ꞌRooma 14:1 - ꞌBuuk cĩ Thõõth cĩ Nyekuci

¹ Elemit eet ꞌcĩ aꞌnyak lemiinit ꞌcĩ hõllõngaa attiranĩ nẽ ma hetteediku ĩnõõnnõ thooꞌthiok ꞌcĩg ẽppẽhanoonnu.

ꞌRooma 14:1 ပူးပေါင်းရင်းမြစ်များ

Maatteeo 12:20

Aitiõõ hatĩ nẽẽ hõllõngaa aduul ĩhaooc ꞌcĩ aggiingi, hode adĩĩt ꞌloomo ꞌcĩ attũllĩ, ĩꞌthõng hatĩ haꞌnyaha bũnnai.

Maatteeo 14:31

Ma hĩdĩĩkoothong, aggam Yeesu aꞌthiit cĩ Pẽẽtũrũ hõdõnga ĩnõõnnõ nẽ ĩĩ, “Hĩdĩc lemiiniti cunnẽẽnĩ. Akidani inni?”

Maatteeo 18:10

Ma nĩngaata, õthõõth Yeesu ĩĩ, “Ma hararru lõhõlĩ ꞌcĩg kidicig ꞌcĩg aattĩg hĩ cieegi. Hĩnĩngĩtĩ haduhaakuung dĩdĩ, acĩn aajĩlẽẽta cĩggĩĩng hẽẽtahujjieen hõdõõkõthĩ muum cĩ Baaba.

Maarko 7:19

Hĩnĩngĩtĩ hõllõngaa aduhun ꞌgẽẽn ꞌcĩ adak ẽẽtĩ, õkõ ꞌthĩnĩtatõõ cĩnnĩ, aduhun õkõ hẽẽngatõõ nẽ uduhuna battaala.” Õthõõth Yeesu hoti, hĩnĩngĩtĩ uppulana nẽẽ ĩĩ, ĩĩn ꞌgẽẽn vẽlẽk ꞌcĩ abũnnaa ngaatĩ hadahĩ.

ꞌLuuka 17:2

Occa mẽẽn ngaatĩ ẽcẽbõõthĩkĩ ĩnõõnnõ hirriaaĩ iꞌnyiaawa nẽ udhuhoothĩk bũlũcatõõ, hĩllõõan ngaatĩ allabẽẽkĩ nẽẽ ꞌgõõnõgĩ ꞌthẽccan.

Yõaannẽ 13:20

Nẽ haduhaakuung dĩdĩ, ẽẽtĩ ꞌcĩ ẽlẽmĩ eet ꞌcĩ hĩꞌthõõa naana, ẽlẽmma nganĩĩta nẽ ẽẽtĩ ꞌcĩ ẽlẽmma nganĩĩta, ẽlẽmĩ eet baa ĩꞌthõõannaa nganĩĩta.”

Dtiicanĩ cĩg ꞌThooyyiahu 28:2

Baa accamanaanneet maajihi lootu gẽrrẽẽt, nĩngĩtĩ aadeekeet ꞌgwoo ꞌcĩ hĩrraanna naag vẽlẽk, hĩnĩngĩtĩ baa atĩĩlĩ tammu nẽ alal lõõcĩ gẽrrẽẽt.

ꞌRooma 11:15

Baa ũtũbũrĩt eeta cĩg Ĩꞌthĩraẽlĩ Nyekuc, iita elemit eeta ꞌcĩg hõllõngaa ĩĩn ꞌJudeei ĩnõõnnõ. Nẽẽthĩ hoti ho, ma hatĩ ma ikia ẽlẽm Nyekuci eet cĩg Ĩꞌthĩraẽlĩ, aaĩ hatĩ hĩcĩ arũgtha nẽẽ daakiak.

ꞌRooma 14:2

Aaꞌnyĩk lemiiniti cĩ eet umwa ĩnõõnnõ hadak hẽlẽggĩ vẽlẽk, nẽẽthĩ, eet umwaa ꞌcĩ hõllõngaa attiran lemiiniti cĩnnẽẽnĩ, aduk ꞌdiaatĩn ꞌcĩg cũlahĩg diooni.

