ꞌRooma 13:13 - ꞌBuuk cĩ Thõõth cĩ Nyekuci

¹³ Ĩdĩmanit thooꞌthiok ꞌcĩg abũnnaa ꞌcĩg accamana Nyekuci, ma hookoroonnu hĩ eet ꞌcĩg abathĩ, hode aduunnu thõng, ma hattihoonnu tahatak, hode eggerꞌnyoonnu hode ma hiinannu hẽlẽggĩ cĩg eetuk.

ꞌRooma 13:13 ပူးပေါင်းရင်းမြစ်များ

ꞌLuuka 1:6

Nẽ baa ĩĩn ꞌThakaria hĩ Eliꞌthẽbẽta eet ꞌcĩg abũnnaa gẽrrẽẽt muumaa cĩ Nyekuci, baa aꞌthũũnnĩ nẽẽg tilooinit hĩ nyattalliook cĩg Makayyiooktak jurrung.

ꞌLuuka 16:19

Ma nĩngaata, uduhaak Yeesu eet ĩĩnnĩk, “Baa aaĩ ballioohiti umwaa ꞌcĩ ahimit ceremwa ꞌcĩg ꞌrẽggẽẽg ꞌcĩg õkõmĩ gẽrrẽẽt nẽ adak ꞌgẽẽn ꞌcĩ abũnnaa waathinniook vẽlẽk.

ꞌLuuka 21:34

“Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

Dtiicanĩ cĩg ꞌThooyyiahu 2:15

Aitiõõ eeta cieeg hõllõngaa adũũtĩ hĩcĩ ammuhuneeku niig ko. Iyyia aku thõõth ciee aa ꞌthaa tũrkũwwec ngerrenita.

1 Korinthia 3:3

Nga ĩĩgĩnnu niig eet cĩg looc nicci, hĩnĩngĩtĩ nga iinanoonnu niig nẽ eggerenytoou hõrggẽẽnaa cunuung, aitiõõ ꞌyioko niig hõllõngaa aattiyyu hĩ eeta cĩg looc nicci? Aitiõõ ꞌyioko niig hõllõngaa adticaniinnu hĩ eeta ꞌcĩg hollig ooti haaga?

ꞌGalaaꞌthia 5:19

Muhẽẽnĩt ꞌcĩ abathĩ ꞌcĩ aaꞌnyĩk eet helemit thooꞌthiok ꞌcĩg ĩĩn ꞌriiring, hĩ dtiicanĩ ꞌcĩg abathĩ.

ꞌGalaaꞌthia 5:21

iinan hẽlẽggĩ cĩg eetuk nẽ ĩĩn duuttiak nẽ adĩman thooꞌthiok ꞌcĩg abathĩ ꞌcĩg aattĩg hĩ cieeg karramẽẽtĩ. Ĩꞌnya da huduhaahuung thõõth umwa tarĩ hĩ baa haduhaakuung baa ĩĩcĩ oou, eeta ꞌcĩg adtican thooꞌthiok iccig, hõllõngaa hatĩ aduhun nẽẽg habuccieet cĩ Nyekuci nẽ ĩĩtõ lõhõlĩ cĩgĩnnĩg.

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Eevvetho 4:17

Hĩ nuyyioohiti cĩ Makayyiookto, haduhaakuung hanneekuung ibilli authet ꞌcĩ aattiyyu hĩ eeta ꞌcĩg aggiithi ꞌcĩg hõllõngaa aga Nyekuc.

Eevvetho 5:15

Nẽẽthĩ, ĩcĩnĩt authet ꞌcĩ aattiyyu jurrung. Ma haattiyyu hĩ ꞌgiiꞌthiaha, aaut hĩ ꞌgeeꞌnyiaha.

Eevvetho 5:18

Aanytĩk Lori ꞌcĩ Ẽllẽẽmĩth haggam rũgẽt cunuung. Ma hiꞌnyiathanaannu eleeti dũũtĩtha, hĩnĩngĩtĩ aĩnanaakuung dũũtĩthĩ ĩdĩmanit thooꞌthiok ꞌcĩg mẽẽlĩg ꞌcĩg abathĩ.

Eevvetho 5:8

Hĩnĩngĩtĩ baa gõõng aattiyyu niig hĩ eeta ꞌcĩg aattĩg muguuratõõ, nẽẽthĩ ꞌyioko, iittu eet cĩg lanyitaak, hĩnĩngĩtĩ iittu eet cĩg Makayyiooktak. Nẽẽthĩ ꞌyioko, aaut hĩ lohollia cĩg lanyitaak,

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Pilippi 2:3

Ma hĩĩgĩnnu muruꞌthiook nẽ ma hathĩngõõnyaneeku ꞌgoonogu. Irritatta eleeti cugguung hĩĩtõ hĩdĩcĩg nẽ icittu ꞌgoonogu haauto hĩcĩ ĩllõõannuung ngagiita.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

1 Tẽꞌthaloonika 2:12

Baa haduhaakuung naag ngagiit hanneekuung aaut jurrung nẽ hiittihuung ũnnẽẽc thõõth cĩ Nyekuci, hĩ ngaatĩ hamammaayannuung ngagiit aaut ꞌgõõlaa ꞌcĩ accamana Nyekuci, hĩnĩngĩtĩ ĩnõõnnõ ꞌcĩ ẽbẽraannuung ngagiit aĩ iita otholit hĩ ĩnõõnnõ bulẽẽnĩt cĩ habuccieet cĩ õlõ cĩnnĩ.

1 Tẽꞌthaloonika 4:12

Nẽẽthĩ hatĩ ꞌgõõlaa cĩ, au hatĩ iꞌngoliinnuung eeta cĩg battaalu ꞌcĩg nga hagaacõ thõõth cĩ Makayyiookto nẽ hatĩ iittiõõ hõllõngaa alihinnu ꞌgiimwa hĩ eet umwa tarĩ.

1 Tẽꞌthaloonika 5:17

Alayyio hõdõõkõthĩ.

ꞌJeemith 4:5

Ĩccaaddu niig thõõth ꞌcĩ aduha ꞌBuuhi cĩ Nyekuci aĩ, “Aꞌthũũnnĩ Nyekuci lori baa aarĩk nẽẽ ꞌthinneetinii cĩggaac jurrung?”

1 Yõaannẽ 2:6

Má hõthõõth naag haĩ hĩĩgĩn cĩgĩnnĩg, abũnnaa hanũ terethiinit cĩ Krĩstõ.

2 Yõaannẽ 1:4

Baa haccamanoothihi naa gẽrrẽẽt ngaatĩ hathĩknĩ aĩ, anũ lohollia cugguung ũgẽẽgĩ thõõth ꞌcĩ ĩĩn dĩdĩ, hĩ baa aduhaakeet Baangẽẽtĩ cĩnaac hĩdĩmanit.

ꞌJuud 1:23

Eellia eet ꞌcĩg adiim eelliaa ꞌgwoyyiaa ꞌcĩ aalla ũdũt. Nẽ tẽẽlꞌthĩtaa cĩ ꞌthinneeti cugguung, atamaattik eet ꞌcĩg adiim tamaati cunuung. Nẽẽthĩ, ĩcĩnĩt jurrung, umuddia ꞌgõõl ꞌcĩ occa aburru ꞌthẽccanẽẽt ꞌcĩg ẽꞌthẽcan rũgẽt cĩnĩĩng.