ꞌRooma 15:16 - ꞌBuuk cĩ Thõõth cĩ Nyekuci

¹⁶ hátĩ hĩĩ dticciannioohit cĩ Yeesu Krĩstõ ꞌcĩ hadticanoothihi eet ꞌcĩg hõllõngaa ĩĩn ꞌJudeei, ꞌcĩ haꞌnyahi dtiic ꞌcĩ hallimanĩĩ nyeemuut ꞌcĩ abũnnaa cĩ Nyekuci, hátĩ hĩĩtõ eeta ꞌcĩg hõllõngaa ĩĩn ꞌJudeei ꞌbaaninit ꞌcĩ ẽlẽmĩ Nyekuci, ꞌcĩ ũtũũny Lorii ꞌcĩ Ẽllẽẽmĩthĩ.

ꞌRooma 15:16 ပူးပေါင်းရင်းမြစ်များ

Dtiicanĩ cĩg ꞌThooyyiahu 13:2

Ma baa nga abuluth nẽẽg Makayyioohit nẽ edettia eleeti ꞌgẽẽna, ikia ĩĩnnĩk Lorii ꞌcĩ Ẽllẽẽmĩth ĩhõõggõ, “Eberriahaangu Baarnaba hĩ ꞌThaaulo, hátĩ hidticanit dtiic ꞌcĩ havveehi naa ĩhõõggõ ho.”

Dtiicanĩ cĩg ꞌThooyyiahu 20:24

Nẽẽthĩ, hõllõngaa haallahi naa rũgẽt caannĩ hatĩ nẽẽ hẽdẽcaaha dtiic baa aaꞌnya Makayyioohiti Yeesu ho. Nẽ dtiici niccia, ĩĩn dtiic ꞌcĩ haduhaanĩ nyeemuut ꞌcĩ abũnnaa cĩ bũnnai cĩ Nyekuci.

Dtiicanĩ cĩg ꞌThooyyiahu 20:32

“Nẽẽthĩ ꞌyioko, haaꞌnyuung naa ngagiit hebehuung Nyekuci. Ummuhuttooth nyeemuut cĩ Nyekuci ꞌcĩ maka ngaatĩ ĩĩnnĩ nẽẽ tarbal. Occa eelluung ngagiit nyeemuut ciee nẽ aaꞌnyuung ngagiit ꞌgii cunuung hĩ eeta cĩg Nyekuci.

Dtiicanĩ cĩg ꞌThooyyiahu 22:21

“Nĩngĩtĩ anneeka Makayyioohiti, ‘Bĩtõ, hĩꞌthooyyii naa nganiit bĩĩt hĩ eet ꞌcĩg hõllõngaa ĩĩn ꞌJudeei.’ ”

Dtiicanĩ cĩg ꞌThooyyiahu 9:15

Nẽẽthĩ, baa anneek Makayyioohiti Yeesu Anania, “Bĩtõ! Ĩĩn ẽẽtĩ ciee eet caannĩ ꞌcĩ tiiri ꞌcĩ eberriaa hillimman eet ꞌcĩg hõllõngaa ĩĩn ꞌJudeei hĩ habuẽẽt hĩ eet cĩg Ĩꞌthĩraẽlĩ thõõth caannĩ.

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌRooma 11:13

Hothoothikuung naa ngagiit eet ꞌcĩg hõllõngaa iiginnu ꞌJudeei. Hõlõ, hĩcĩ hĩĩnĩ naa ꞌthooyyiahit cĩ eet ꞌcĩg hõllõngaa ĩĩn ꞌJudeei ho, haccamanoothihi hatĩ hĩnĩngĩtĩ dtiic caannĩ ho,

ꞌRooma 15:18

Nẽ dĩdĩ thõõth ꞌcĩ hatĩ hothoothi naa vẽlẽk, hothoothi ꞌgõõlaa ꞌcĩ aaꞌnya Krĩstõ hõthõõth nẽ hidticanõõĩ, hátĩ hĩthĩhĩt eeta ꞌcĩg hõllõngaa ĩĩn ꞌJudeei Nyekuc.

ꞌRooma 15:19

Nẽ dĩdĩ, haduha naa ꞌgõõl ꞌcĩ baa adticanĩ Krĩstõ thooꞌthiok ꞌcĩg ĩnaat eeta, ꞌtirriaanaa cĩ Lori ꞌcĩ Ẽllẽẽmĩthĩ. Baa hirrioona naa nyeemuut cĩnnĩ ꞌcĩ abũnnaa, iꞌthianaanĩ ꞌJeruꞌthalẽma ĩꞌthõng hõdõlan looc cĩ Illiriko.