ꞌRooma 14:21

Ẽllẽẽmĩth ngaatĩ occa hõllõngaa hadahĩ iding hode hahũdĩ mẽrtĩ cĩ viinoo hode hadĩmanĩ thooꞌthiok ũgĩ ꞌcĩg ahaca ꞌgotoonogeet ꞌcĩg ĩĩn lemmiook hẽꞌthẽcattõõ.

ꞌRooma 14:3

Ẽẽtĩ ꞌcĩ adak hẽlẽggĩ vẽlẽk, hõllõngaa occa ẽmẽnĩt eet ꞌcĩ hõllõngaa adak ꞌgii vẽlẽk, nẽ ẽẽtĩ ꞌcĩ hõllõngaa adak ꞌgii vẽlẽk, occa hõllõngaa arannĩ ꞌgõõnĩ ꞌcĩ adak hẽlẽggĩ vẽlẽk, hĩnĩngĩtĩ ẽlẽm Nyekuci ĩnõõnnõ.

ꞌRooma 15:1

Má õkõmĩ lemiiniti cĩnaac, occa haꞌnyak naag ꞌthinneeti ꞌcĩg makatĩg hĩ nuyyiook cĩg Makayyiooktak ꞌcĩg hõllõngaa attiran lemiiniti cĩnĩĩng. Occa haaꞌnyĩk ĩhõõggõ haccamattoothĩk hĩllõõan ngaatĩ haaꞌnyĩkĩ eleeti cĩggaac haccamattoothĩk.

ꞌRooma 15:7

Nẽẽthĩ, elemit ꞌgoonogu ꞌcĩg ĩĩn lemmiook hõrggẽẽnaa cunuung haau hĩ baa elemmuung Krĩstõ ngagiita, hátĩ aꞌnyaktaak Nyekuc bulẽẽnĩt.

ꞌRooma 4:19

Baa aalla õkõmĩ lemiiniti cĩ Abũrahamĩ, tananga baa ĩĩtõ irkiꞌnyia cĩgĩnnĩg ꞌmiia hõdẽĩ (100). Baa aga nẽẽ ngaatĩ õbõhõõĩ ĩnõõnnõ daahĩthĩ nẽ iittiõõ ngaa cĩnnĩ Thaara hõllõngaa occa aꞌnyak lõhõlĩ.

1 Korinthia 9:22

Hĩ eet ꞌcĩg hõllõngaa õkõmĩ ꞌthinneeti, hikia haau naa buúk hĩ ẽẽtĩ ꞌcĩ hõllõngaa õkõmĩ ꞌthĩnĩt, hátĩ hũlũllũũman ĩhõõggõ hiita hĩĩtõ lemmiook. Hikia hĩĩna naa ꞌgii vẽlẽk hĩ eet vẽlẽk, hátĩ hẽẽla ũgĩ.

Pilippi 2:29

Iita ũrũmtĩ hĩ ĩnõõnnõ hõrggẽẽnaa cunuung lõꞌngõõc hĩ lemmioohiti cĩ Makayyiookto nẽ itingollieeu eet ꞌcĩ aaĩ hĩ nẽẽnĩ,

1 Tẽꞌthaloonika 5:14

Haduhaakuung thõõthaa ꞌcĩ õkõmĩ gẽrrẽẽt hõlõ, itilooc eet ꞌcĩg ĩĩn nyamuttiook hidticattõõ hĩ eeta vẽlẽk, uduktaak teelliak hokomit ꞌthinneeti, eelit pĩĩrnattiaak nẽ ĩdĩhattu thooꞌthiok hõrggẽẽnaa cunuung.

Ebereei 5:14

Ĩĩn ahat ꞌcĩ õkõmĩ cĩ eet cobbi nẽ aala illiman ngaatĩ ittiamanĩ ꞌgii ꞌcĩ abũnnaa hĩcĩ abathĩ.

2 Yõaannẽ 1:10

Má uppwannakuung eet umwaa lothippitaa cunuung nẽ hõllõngaa allimman thõõth ꞌcĩ ĩĩn dĩdĩ cĩ Krĩstõ, ma haaꞌnyĩku eet tĩho huduhuna halaꞌngiõõhĩĩ cugguung, hode ma hakũtannu thõng.