ꞌRooma 15:14 - ꞌBuuk cĩ Thõõth cĩ Nyekuci

¹⁴ Hagawa naa ẽllaa caannĩ ꞌgotoonoga hĩ ngoonoga hĩĩna, aꞌnyaku niig eleetinii cugguung bũnnai hĩ ꞌgẽẽnyĩth ꞌcĩ maka ꞌcĩ occa allimannu ꞌgoonogu ũgĩ ꞌcĩg ĩĩn lemmiook.

ꞌRooma 15:14 ပူးပေါင်းရင်းမြစ်များ

1 Korinthia 1:5

Hĩnĩngĩtĩ ĩnõõnnõ, iita aballioou niig ꞌgoolliohĩ vẽlẽk, ꞌgõõlaa ꞌcĩ othooꞌthu hĩ ꞌgẽẽnyĩthaa cunuung vẽlẽk.

1 Korinthia 12:8

Õthõõth eeta ũgẽẽgĩ hõrggẽẽnaa cĩnaac ꞌgẽẽnyĩtha nẽ othoothito ũgẽẽgĩ thooꞌthiok ꞌcĩg aga nẽẽg jurrung ꞌcĩg aaꞌnyĩk Lorii nicciee diooni.

1 Korinthia 13:2

Má haꞌnyahi naa ꞌbaaninit ꞌcĩ haduhaanĩ thooꞌthiok cĩg horumwa hĩ gaiinit cĩ thooꞌthiok vẽlẽk ꞌcĩg hõllõngaa agayyi nẽ má haꞌnyahi lemiinit ꞌcĩ occa aaꞌnyĩk muurriok hõtõmõõcõ nẽ aitioonna mĩnnanĩ tõõ, hĩĩnĩ ꞌgiimwa haaga.

1 Korinthia 8:1

Waragaawaa baa ꞌnuung, baa ajinnaangu niig nganĩĩt thõõth cĩ ꞌgaarriẽẽn ꞌcĩg aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya. Haga naag vẽlẽk thõõth icci. Nẽẽthĩ, aaꞌnyeet ꞌgẽẽnyĩthĩ hirriattĩ eleeti cĩggaac nẽ aaꞌnyeet mĩnnanĩ heelit ꞌgoonogeet.

1 Korinthia 8:10

Má ĩcĩnuung eet ꞌcĩ hõllõngaa aꞌnyak ꞌthĩnĩt ꞌcĩ õkõmĩ ngagiit eet ꞌcĩg agayyu ngaatĩ adaku ꞌgẽẽn ꞌcieethaa cĩ ꞌgii ꞌcĩ aar eeta hĩĩ nyekuc ꞌcĩ hõllõngaa ĩĩn dĩdĩ ho, aaꞌnyĩk hinnia hatĩ thõõth ciee ĩnõõnnõ buúk, hũũk hũbũraneek ngaatĩ õkõ adahĩ ꞌgẽẽn ꞌcĩ aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya ho.

1 Korinthia 8:7

Hõllõngaa aga eeta vẽlẽk thooꞌthiok iccig. Nẽ dĩdĩ, baa itiliꞌthia eeta ꞌcĩg mẽẽlĩg ꞌgõõlaa ꞌcĩ ẽlẽmmĩ thõõth ꞌcĩ aĩ, arũgĩ hẽlẽggĩ ꞌcĩg aar eeta hĩĩtõ nyekuꞌnya ho. Nẽẽthĩ, má adak nẽẽg iding ꞌcĩ aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya ho, accanan hinnia ĩhõõggõ muhẽẽnĩtĩ cĩ ꞌthinneeti cĩggĩĩng ꞌcĩg hõllõngaa õkõmĩ.

2 Korinthia 8:7

Adticaniinnu niig gẽrrẽẽt hĩllõõan eet vẽlẽk. Aꞌnyaku niig lemiinit ꞌcĩ õkõmĩ, othooꞌthu niig jurrung nẽ agayyu thõõth ꞌcĩ maka. Hõllõngaa appĩĩrnannu ngaatĩ aaꞌnyiku ꞌbaaninit hĩ Nyekuc nẽ ĩmmĩnatteetu niig ngagĩĩt buúk jurrung. Nẽẽthĩ ꞌyioko, hadiimma aaꞌnyiku ꞌbaaninit taliittaa cĩ ꞌthinneeti cugguung hĩllõõan eet vẽlẽk.

