ꞌRooma 14:14 - ꞌBuuk cĩ Thõõth cĩ Nyekuci

¹⁴ Hĩ ẽẽtĩ ꞌcĩ aaĩ hĩ Makayyioohit Yeesu, haga naa gẽrrẽẽt aitiõõ ꞌgẽẽn ꞌcĩ aꞌngirannii ꞌcĩ ĩĩn ꞌriiring ẽmmẽn tõõ. Nẽẽthĩ, má ammuk ẽẽtĩ umwaa aĩ aꞌngirannii ꞌgẽẽn nẽ ĩĩ ꞌriiring, aꞌngirannii thĩ mĩĩ ꞌthẽk hĩ ĩnõõnnõ nẽ ĩĩ ꞌriiring.

ꞌRooma 14:14 ပူးပေါင်းရင်းမြစ်များ

Maarko 7:2

Ma ho, au hinnia õrõõta ngaatĩ adahĩ nuyyiooha cĩgĩnnĩg ũgẽẽgĩ ꞌgẽẽn nga hũtũũnyĩtõ athĩn cĩggĩĩng,

Dtiicanĩ cĩg ꞌThooyyiahu 10:28

Ma ho ĩĩnnĩk ĩhõõggõ, “Agayyu niig vẽlẽk abũrĩ nyattalĩ cĩnaang ngaatĩ arũmẽẽnĩ eeta cĩg ꞌJudeei ũgẽẽgĩ hĩ eet ꞌcĩg hõllõngaa ĩĩn ꞌJudeei, hode nẽẽ eheronoothĩk ĩhõõggõ haaga. Nẽẽthĩ, ẽtẽrẽthaa nganĩĩt Nyekuci hiittiõõ hõllõngaa occa haini tẽlla eet umwaanĩ nẽ ĩĩ umwa ꞌriiring.

ꞌRooma 14:2

Aaꞌnyĩk lemiiniti cĩ eet umwa ĩnõõnnõ hadak hẽlẽggĩ vẽlẽk, nẽẽthĩ, eet umwaa ꞌcĩ hõllõngaa attiran lemiiniti cĩnnẽẽnĩ, aduk ꞌdiaatĩn ꞌcĩg cũlahĩg diooni.

ꞌRooma 14:20

Ma hẽꞌthẽcannu dtiic cĩ Nyekuci hĩnĩngĩtĩ ꞌgẽẽn. Tẽllĩg ꞌgeennioha vẽlẽk, nẽẽthĩ, abathĩ ngaatĩ adahĩ ẽẽtĩ ꞌgẽẽn ꞌcĩ aaꞌnyĩk eet umwa hẽꞌthẽcanõõ.

ꞌRooma 14:23

Nẽẽthĩ, ẽẽtĩ ꞌcĩ akidanĩ, etteedothoothĩk thõõth hatĩ adak ꞌgẽẽn tĩho, hĩnĩngĩtĩ duhẽẽnĩtĩ cĩnnĩ ho, hõllõngaa aku lemiitta nẽ hẽlẽggĩ vẽlẽk ꞌcĩg hõllõngaa au lemiitta, ĩĩn ꞌthẽccan.

1 Korinthia 10:25

Adahit ꞌgii vẽlẽk ꞌcĩ ũũtĩ ꞌcuuhaa cĩ idiingo, hĩllõõan ngaatĩ aꞌnyaku muhẽẽnĩt ꞌcĩ aĩ, aku baa idingi ciee ĩĩna.

1 Korinthia 8:10

Má ĩcĩnuung eet ꞌcĩ hõllõngaa aꞌnyak ꞌthĩnĩt ꞌcĩ õkõmĩ ngagiit eet ꞌcĩg agayyu ngaatĩ adaku ꞌgẽẽn ꞌcieethaa cĩ ꞌgii ꞌcĩ aar eeta hĩĩ nyekuc ꞌcĩ hõllõngaa ĩĩn dĩdĩ ho, aaꞌnyĩk hinnia hatĩ thõõth ciee ĩnõõnnõ buúk, hũũk hũbũraneek ngaatĩ õkõ adahĩ ꞌgẽẽn ꞌcĩ aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya ho.

1 Korinthia 8:7

Hõllõngaa aga eeta vẽlẽk thooꞌthiok iccig. Nẽ dĩdĩ, baa itiliꞌthia eeta ꞌcĩg mẽẽlĩg ꞌgõõlaa ꞌcĩ ẽlẽmmĩ thõõth ꞌcĩ aĩ, arũgĩ hẽlẽggĩ ꞌcĩg aar eeta hĩĩtõ nyekuꞌnya ho. Nẽẽthĩ, má adak nẽẽg iding ꞌcĩ aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya ho, accanan hinnia ĩhõõggõ muhẽẽnĩtĩ cĩ ꞌthinneeti cĩggĩĩng ꞌcĩg hõllõngaa õkõmĩ.

1 Timotteeo 4:4

Hĩnĩngĩtĩ abũnnaa hẽlẽggĩ vẽlẽk baag ẽhẽnyta Nyekuci nẽ má hĩĩttĩk naag Nyekuc ĩlaallẽ, occa haaga ngaatĩ haduhi ꞌgeenniok vẽlẽk,

Tiito 1:15

Tẽlla thõõth vẽlẽk hĩ eet ꞌcĩg tẽllĩg ꞌthinneeti. Nẽẽthĩ, eetinii ꞌcĩg ẽꞌngẽjĩ ooti nẽ ũtũbũrĩt thõõth cĩ Nyekuci, aitiõõ thõõth ꞌcĩ abũnnaa tõõ, hĩnĩngĩtĩ ẽꞌthẽcattĩ ĩhõõggõ ooti hĩ muhẽẽnĩt cĩnĩĩng vẽlẽk.