ꞌRooma 14:3 - ꞌBuuk cĩ Thõõth cĩ Nyekuci

³ Ẽẽtĩ ꞌcĩ adak hẽlẽggĩ vẽlẽk, hõllõngaa occa ẽmẽnĩt eet ꞌcĩ hõllõngaa adak ꞌgii vẽlẽk, nẽ ẽẽtĩ ꞌcĩ hõllõngaa adak ꞌgii vẽlẽk, occa hõllõngaa arannĩ ꞌgõõnĩ ꞌcĩ adak hẽlẽggĩ vẽlẽk, hĩnĩngĩtĩ ẽlẽm Nyekuci ĩnõõnnõ.

ꞌRooma 14:3 ပူးပေါင်းရင်းမြစ်များ

Maatteeo 18:10

Ma nĩngaata, õthõõth Yeesu ĩĩ, “Ma hararru lõhõlĩ ꞌcĩg kidicig ꞌcĩg aattĩg hĩ cieegi. Hĩnĩngĩtĩ haduhaakuung dĩdĩ, acĩn aajĩlẽẽta cĩggĩĩng hẽẽtahujjieen hõdõõkõthĩ muum cĩ Baaba.

Maatteeo 9:14

Ma kõr umwa, iita ijinit nuyyiooha cĩg Yõaannẽ Yeesu ĩĩttĩk, “Inni baa hedettiaawa naag hĩ Variꞌtheei eleeti ꞌgẽẽna nẽ iittiõõ nuyyiooha cugunnig hõllõngaa ẽdẽta ho?”

ꞌLuuka 18:9

Baa aduhaak Yeesu ꞌlimman ꞌcĩ awantoothĩk eet ꞌcĩg ammuk aĩ habũnnayya nẽ atararri ꞌgõõnõgĩ ũgĩ anneek,

Dtiicanĩ cĩg ꞌThooyyiahu 10:34

Ma ho, iꞌthianaaĩ Pẽẽtũrũ õthõõth ĩĩ, “Nẽ ꞌyioko hagawa dĩdĩ Nyekuc dioo ꞌcĩ hõllõngaa ahal eeta,

Dtiicanĩ cĩg ꞌThooyyiahu 10:44

Ma baa nga õthõõth Pẽẽtũrũ thooꞌthiok iccig, ikia ulluucciak Lorii ꞌcĩ Ẽllẽẽmĩth eet vẽlẽk ꞌcĩg baag athĩhĩ nyeemuut ko.

Dtiicanĩ cĩg ꞌThooyyiahu 28:2

Baa accamanaanneet maajihi lootu gẽrrẽẽt, nĩngĩtĩ aadeekeet ꞌgwoo ꞌcĩ hĩrraanna naag vẽlẽk, hĩnĩngĩtĩ baa atĩĩlĩ tammu nẽ alal lõõcĩ gẽrrẽẽt.

ꞌRooma 11:15

Baa ũtũbũrĩt eeta cĩg Ĩꞌthĩraẽlĩ Nyekuc, iita elemit eeta ꞌcĩg hõllõngaa ĩĩn ꞌJudeei ĩnõõnnõ. Nẽẽthĩ hoti ho, ma hatĩ ma ikia ẽlẽm Nyekuci eet cĩg Ĩꞌthĩraẽlĩ, aaĩ hatĩ hĩcĩ arũgtha nẽẽ daakiak.

ꞌRooma 14:1

Elemit eet ꞌcĩ aꞌnyak lemiinit ꞌcĩ hõllõngaa attiranĩ nẽ ma hetteediku ĩnõõnnõ thooꞌthiok ꞌcĩg ẽppẽhanoonnu.

ꞌRooma 14:10

Inni otongomit ꞌgoonogu ũgĩ ꞌcĩg ĩĩn lemmiook ꞌcĩg Makayyiooktak ko? Aaĩ hatĩ kõrra ꞌcĩ aku etteedĩkeet Nyekuci ngagĩĩt vẽlẽk thooꞌthiok.

ꞌRooma 14:13

Nẽẽthĩ, hibilli ngaatĩ hẽttẽẽdĩkĩ ꞌgoonogeet thõõth. Nẽẽthĩ hinnianĩ, hũkũmatteek muhẽẽnĩt, hátĩ hiittiõõ hõllõngaa hahĩĩnak ꞌgotoonogeet hẽꞌthẽcattõõ.

ꞌRooma 14:15

Má hõllõngaa accamanoothĩk ꞌgoonu ꞌcĩ ĩĩn lemmioohit, hĩnĩngĩtĩ ꞌgii ꞌcĩ adahi niina, iittiõõ hõllõngaa aꞌnyahi nii mĩnnan. Ma haaꞌnyihi ꞌgii ꞌcĩ adahi nii hẽꞌthẽcan ꞌgotonu baa adaaknĩ Krĩstõ.

ꞌRooma 14:21

Ẽllẽẽmĩth ngaatĩ occa hõllõngaa hadahĩ iding hode hahũdĩ mẽrtĩ cĩ viinoo hode hadĩmanĩ thooꞌthiok ũgĩ ꞌcĩg ahaca ꞌgotoonogeet ꞌcĩg ĩĩn lemmiook hẽꞌthẽcattõõ.

ꞌRooma 15:7

Nẽẽthĩ, elemit ꞌgoonogu ꞌcĩg ĩĩn lemmiook hõrggẽẽnaa cunuung haau hĩ baa elemmuung Krĩstõ ngagiita, hátĩ aꞌnyaktaak Nyekuc bulẽẽnĩt.