ꞌcĩ aga aĩ hõllõngaa hoolongi naana nẽ aꞌnyĩĩk hĩdĩhĩthĩ nẽẽ ooo!

2 Korinthia 12:6

Tananga má hẽbẽra naa ꞌrianĩĩth, hõllõngaa hatĩ haggiithi. Haduhaakuung naa ngagiit thõõth dĩdĩ nẽ hĩttĩmana ngaatĩ hõllõngaa haduhaakuung thõõth ꞌcĩ maka gẽrrẽẽt. ꞌGõõlaa cĩ, aitiõõ hatĩ ẽẽtĩ ꞌcĩ ammuhaanna nganĩĩt gẽrrẽẽt hĩllõõan tõõ, hĩnĩngĩtĩ ĩcĩttu niig ꞌgii vẽlẽk ꞌcĩ hadĩmani naana nẽ huduha.

2 Korinthia 3:5

Aitiõõ ngagĩĩt ꞌtirriani ꞌcĩ occa haĩnna hidticatta thooꞌthiok vẽlẽk nyaagwaana tõõ. Nyekuc ꞌcĩ aaꞌnyeet ngagĩĩt makaaꞌthĩt vẽlẽk ꞌcĩ hadticanna hẽlẽggĩ vẽlẽk ꞌcĩg hadiimma hadticanna.

2 Korinthia 6:1

Hĩcĩ hadticanni naag hõdẽĩ hĩ Nyekuci, halayyuung naag ngagiit haĩnna, idticattõõĩ bũnnai cĩ Nyekuci ꞌgõõlaa ꞌcĩ abũnnaa.

ꞌGalaaꞌthia 2:8

Nyekuc ꞌcĩ aaꞌnya nganĩĩt ꞌtirrian ꞌcĩ hĩĩnnĩ ꞌthooyyiahit cĩ eet ꞌcĩg hõllõngaa ĩĩn ꞌJudeei, hĩ baa aaꞌnyĩk nẽẽ Pẽẽtũrũ hĩĩ ꞌthooyyiahit cĩ eet cĩg ꞌJudeei.

Kolooꞌthe 3:17

Nẽ ꞌgii vẽlẽk ꞌcĩ adĩmannu, hode thõõth ꞌcĩ othooꞌthu, ĩdĩmanit, hĩnĩngĩtĩ Makayyioohit Yeesu, ngaatĩ atallu Nyekuc Baangeet ꞌthaarĩĩ cĩg Krĩstõ.

2 Tẽꞌthaloonika 2:17

hũkũtattuung hokomit ꞌthinneeti nẽ eelluung hõdõõkõthĩ ĩdĩmanit thooꞌthiok ꞌcĩg abũnnaa nẽ uduktaau thooꞌthiok ꞌcĩg ĩĩn dĩdĩ.

Ebereei 11:8

Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

ꞌJeemith 1:22

Nẽẽthĩ, ma hathiknu thõõth cĩ Nyekuci thõng diooni. Adiim adĩmannu thõõth ꞌcĩ adukiaa ho. Má aitiõõ hõllõngaa adĩmannu, iggoollu hinnia eleeti cugguung haaga.

1 Yõaannẽ 3:18

Niig lohollia, hõllõngaa occa hammĩnan naag eleeti cĩggaac thõõthaa ꞌcĩ hõthõõth ũtũũga haaga, hĩmmĩnattõ dtiicanẽẽnnĩ hĩ thõõthaa ꞌcĩ ĩĩn dĩdĩ.

ꞌJuud 1:9

Tananga Mikaĩlẽ habuui cĩ aajĩleetu buúk, baa hõllõngaa ũũlũ ngaatĩ õdõõmĩ habu cĩ loriẽẽt ꞌcĩg abathĩ baa ẽppẽhanõõnĩ nẽẽg ꞌrammaattĩg ẽlẽ cĩ Mũũꞌtha. Thõõth vẽlẽk ꞌcĩ baa õthõõth Mikaĩlẽ dioo ꞌcĩ aĩ, “Uuki hatĩ nganiit Makayyioohiti!”