ꞌRooma 14:2 - ꞌBuuk cĩ Thõõth cĩ Nyekuci

² Aaꞌnyĩk lemiiniti cĩ eet umwa ĩnõõnnõ hadak hẽlẽggĩ vẽlẽk, nẽẽthĩ, eet umwaa ꞌcĩ hõllõngaa attiran lemiiniti cĩnnẽẽnĩ, aduk ꞌdiaatĩn ꞌcĩg cũlahĩg diooni.

ꞌRooma 14:2 ပူးပေါင်းရင်းမြစ်များ

ꞌThianaattõ 1:29

Nẽ õthõõth Nyekuci tarĩ ĩĩ, “Haaꞌnyuung naa haal hĩ hẽẽn ꞌcĩg abbiiri vẽlẽk hĩĩ ꞌgẽẽn cunuung.

ꞌThianaattõ 9:3

Haaꞌnyuung naa ngagiit ĩhõõggõ hĩĩtõ ꞌgẽẽn cunuung hĩ baa haaꞌnyuung haal hĩ ꞌdiaatĩna.

ꞌRooma 14:1

Elemit eet ꞌcĩ aꞌnyak lemiinit ꞌcĩ hõllõngaa attiranĩ nẽ ma hetteediku ĩnõõnnõ thooꞌthiok ꞌcĩg ẽppẽhanoonnu.

ꞌRooma 14:14

Hĩ ẽẽtĩ ꞌcĩ aaĩ hĩ Makayyioohit Yeesu, haga naa gẽrrẽẽt aitiõõ ꞌgẽẽn ꞌcĩ aꞌngirannii ꞌcĩ ĩĩn ꞌriiring ẽmmẽn tõõ. Nẽẽthĩ, má ammuk ẽẽtĩ umwaa aĩ aꞌngirannii ꞌgẽẽn nẽ ĩĩ ꞌriiring, aꞌngirannii thĩ mĩĩ ꞌthẽk hĩ ĩnõõnnõ nẽ ĩĩ ꞌriiring.

ꞌRooma 14:20

Ma hẽꞌthẽcannu dtiic cĩ Nyekuci hĩnĩngĩtĩ ꞌgẽẽn. Tẽllĩg ꞌgeennioha vẽlẽk, nẽẽthĩ, abathĩ ngaatĩ adahĩ ẽẽtĩ ꞌgẽẽn ꞌcĩ aaꞌnyĩk eet umwa hẽꞌthẽcanõõ.

ꞌRooma 15:1

Má õkõmĩ lemiiniti cĩnaac, occa haꞌnyak naag ꞌthinneeti ꞌcĩg makatĩg hĩ nuyyiook cĩg Makayyiooktak ꞌcĩg hõllõngaa attiran lemiiniti cĩnĩĩng. Occa haaꞌnyĩk ĩhõõggõ haccamattoothĩk hĩllõõan ngaatĩ haaꞌnyĩkĩ eleeti cĩggaac haccamattoothĩk.

1 Korinthia 10:25

Adahit ꞌgii vẽlẽk ꞌcĩ ũũtĩ ꞌcuuhaa cĩ idiingo, hĩllõõan ngaatĩ aꞌnyaku muhẽẽnĩt ꞌcĩ aĩ, aku baa idingi ciee ĩĩna.

1 Korinthia 8:9

Ma haĩnanaaku eet ꞌcĩ hõllõngaa attiran muhẽẽnĩtĩ cĩ ꞌthĩnĩt cĩnnĩ, thõõth ꞌcĩ abathĩ, hĩnĩngĩtĩ agayyu niig ngaatĩ adaku ꞌgeenniok vẽlẽk.

1 Korinthia 9:22

Hĩ eet ꞌcĩg hõllõngaa õkõmĩ ꞌthinneeti, hikia haau naa buúk hĩ ẽẽtĩ ꞌcĩ hõllõngaa õkõmĩ ꞌthĩnĩt, hátĩ hũlũllũũman ĩhõõggõ hiita hĩĩtõ lemmiook. Hikia hĩĩna naa ꞌgii vẽlẽk hĩ eet vẽlẽk, hátĩ hẽẽla ũgĩ.

ꞌGalaaꞌthia 2:12

Ma baa nga õdõlan Pẽẽtũrũ thõng, iita udukto hĩ Kristiaanĩt ꞌcĩg hõllõngaa ĩĩn ꞌJudeei. Ma urutaa ĩbaa iitaaĩ ꞌgõõnõgĩ ꞌJeemithi, iittiõõ Pẽẽtũrũ hõllõngaa aduhi hĩ eet ꞌcĩg hõllõngaa ĩĩn ꞌJudeei tarĩ. Baa iꞌngolli nẽẽ ꞌgõõnõgĩ ꞌJeemithi ꞌcĩg baag ara õthõõth aĩ, adiim Kristiaanĩt ꞌcĩg hõllõngaa ĩĩn ꞌJudeei hetteeddi eleeti.

1 Timotteeo 4:4

Hĩnĩngĩtĩ abũnnaa hẽlẽggĩ vẽlẽk baag ẽhẽnyta Nyekuci nẽ má hĩĩttĩk naag Nyekuc ĩlaallẽ, occa haaga ngaatĩ haduhi ꞌgeenniok vẽlẽk,

Tiito 1:15

Tẽlla thõõth vẽlẽk hĩ eet ꞌcĩg tẽllĩg ꞌthinneeti. Nẽẽthĩ, eetinii ꞌcĩg ẽꞌngẽjĩ ooti nẽ ũtũbũrĩt thõõth cĩ Nyekuci, aitiõõ thõõth ꞌcĩ abũnnaa tõõ, hĩnĩngĩtĩ ẽꞌthẽcattĩ ĩhõõggõ ooti hĩ muhẽẽnĩt cĩnĩĩng vẽlẽk.

Ebereei 13:9

Nẽẽthĩ, ma haaꞌnyiku ꞌlimman ꞌcĩ abathĩ higgooluung ngagiita. Mẽẽn ngaatĩ hammũdaanĩ ꞌtirrian tarbalꞌthẽẽtaa cĩ Nyekuci, hĩllõõan ꞌgeenniok ũgĩ ꞌcĩg hadahĩ. Nẽẽthĩ, aitiõõ ꞌgeennioha cieeg hõllõngaa ẽẽl eet ꞌcĩg adak ko.

Ebereei 9:10

Ĩĩn nyattalliooha cieeg ꞌgõõl ꞌcĩ adahĩ eeta ꞌgeenniok hĩ cĩg ahũdẽẽnĩ hĩ tũũnyẽnĩt cĩ eleetinu haaga. Nẽ nyattalĩ cĩ tũũnyẽnĩt cĩ eleetinu, adticanni hatĩ hĩdĩhĩdĩĩc haaga, ĩꞌthõng hikia hẽgẽẽran nyattalĩ ꞌcĩ ĩĩn ngeju.