ꞌRooma 15:20

Baa gõõng ĩĩn ꞌrianĩĩth caannĩ ꞌcĩ hirrioonĩ nyeemuut ꞌcĩ abũnnaa gẽrrẽẽt, ngaatĩ nga hagaõõĩ Krĩstõ, hátĩ hiittiõõ hõllõngaa hiꞌthianaanĩ dtiic caannĩ dtiicaa ꞌcĩ baa iꞌthianaaĩ eet umwaa ẽlẽk.

ꞌRooma 15:29

Haga naa haini, ma hikia hĩ ngagiita, haꞌnyaha hatĩ ꞌgattan cobbi gẽrrẽẽt cĩ Yeesu Krĩstõ.

ꞌRooma 5:5

Nẽ hõllõngaa adĩmanneet muhẽẽnĩtĩ ꞌcĩ abũnnaa ho ngagĩĩt ꞌbuth, hĩnĩngĩtĩ aarĩk Nyekuci mĩnnan cĩnnĩ ꞌthinneetinitõõ cĩggaac Loriiaa ꞌcĩ Ẽllẽẽmĩthĩ, ĩĩ baa aaꞌnyeet nẽẽ ngagĩĩta.

1 Korinthia 3:5

Nganĩ nooyyia ꞌyioko ꞌthẽk Appoolo? Nẽ nganĩ nooyyia ꞌyioko ꞌthẽk Paaulo? Ĩĩn nẽẽg dticcianniook haaga, ꞌcĩg aaꞌnyuung ngagiit iita aꞌnyahit lemiinit, hĩcĩ baallĩ aaꞌnyĩk Makayyioohiti ĩhõõggõ dtiic hõdẽĩ hõdẽĩ.

1 Korinthia 4:1

Nẽẽthĩ, ĩcĩttaangu nganĩĩt hĩ Appoolo hĩ dticcianniooha cĩg Krĩstõ, ꞌcĩg baag aaꞌnyĩhoothĩkeet dtiici ꞌcĩ hẽddẽẽbaka eet thooꞌthiok ꞌcĩg Nyekuci ꞌcĩg ĩllõõan ꞌgẽẽnyĩth cĩ eetu.

1 Korinthia 6:19

Hõllõngaa agayyu niig ngaatĩ ĩĩnnĩ eleeti cugguung ꞌCieeth cĩ Lori ꞌcĩ Ẽllẽẽmĩth ꞌcĩ aaĩ hĩ ngagiit baa aaꞌnyuung Nyekuci? Hõllõngaa ĩĩn eleeti cugguung diooni;

2 Korinthia 11:23

Irrian nẽẽg aĩ hĩĩgĩnna dticcianniook cĩg Krĩstõ? Hĩĩnĩ hinnia naa ꞌgiiꞌthiahit hatĩ hothoothi hoti, hĩnĩngĩtĩ hĩllõõani naa ĩhõõggõ. Hĩnĩngĩtĩ hidticanoothĩha naa Nyekuc gẽrrẽẽt, haarĩhoothĩha baabuuth tabattĩ mẽẽlĩg nẽ huuki halliẽẽnĩ tabattĩ mẽẽlĩg, hĩnĩngĩtĩ Krĩstõ nẽ hoboktooa hĩ daahĩth tabattĩ mẽẽlĩg.

2 Korinthia 5:20

Hĩĩtõ naag ꞌthooyyiak cĩg Krĩstõ nẽ alauung Nyekuci ngagiit aĩ, ĩthĩhĩt nyeemuut cĩnnĩ ꞌcĩ ĩĩn ngeju ho. Hõthõõꞌtha naag nyeemuut cĩ Krĩstõ nẽ dĩdĩ hadiimmuung naag ngagiit agayyio hĩ Nyekuc.

2 Korinthia 8:5

Iita itikta nẽẽg ꞌbaaninit ꞌcĩ maka hĩllõõan baa hammuhuneeka naaga. Atiman nõõ nẽẽg ngaatĩ aaꞌnyĩkĩ eleeti cĩggĩĩng hĩ Makayyioohit Yeesu, hĩ ngagĩĩt buúk, haau hĩ baa adiim Nyekuci ĩhõõggõ hidticanit.

ꞌGalaaꞌthia 3:5

Aaꞌnyuung ngagiit Nyekuci Lori ꞌcĩ Ẽllẽẽmĩth nẽ idtican thooꞌthiok ꞌcĩg ĩnaattu niiga. Adtican nẽẽ thooꞌthiok iccig, hĩnĩngĩtĩ anuyyu niig nyattal cĩ ꞌJudeei hode, hĩnĩngĩtĩ ĩthĩktu niig nẽ elemtu Yeesu Krĩstõ?

