ꞌRooma 14:13 - ꞌBuuk cĩ Thõõth cĩ Nyekuci

¹³ Nẽẽthĩ, hibilli ngaatĩ hẽttẽẽdĩkĩ ꞌgoonogeet thõõth. Nẽẽthĩ hinnianĩ, hũkũmatteek muhẽẽnĩt, hátĩ hiittiõõ hõllõngaa hahĩĩnak ꞌgotoonogeet hẽꞌthẽcattõõ.

ꞌRooma 14:13 ပူးပေါင်းရင်းမြစ်များ

Maatteeo 16:23

Ma ho, ubbuud Yeesu Pẽẽtũrũ nẽ ĩĩnnĩk, “ꞌNyẽẽhĩ muumaa caannĩ ꞌThĩttaan! Alaammaa nii nganĩĩta, aꞌnyahi nii muhẽẽnĩt cĩ eeto nẽ hõllõngaa ĩĩn cĩ Nyekuci.”

Maatteeo 18:7

Pĩĩrnanĩt hĩ eet cĩg looc nicci, hĩnĩngĩtĩ hẽlẽggĩ ꞌcĩg aaꞌnyĩk eet hẽꞌthẽcattõõ! Au ꞌthẽk hatĩ ꞌthẽccanẽẽta tĩko, nẽẽthĩ, etteedothoothĩk hatĩ pĩĩrnanĩtĩ ꞌcĩ abathĩ gẽrrẽẽt eet ꞌcĩ auuni thooꞌthioha tĩko!

Maatteeo 7:1

“Ma hetteediku ꞌgoonogu thõõth, haau hĩcĩ hatĩ aitiõõ Nyekuci hõllõngaa etteedikuung ngagiit buúk thõõth.

ꞌLuuka 12:57

Ma nĩngaata, uduhaak Yeesu eet ĩĩnnĩk, “Hõllõngaa occa agayyu thõõth ꞌcĩ aũlan nẽ idticattu inni?

ꞌLuuka 17:2

Occa mẽẽn ngaatĩ ẽcẽbõõthĩkĩ ĩnõõnnõ hirriaaĩ iꞌnyiaawa nẽ udhuhoothĩk bũlũcatõõ, hĩllõõan ngaatĩ allabẽẽkĩ nẽẽ ꞌgõõnõgĩ ꞌthẽccan.

ꞌRooma 11:9

Nĩngĩtĩ õthõõthĩ habuui Daavide aĩnnĩ, “Edettiõõĩ ꞌgẽẽn cĩnĩĩng, haggam ĩhõõggõ, hátĩ huukti nẽẽgĩ.

ꞌRooma 14:10

Inni otongomit ꞌgoonogu ũgĩ ꞌcĩg ĩĩn lemmiook ꞌcĩg Makayyiooktak ko? Aaĩ hatĩ kõrra ꞌcĩ aku etteedĩkeet Nyekuci ngagĩĩt vẽlẽk thooꞌthiok.

ꞌRooma 14:3

Ẽẽtĩ ꞌcĩ adak hẽlẽggĩ vẽlẽk, hõllõngaa occa ẽmẽnĩt eet ꞌcĩ hõllõngaa adak ꞌgii vẽlẽk, nẽ ẽẽtĩ ꞌcĩ hõllõngaa adak ꞌgii vẽlẽk, occa hõllõngaa arannĩ ꞌgõõnĩ ꞌcĩ adak hẽlẽggĩ vẽlẽk, hĩnĩngĩtĩ ẽlẽm Nyekuci ĩnõõnnõ.

ꞌRooma 14:4

Nganiit nganĩ ꞌcĩ occa etteedihi dticciannioohit cĩ eet umwa thõõth ko? Makayyioohit cĩnnĩ dioo ꞌcĩ aduha, hatĩ adĩman nẽẽ thõõth ꞌcĩ aũlanĩ nẽ Makayyioohit hatĩ dioo ꞌcĩ aaꞌnyĩk ĩnõõnnõ hĩdĩman thõõth ꞌcĩ aũlanĩ.

