20 Ma hẽꞌthẽcannu dtiic cĩ Nyekuci hĩnĩngĩtĩ ꞌgẽẽn. Tẽllĩg ꞌgeennioha vẽlẽk, nẽẽthĩ, abathĩ ngaatĩ adahĩ ẽẽtĩ ꞌgẽẽn ꞌcĩ aaꞌnyĩk eet umwa hẽꞌthẽcanõõ.
ꞌgii ꞌcĩ aduhun ũtũũgaa cĩ eeto, hõllõngaa aaꞌnyĩk ĩnõõnnõ hĩĩ ‘ꞌriiring,’ nẽ thõõth ꞌcĩ aduha ẽẽtĩ ũtũũgaa cĩnnĩ, ĩĩn ꞌgii ꞌcĩ aaꞌnyĩk ĩnõõnnõ hĩĩ ‘ꞌriiring,’ ko niccia.”
“Nẽ má aaꞌnyĩk ẽẽtĩ umwaa loholeec ꞌcĩ hidici ꞌcĩ ẽlẽmma nganĩĩt ko hẽꞌthẽcanõõ, occa mẽẽn ngaatĩ ẽcẽbõõthĩkĩ hirriaaĩ cobbi iꞌnyiaawa cĩnnĩ nẽ udhuhoothĩk bũlũcatõõ cobbi hũtũdũdĩt maama.
Othoothĩk mõlõõhĩ ĩnõõnnõ tabattĩ ꞌramma tarĩ ĩĩ, “Ma haini ꞌgiimwa ĩĩn ꞌriiring ꞌcĩ baa ẽhẽnyta Nyekuci tẽlla.”
Aaꞌnyĩk lemiiniti cĩ eet umwa ĩnõõnnõ hadak hẽlẽggĩ vẽlẽk, nẽẽthĩ, eet umwaa ꞌcĩ hõllõngaa attiran lemiiniti cĩnnẽẽnĩ, aduk ꞌdiaatĩn ꞌcĩg cũlahĩg diooni.
Ẽllẽẽmĩth ngaatĩ occa hõllõngaa hadahĩ iding hode hahũdĩ mẽrtĩ cĩ viinoo hode hadĩmanĩ thooꞌthiok ũgĩ ꞌcĩg ahaca ꞌgotoonogeet ꞌcĩg ĩĩn lemmiook hẽꞌthẽcattõõ.
Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.
Nẽ haga naa Nyekuc baa iꞌthianaanĩ dtiic icci abũnnaa hõrggẽẽnaa cunuung ko, aalla hatĩ adticanoothi dtiic cĩnnĩ ho, ĩꞌthõng hũttũbanoothĩk kõrra ꞌcĩ hatĩ õbõdaanĩ Yeesu Krĩstõ.
Tẽlla thõõth vẽlẽk hĩ eet ꞌcĩg tẽllĩg ꞌthinneeti. Nẽẽthĩ, eetinii ꞌcĩg ẽꞌngẽjĩ ooti nẽ ũtũbũrĩt thõõth cĩ Nyekuci, aitiõõ thõõth ꞌcĩ abũnnaa tõõ, hĩnĩngĩtĩ ẽꞌthẽcattĩ ĩhõõggõ ooti hĩ muhẽẽnĩt cĩnĩĩng vẽlẽk.