Eevvetho 2:18

Nẽ hĩnĩngĩtĩ Krĩstõ, hiita hummuddia naag ꞌJudeei hĩ eet ꞌcĩg hõllõngaa ĩĩn ꞌJudeei, ꞌgõõl ꞌcĩ hõõĩ hĩ Baangeet Loriia nĩĩcĩ dioo.

Eevvetho 2:22

Nẽ iiginnu niig dhoorit cĩ ꞌcieeth tĩho, ꞌcĩ baa ẽhẽnyĩt Krĩstõ hĩĩ nĩngĩtĩ aayyi Lorii cĩ Nyekuci.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Pilippi 2:17

Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita.

Pilippi 4:18

Nẽ ꞌyioko, haꞌnyaha naa ꞌgii vẽlẽk ꞌcĩ hadiimi hĩllõõan. Aanytaangu niig nganĩĩt ꞌbaaninit ꞌcĩ maka baa ĩꞌthõõakaangu haꞌnyahaaha Epavorodito. Aaĩ ꞌbaaniniti ciee hĩ ꞌgaarrieeniti ꞌcĩ õꞌngõlĩ ẽmmẽdĩ ꞌcĩ accamana Nyekuci.

1 Tẽꞌthaloonika 2:2

Baa hippiirriawa naag nẽ hodoomtea ꞌtaaũnaa cĩ eet cĩg Pilippi, nẽẽthĩ, eliittaa cĩ Nyekuci, iita okomit ꞌthinneeti cĩggaang nẽ hillimattuung ngagiit nyeemuut cĩnnĩ ꞌcĩ abũnnaa, tananga baa abũrreet eeta ꞌcĩg mẽẽlĩg ngagĩĩta.

1 Tẽꞌthaloonika 2:9

Nẽ dĩdĩ ꞌgotoonoga hĩ ngoonoga, occa nẽẽꞌthẽk ammuhooꞌthu pĩĩrnanĩt baa harayya naag dtiic ꞌcĩ õkõmĩ waathĩn hĩ baalin, hátĩ hiittiõõ hõllõngaa haꞌnyahaaka eet umwa heciinit nga hallimannuung nyeemuut ꞌcĩ abũnnaa cĩ Nyekuci.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

1 Timotteeo 1:11

ammuddiaa ꞌlimmanĩ niccia nyeemuutaa ꞌcĩ abũnnaa, ĩcĩ aaꞌnya nganĩĩt Nyekuci ꞌcĩ abuli nẽ ẽllẽẽm gẽrrẽẽt.

1 Timotteeo 2:7

Nẽ baa ẽbẽraanna Nyekuci nganĩĩt hĩĩ eet ꞌcĩ hirriooni nyeemuut ꞌcĩ abũnnaa nẽ hĩĩna ꞌthooyyiahit ꞌcĩ hallimaneehi eet ꞌcĩg hõllõngaa ĩĩn ꞌJudeei, nyeemuut cĩ lemiitto hĩ cĩ thõõth ꞌcĩ ĩĩn dĩdĩ. Hõllõngaa hittoorihi naa thõõth umwa, haduha thõõth ꞌcĩ ĩĩn dĩdĩ.

2 Timotteeo 1:11

Nẽ baa ẽbẽraanna nganĩĩt Nyekuci hĩĩ ꞌthooyyiahit cĩnnĩ ꞌcĩ hakuu hallimaneehi eet thõõth cĩnnĩ ꞌcĩ ĩĩn ngeju.

Ebereei 13:16

Nẽ ma hatarroꞌthu ngaatĩ eellu ꞌgoonogu nẽ othollu ijjio cugguung hĩ ĩhõõggõ. Aduhõõ thõõth ciee hĩ ngaatĩ aaꞌnyiku Nyekuc ꞌgarrieenit ꞌcĩ atalĩ nẽẽ thõng.

1 Pẽẽtũrũ 1:12

Baa adukiaak ĩhõõggõ aĩ, adticanoothikuung ngagiita, hõllõngaa adticanoothĩk eleeti cĩggĩĩng ẽmmẽn. Nẽ ꞌyioko, irrioonikuung ngagiit eeta ꞌcĩg allimannuung ꞌtirriaanaa cĩ Lori ꞌcĩ Ẽllẽẽmĩth, baa ĩꞌthooyyia hẽẽtahujjieen. Nẽ baa ĩĩn nyeemuut cĩnĩĩng ko, cunuung diooni, tananga baa adiim aajĩlẽẽta aga nyeemuut tĩho.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.