ꞌRooma 16:17

Halayyuung naa ngagiit ꞌgotoonoga hĩ ngoonoga, uꞌthuutti eleeti eetinii ꞌcĩg ĩkõõtha ngẽrõõnĩt hõrggẽẽnaa cunuung nẽ õhõrrattuung ngagiit ꞌgõõlaa ꞌcĩ hõllõngaa õõkõrõõ hĩ ꞌlimman baa allimannu niiga. Ĩĩtõ ꞌrẽẽttĩg hĩ ĩhõõggõ.

1 Korinthia 10:32

Ma haĩnanaannu eet umwa hẽttẽẽd looc, hode ꞌJudeeinit hode ꞌGiriheenit hode lothippit cĩ lemmiook cĩg Nyekuci,

1 Korinthia 11:13

Ittiamanit da thõõth icci ẽmmẽn. Abũnnaa occa ngaatĩ alaĩ ngaa Nyekuc, hatĩ hõllõngaa ammũt õõ?

2 Korinthia 5:14

Aggammeet ngagĩĩt mĩnnanĩ cĩ Krĩstõ. Haga naag haĩ baa adaahĩ Krĩstõ, hĩnĩngĩtĩ eet vẽlẽk, ẽtẽrꞌtha thõõth ciee aĩ, õthõl eeta vẽlẽk daahĩth cĩnnĩ.

2 Korinthia 6:3

Baa hõllõngaa hõhõõrranna naag ꞌgõõl cĩ eet umwa, hátĩ hiittiõõ bathi ꞌcĩ ammuddiaa dtiicaa cĩnaang ko tõõ, ĩnõõ ꞌcĩ hattĩmanna gẽrrẽẽt ngaatĩ hõllõngaa hahĩĩnanna thõõth umwa ꞌcĩ abathĩ.

Pilippi 1:10

Hĩnĩngĩtĩ hadiimmuung naa ngagiit agaac ꞌgõõl ꞌcĩ ẽbẽraannu thooꞌthiok ꞌcĩg aũlanĩ, hátĩ nuun aꞌnyahit rũgẽt ꞌcĩ tẽllĩ nẽ iittu eet ꞌcĩg ammĩrru, ĩꞌthõng kõr ꞌcĩ hatĩ õbõdaanĩ Krĩstõ.

1 Timotteeo 5:14

Ĩnõõ ꞌcĩ haduhaakĩ naa ngaatĩbõyyĩꞌnya ꞌcĩg nga hidicig hũꞌthũwattĩ tarĩ, hátĩ hittirria lõhõlĩ nẽ uꞌthuutti olooyyiok cĩggĩĩng jurrung, hiittiõõ hõllõngaa ongomĩtteet mĩrõha cĩggaac ngagĩĩta.

ꞌJeemith 2:4

nga thĩ ahalit niig eleeti hõrggẽẽnaa cunuung nẽ etteeddu thooꞌthiok muhẽẽttaa ꞌcĩ abathĩ?

ꞌJeemith 4:11

ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.

1 Yõaannẽ 2:10

Nẽ má hammĩnan ꞌgoonogeet, haattĩg naag lanyita nẽ aitiõõ thõõth ꞌcĩ abathĩ ꞌcĩ hahĩĩnak ĩhõõggõ tõõ.

Terethiinit 2:14

“Haꞌnyahi naa thooꞌthiok ꞌcĩg abadtẽc ꞌcĩg hatabi haduhaakuunga, ꞌcĩg nga adĩmannu niig ꞌgõõlaa ꞌcĩ abathĩ. Aattĩg eeta ũgẽẽgĩ hõrggẽẽnaa cunuung ꞌcĩg anũ ꞌlimman cĩ Balaamĩ, eet baa eterꞌtheek Balak haaꞌnyĩk eet cĩg Ĩꞌthĩraẽlĩ hĩdĩmanit thooꞌthiok ꞌcĩg abathĩ. Baarkit, baa alũllũũmaneek Balaamĩ eet hẽꞌthẽcattõõ ꞌgõõlaa ꞌcĩ aduhi ꞌgeenniok ꞌcĩg aaꞌnyĩk eeta hẽlẽggĩ ꞌcĩg aar nẽẽg hĩĩtõ nyekuꞌnya hatĩ alayyi. Nẽ ũlũllũũmaneek hitikto tahatak.