Eevvetho 5:9

hĩnĩngĩtĩ aꞌnyaha lanyit ciee aaĩ hĩ ngagiit ko, thõõth ꞌcĩ abũnnaa hĩ ꞌcĩ aũlanĩ hĩ ꞌcĩ ĩĩn dĩdĩ diooni.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

1 Tẽꞌthaloonika 5:11

Nẽẽthĩ hoti ho, ũkũtanit ꞌgoonogu ngaatĩ eelonnu nyaagwaana, irrioottĩk, hátĩ hokomit ĩhõõggõ ꞌthinneeti, haau hĩcĩ ꞌthẽk adĩmannu ꞌyioko ho.

1 Tẽꞌthaloonika 5:14

Haduhaakuung thõõthaa ꞌcĩ õkõmĩ gẽrrẽẽt hõlõ, itilooc eet ꞌcĩg ĩĩn nyamuttiook hidticattõõ hĩ eeta vẽlẽk, uduktaak teelliak hokomit ꞌthinneeti, eelit pĩĩrnattiaak nẽ ĩdĩhattu thooꞌthiok hõrggẽẽnaa cunuung.

2 Tẽꞌthaloonika 1:11

Ĩnõõ ꞌcĩ halaiinnuung naag ngagiit hõdõõkõthĩ haĩnna, aꞌnyĩĩk Nyekuc haaꞌnyuung eet baag ẽbẽraauung nẽẽ ẽlẽk ko, uꞌthuutti thõõth cĩnnĩ authetaa ꞌcĩ aattiyyu. Aꞌnyĩĩk ĩnõõnnõ heeluung ngagiit ꞌtirriaanaa cĩnnĩ ũbũttaath nẽ elemtu thõõth cĩnnĩ.

2 Timotteeo 1:5

Hummuhootha lemiinit cunni ꞌcĩ ĩĩn dĩdĩ, baa aꞌnyak morwahit cunni Yunitha, hĩ morwahit cunni cobbi Loiꞌtha nẽ ꞌyioko hagawa jurrung, aꞌnyahi nii buúk lemiinit tĩho.

Vilõmẽẽnõ 1:21

Hĩcĩ heheedi naa waraga icci ho, haga naa ngaatĩ hatĩ adĩmanĩĩ thõõth ꞌcĩ hajinnii ho jurrung nẽ occa hatĩ adĩmani hĩllõõan.

Ebereei 5:12

Baa iittu niig lemmiook baangaani ꞌrĩng. Nẽẽthĩ, occa ꞌyioko baa illimattu ꞌgoonogu thooꞌthiok ꞌcĩg ĩĩn dĩdĩ cĩg Loriiak. Nẽẽthĩ, ĩko hinnia nga adiimmu eet umwa hillimanuung ngagiit thooꞌthiok ꞌcĩg tiirik cĩg Nyekuci? Nga aattiyyu niig hĩ ĩdõlẽẽta ꞌcĩg nga adiim aam ira nẽ hõllõngaa occa nõõ aaꞌnyĩhoothĩk ahata. Aitiõõ niig nga ũkũmattoothĩk hĩnĩngĩtĩ ꞌlimman ꞌcĩ õkõmĩ ꞌcĩ aaĩ hĩ ahat ꞌcĩ aduk ẽẽtĩ cobbiẽẽnĩ.

Ebereei 6:9

ꞌGotoonoga hĩ ngoonoga, tananga hõthõõꞌtha naag hoti, hagayya naag ngaatĩ adĩmannu hẽlẽggĩ ꞌcĩg abũnnaa ꞌcĩg adĩman eeta hatĩ eellia.

2 Pẽẽtũrũ 1:12

Nẽẽthĩ hoti ho, hammuhaakuung hatĩgõõng naa ngagiit thooꞌthiok iccig, tananga agayyu niig ĩhõõggõ ẽlẽk nẽ okomtu thõõthaa ꞌcĩ ĩĩn dĩdĩ, ĩĩ baa allimanoothikuung ngagiita.

1 Yõaannẽ 2:21

Nẽẽthĩ hoti ho, hõllõngaa hẽhẽẽdakuung naa ngagiit waraga icci, hĩnĩngĩtĩ hõllõngaa agayyu niig thõõth ꞌcĩ ĩĩn dĩdĩ. Nẽẽthĩ, hẽhẽẽdakuung, hĩnĩngĩtĩ agayyu thõõth ꞌcĩ ĩĩn dĩdĩ hĩcĩ ĩĩn õlõng nẽ tarĩ, agayyu ngaatĩ hõllõngaa akuuni thõõth ꞌcĩ ĩĩn dĩdĩ thõõthaa ꞌcĩ ĩĩn õlõng.