ꞌRooma 14:23 - ꞌBuuk cĩ Thõõth cĩ Nyekuci

²³ Nẽẽthĩ, ẽẽtĩ ꞌcĩ akidanĩ, etteedothoothĩk thõõth hatĩ adak ꞌgẽẽn tĩho, hĩnĩngĩtĩ duhẽẽnĩtĩ cĩnnĩ ho, hõllõngaa aku lemiitta nẽ hẽlẽggĩ vẽlẽk ꞌcĩg hõllõngaa au lemiitta, ĩĩn ꞌthẽccan.

ꞌRooma 14:23 ပူးပေါင်းရင်းမြစ်များ

ꞌRooma 13:2

Nẽẽthĩ hoti ho, eeta ꞌcĩg abũrĩ makayyiook, abũrĩ nẽẽg makaaꞌthĩt baa aarĩk Nyekuci. Nẽ eeta ꞌcĩg adĩman noho, aĩnanaak hatĩ nẽẽg eleeti cĩggĩĩng ukẽẽnĩt.

ꞌRooma 14:5

Ammuk eet umwaa aĩ, ẽllẽẽmĩth waathĩnĩ umwaa ĩllõõan waathĩn umwa nẽ ummuk umwaa ĩĩ, aduhõõ waathinniooha vẽlẽk thõng. Aanytĩk eet hõdẽĩ hõdẽĩ haꞌnyahit muhẽẽnĩt hĩcĩ adiim nẽẽgĩ.

1 Korinthia 8:7

Hõllõngaa aga eeta vẽlẽk thooꞌthiok iccig. Nẽ dĩdĩ, baa itiliꞌthia eeta ꞌcĩg mẽẽlĩg ꞌgõõlaa ꞌcĩ ẽlẽmmĩ thõõth ꞌcĩ aĩ, arũgĩ hẽlẽggĩ ꞌcĩg aar eeta hĩĩtõ nyekuꞌnya ho. Nẽẽthĩ, má adak nẽẽg iding ꞌcĩ aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya ho, accanan hinnia ĩhõõggõ muhẽẽnĩtĩ cĩ ꞌthinneeti cĩggĩĩng ꞌcĩg hõllõngaa õkõmĩ.

Tiito 1:15

Tẽlla thõõth vẽlẽk hĩ eet ꞌcĩg tẽllĩg ꞌthinneeti. Nẽẽthĩ, eetinii ꞌcĩg ẽꞌngẽjĩ ooti nẽ ũtũbũrĩt thõõth cĩ Nyekuci, aitiõõ thõõth ꞌcĩ abũnnaa tõõ, hĩnĩngĩtĩ ẽꞌthẽcattĩ ĩhõõggõ ooti hĩ muhẽẽnĩt cĩnĩĩng vẽlẽk.

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.